Кытайдагы медицина кызматкерлери. Архивдик сүрөт

Мамлекет жигит таап берсин! Кытайда коронавирус менен күрөшкөн медайымдын талабы

932
(жаңыланган 13:38 06.03.2020)
Көптөн бери жалгыз бой жүргөн 30 жаштагы медайым коронавирус менен күрөшүүгө мекендештерине жан үрөп жардам берип жатканы "татыктуу бааланарына" ишенерин айткан.

БИШКЕК, 3-мар. — Sputnik. Кытайдын Ухань шаарында коронавирус жуктургандар дарыланып жаткан ооруканалардын биринде иштеген Тянь Фанфан аттуу медайым эмгегинин "акысы" катары мамлекет ага жигит таап берет деп үмүттөнүп жатканын айтып тамашалады. Анын жергиликтүү социалдык тармакка жазган посту тез арада дүйнөгө тарап кеткенин Daily Mail басылмасы жазды.

Көптөн бери жалгыз бой жүргөн 30 жаштагы медайым коронавирус менен күрөшүүгө мекендештерине жан үрөп жардам берип жатканы "татыктуу бааланарына" ишенерин айткан. Ошондой эле ал өзүнүн бою узун болгондуктан, жанында бою 1,7 метрден жогору жигитти көргүсү келерин кошумчалаган.

"Чындыгында мен эпидемияга кабылып, мүңкүрөп турган кишилерге жагымдуу маанай тартуулап коёюн деп пост жазгам. Бирок ушунча көп адам реакция кылып, менин түгөй издеп жатканымды бүт дүйнө билип калат деп ойлогон эмесмин", — деди Фанфан.

Бирок ал азыркы кезде болгон убактысын кызматтык милдеттерине арнап жатканын, жеке жашоосу тууралуу эпидемия аягына чыккандан кийин ойлонорун жазды.

Биз анализ тапшыра турган лабораториялар тууралуу маалымат чогулттук. Баасы, дареги, телефон номерлери

932
Белгилер:
жигит, коронавирус, медайым, Кытай
Тема:
Дүйнөгө жайылган коронавирус (1394)
Тема боюнча
Түштүк Корея коронавирусту жайылткан сектанын лидерлерин сотко берди
Өзгөн: коронавирус боюнча жалган маалымат таркаткан медайым иштен алынды
Коронавирустан корккон Иран тургундары оорукананы өрттөп салышты. Видео
Сакайгандардын саны 45 миңден ашты. Коронавирус боюнча бүгүнкү абал
Баткен облусунун Ак-Сай айылынын тургундары. Архив

Тажикстан кыргызстандыктарды сабаган жарандары жазаланарын айтты

116
(жаңыланган 00:02 18.05.2021)
Бүгүнкү чатак боюнча жергиликтүү эл менен сүйлөшүү болуп, түшүндүрүү иштери жүргүзүлүп жатат. Чек ара бөлүктөрү күчөтүлгөн тартипте иш алып барууда.

БИШКЕК, 17-май — Sputnik. Кыргызстандыктарды сабоого катышкан тажик жарандары Тажикстандын мыйзамдары боюнча жоопко тартылат. Бул туурасында Кыргызстандын УКМКсынын Чек ара кызматынан кабарлашты.

Окуя боюнча Баткен менен Согди облустарынын жетекчилери эки өлкөнүн күч түзүмдөрүнүн өкүлдөрүнүн жолугушуусунда макулдашуу болгон.

Бүгүн, 17-майда, Тажикстан менен чектешкен Ак-Сай айылында тургундар эртең менен үч тажик жаранын кармап, өлкө аймагында эмнеге жүргөнүн тактоо максатында милицияга жеткирип беришкен. Ошол эле учурда тажик жарандары Тажикстандын Ворух айылы аркылуу жайлоодон келе жаткан үч кыргыз жаранын кармап алышкан. Алдын ала маалыматтарга ылайык, кыргыз жарандарынын сабалганы айтылып, ооруканага жөнөтүлгөн.

Бул окуя боюнча Баткен жана Согди облусунун башчылары телефон аркылуу сүйлөшүп, эки облустун күч түзүмдөрүнүн жетекчилерин жеринде жолугуштурууну макулдашышкан. Натыйжада эки облустун күч түзүмдөрү эл менен сүйлөшүп, эки тараптан тең кармалган адамдар бошотулган.

Чек ара кызматынан кыргызстандыктарды сабаган факты болгондугун жана бул тууралуу кечирээк маалымат бере тургандыктарын айткан.

Учурда чек арада абал туруктуу. Сүйлөшүүлөрдө Ак-Сай (КР) менен Ворух (ТР) айылдарына милиция постун коюу боюнча макулдашуу болду. Жакын арада эки тараптан айыл аксакалдарынын жолугушуусу пландалган.

Бүгүн Баткен облусунун жетекчилиги ак-сайлыктар менен жолугуп, тажик тарап менен болгон жолугушуу боюнча маалымат берген.

Баткен облусунда жайгашкан Чек кызматынын бөлүмдөрү күчөтүлгөн тартипте иш алып барып жатканы кабарланды.

116
Белгилер:
милиция, сабоо, кыргыз-тажик чек арасы, Тажикстан, Кыргызстан
Тема:
Баткендеги кыргыз-тажик жаңжалы
Тема боюнча
Кыргыз-тажик чек арасында эки тарап тең кишилерди барымтага алып, кайра бошотту

Казакстан учкучу жок алгачкы аппаратын сыноодон өткөрдү. Видео

369
Казакстандын Коргоо министрлиги ата мекендик өндүрүштөгү "Шагала" аталышындагы алгачкы учкучу жок учуучу аппаратын Нур-Султан шаарына жакын жерде сынаганын билдирди.

Аны Улуттук коргоо университетинин окумуштуулары жасап чыккан. Аппарат аймакта чалгындоо иштерин жүргүзүүгө багытталган жана 3500 метр бийиктикте эки саат учуп жүрө алат. Ошол эле маалда 30 чакырымга чейинки аралыкта башкарылып, керектүү объектилердин координаттарын операторго жиберет.

Аппарат казакстандык программалык камсыздоо менен иштейт. Адистер "Шагала" башка чет элдик жабдуулардан кем калышпай турганын жана салыштырмалуу бир топ арзан экенин айтышууда.

369
Белгилер:
видео, коргоо, Казакстан
Тема боюнча
АКШ Украинага жаңы курал берет. "Жавелин" комплекстеринин саны артты
Бура бастырбаган табылга. Россиянын жаңы стратегиялык ракета ташуучусу
"Циркон" Россиянын жээктеринен батыш кемелерин "кубалады"
Түркиянын Диярбакыр шаарында көчөдө бараткан адамдар. Архив

Түркияда пандемиянын эң кыйын учуру бүттү. Эрдоган элге кайрылды

0
Эрдоган карантинден улам элдин чыдамы кетип турганын билерин, бирок Түркия локдаундун натыйжасынан улам пандемияны кайрадан көзөмөлдөп калганын айткан.

БИШКЕК, 17-май — Sputnik. Түркиянын президенти Режеп Тайип Эрдоган Түркияда пандемиянын эң кыйын учуру бүткөнүн, эми мындан ары коронавирус боюнча чектөө чараларын киргизбөөгө ишеним артып турганын айтты. Бул туурасында РИА Новости жазды.

Эрдоган буга чейин Түркияда пандемия учурунда эң узак локдаун — 29-апрель, саат 19.00дөн тарта 17-май, саат 5:00гө чейин чектөө жарыялаган эле.

ИИМден башка бардык уюмдар менен мекемелер бул мезгил ичинде өзүнүн ишин токтоткон. Өлкөнүн ичиндеги шаар аралык каттамдар бийликтин уруксаты менен гана жүргөн. Түркиянын Саламаттык сактоо министрлиги аталган өлкөдө сутка ичинде коронавирус чыккан учур 10 512 болгонун, бул 1-мартка караганда бир топ азайгандыгын билдирди. Ал пандемия башталгандан тарта 6 эсеге түшкөн, 16-апрелде көрсөткүч 63 082 эле.

"Биз баарынын чыдамы кетип турганын билебиз. Кабыл алынган чаралар менен локдаундун натыйжасынан улам пандемияны кайрадан көзөмөлдөй алдык. Биз эң кыйын абалдан өттүк, эми мындай катаал чаралар башка жолу киргизилбейт деп ишенем. Бирок баары өзүбүзгө байланыштуу болот. Эл тиешелүү чараларды тоготпой койбошу керек", — деген Эрдоган бүгүнкү телекайрылуусунда.

Анын айтымына караганда, чектөө муну менен бүтүп калбай 1-июнга чейин уланат жана жакын арада бул боюнча маалымат берилет.

Буга чейин Түркиянын ИИМи карантин акырындап алына баштаарын, бирок 1-июнга дейре саат 21:00дөн саат 5:00гө чейинки коменданттык саат уланарын айткан. Андан сырткары, ишемби, жекшембидеги күндөрдөгү чектөө да алынган эмес.

Ал эми шаар аралык поезддик каттамдар акырындап калыбына келери, кафе-ресторандар тамакты жеткирип берүү системасы менен иштей турганы кабарланды.

0
Белгилер:
карантин, коронавирус, локдаун, Режеп Тайип Эрдоган, Түркия
Тема:
Дүйнөгө жайылган коронавирус (1394)
Тема боюнча
Түркияда коронавируска байланыштуу чектөөлөр акырындык менен алынууда