Алматынын аэропортунда коронавируска кабылган жүргүнчүнү тосуу машыгуулары. Архивдик сүрөт

Борбор Азия өлкөлөрүнүн коронавируска каршы камы кандай?

(жаңыланган 23:09 12.03.2020)
Дүйнөдө тарап жаткан коронавирусту аймагына "киргизбөө" үчүн ар бир өлкө түрдүү чараларды көрүп жатат. Sputnik агенттиги Борбор Азия мамлекеттеринин камылгасына кызыкты.

Белгилей кетсек, учурда Борбор Азия мамлекеттерине кирген Кыргызстан, Казакстан, Өзбекстан, Тажикстан жана Түркмөнстанда бул вирусту жуктуруп алгандар катталган жок.

Азыркы тапта дүйнө жүзү боюнча коронавируска 126 136 адам чалдыгып, 68 219 бейтап сакайды. Ал эми өлгөндөрдүн саны 4 630га жетти.

Кыргызстан

Сотрудники министерства здравоохранения во время дезинфекции мечетей в Бишкеке
© Фото / пресс-служба ДУМК
Коронавирустун таралышын алдын алуу максатында Бишкек шаарынын борбордук жана башка мечиттеринде дезинфекциялоо иштери жүрүп жатат

1. Кытай менен чек арасын жаап, аба каттамын токтоткон. Мамлекеттик чек арадагы бардык өткөрмө-көзөмөл жайлары күчөтүлгөн режимде иштеп жатат.

2. Кыргызстан коронавирус катталган өлкөлөрдү үч категорияга бөлдү. Кытай, Түштүк Корея, Италия, Иран жана Япониядан келген кыргызстандыктар ооруканаларда 14 күндүк карантинде кармалат. Экинчи категорияда Франция, Германия, Испания, Сингапур жана АКШ турат. Ал эми үчүнчү категорияга Кувейт, Бахрейн, Таиланд, Швейцария, Улуу Британия, Австралия, Малайзия, Канада, Ирак жана БАЭ кирди. Экинчи жана үчүнчү категорияга кирген өлкөлөрдөн келген кыргызстандык жарандар үй карантинине алынат жана бейтапкана дарыгерлеринин көзөмөлүндө болот.

3. Өкмөттүн алдында эки штаб түзүлгөн. Биринчиси - коронавирусту алдын алуу боюнча штаб болсо, экинчиси - коронавирустун жайылышына байланыштуу тышкы таасирлердин кесепетин азайтуу жана экономикалык өнүгүүнү өбөлгөлөө боюнча штаб болуп саналат. Учурда алардын чечими менен Кыргызстандагы массалык иш-чараларды өткөрүүгө убактылуу чектөө киргизилди.

4. Өлкө боюнча массалык иш-чаралар токтотулду. Мартта Бишкекте өтчү хоккей боюнча дүйнө чемпионаты, күрөш боюнча Олимпиаданын лицензиялык турнири жана Нооруз майрамы өтпөй калды.

5. Бишкек шаарындагы жүргүнчү ташыган менчик жана жеке автоунаалар, республикалык маанидеги автобекеттер, базарлар, ашкана, мечиттер жана башка жайлар дезинфекцияланып жатат.

Казакстан

1. Коңшу Казакстан өзү үчүн кооптуу деген өлкөлөрдүн тизмесин түзүп, үч категорияга бөлгөн.

Биринчи категорияга Кытай, Иран, Түштүк Корея жана Италия кирип, бул өлкөдөн келгендер 14 күндүк карантинден өтөт. Ушул эле категориянын "б" тайпасындагы Франция, Испания жана Германия мамлекетинен келгендер үй карантининде болот. Экинчи категория Швейцария, Улуу Британия жана Нидерланддар 14 күн телефон аркылуу байланышта болушат. Үчүнчү категорияга Бельгия, Швеция, Норвегия, Индия, Ирак, Филиппин, АКШ кирип, бул мамлекеттен келгендерге 24 сааттын ичинде байкоо жүргүзүшөт.

2. Казакстан кыргыз жарандарына ID-карта менен кирүүгө убактылуу тыюу салды. Негизи Кыргызстандын жарандарынын өлкө ичиндеги паспорту болуп эсептелген ID-карта Россияда жана Казакстанда жарактуу.

3. Казакстан Кытай жана Иран менен авиакаттамдарын убактылуу токтотуп, Азербайжан менен Түштүк Кореяга рейстерин азайткан.

4. 13-марттан тарта массалык иш-чаралар токтотулат. Буга Нооруз майрамынын, Жеңиштин 75 жылдыгына арналган параддын өтпөй калышы мисал.

5. Окуучулардын каникулу 16-марттан тарта 5-апрелге чейин узартылып, окуу жайларда дистанттык билим алуу каралууда.

6. Санитардык-дезинфекциялык режим күчөтүлгөн.

Тажикстан

Школьники в медицинских масках в одном из школ Душанбе
© Sputnik / Стас Этвеш
Тажикстандын билим берүү министрлиги окуучулар менен студенттерди маска кийип жүрүүгө милдеттендирди

1. Коронавирусту алдын алуу үчүн өкмөт алдында атайын штаб түзүлгөн.

2. Алгач Тажикстандын коронавирус боюнча "кара тизмесинде" 35 өлкө бар болчу. Бирок кийинчерээк мамлекеттердин саны кыскарып, Кытай, Афганистан, Иран, Түштүк Корея жана Италия калган. Жергиликтүү авиакомпанияларга бул өлкөнүн жарандарын салууга тыюу бар. Ал эми аталган мамлекеттен кайткандар эки жумалык карантинден өтөт.

3. Шаарларда санитардык-дезинфекциялык режим күчөтүлгөн.

4. Коронавируска байланыштуу атайын план иштелип жатканы айтылды, бирок анда кандай чаралар камтылгандыгы боюнча маалымат жок.

5. Тажикстанда мечиттерге барып намаз окууга тыюу салынган. Ал эми Билим берүү министрлиги мектептеги олимпиадаларды токтотуп, окуучулар менен студенттерди маска кийип жүрүүгө милдеттендирген.

Өзбекстан

1. Өзбекстанда дагы кооптуу деп эсептеген өлкөлөрдү бир нече категорияга бөлүштү. Биринчи катарда Кытай, Түштүк Корея, Иран, Италия, Афганистан жана Япония бар. Андан келгендер адаттагыдай 14 күндүк карантинден өтөт. Экинчи категориядагы Франция, АКШ, Германия, Сингапур, Испания, Гонконг, Макао жана Тайвандан келгендер эки жума үй карантининде болушат.

Үчүнчү жана төртүнчү категорияга кирген мамлекеттен келгендер жашаган жерине жакын медициналык жай аркылуу көзөмөлдөнүп, телефондон байланышып турушат.

2. Дүйнөлүк саламаттыкты сактоо уюмунун сунушу менен Өзбекстанда эл аралык иш-чаралар токтогон. Бул нерсе азырынча республика ичиндеги массалык жыйындарга тиешеси жок.

3. Өзбекстандын Жазык кодекси боюнча карантиндик режимдин талаптарын бузгандар сегиз жылга чейин эркинен ажыратылат.

4. Өзбекстан Афганистан менен чек арасын убактылуу жапкан.

Түркмөнстан

1. Мектептер жана башка мекемелер хлор менен дезинфекцияланып жатат. Казакстандагы "Азатлык" радиосунун сайтынын жазышынча, 3-мартта Ашхабаддагы бардык мамлекеттик ишканалардын кызматкерлери жумушка кирерде мурдуларына оксолин сүйкөшкөн

2. Түркмөнстанда курч респиратордук вирустук инфекцияларды (КРВИ) алдын алуу тууралуу жазылган барактар таратылууда.

3. Өлкө Иран жана Афганистан менен чек арасын, Каспий менен деңиз портун жапкан. 

4. Ашхабадда үлпөт тойлор жана массалык иш-чаралар токтотулуп, спорт зал, бассейн жана башка спорттук объекттер жабылган.

5. Түркмөнстандын улуттук авиакомпаниялары вирус жайылган өлкөлөргө каттамын токтоткон.

Белгилер:
коронавирус, Түркмөнстан, Тажикстан, Өзбекстан, Казакстан, Кыргызстан, Борбордук Азия
Тема:
Коронавируска байланыштуу Кыргызстандагы кырдаал (2672)
Тема боюнча
Кыргызстанга 15 өлкөдөн келгендер үй карантинине алынат
Өмүрбекова коронавируска байланыштуу маалымат жыйындын болбой калган себебин айтты
Энергетика жана өнөр жай министри Кубанычбек Турдубаев. Архивдик сүрөт

Министр: Кыргызстан Казакстанга берген электр кубатынан пайда көрөт

(жаңыланган 12:10 22.04.2021)
Казакстан электр энергиясынын бир киловатт-саатын 2,9 центтен сатып алууну сунуштаган, ал эми Кыргызстан 2,4 центке макул болгон. Бирок тараптар башка чечимге келишти.

БИШКЕК, 22-апр. — Sputnik. Кыргызстан менен Казакстан электр кубатын бири-бирине берүү боюнча макулдашкандыгын энергетика жана өнөр жай министри Кубанычбек Турдубаев билдирди.

Аткаминер Казакстан электр энергиясынын бир киловатт-саатын 2,9 центтен сатып алууну сунуштаган, ал эми Кыргызстан 2,4 центке макул болгон. Бирок тараптар кийинчерээк товар алмашуу боюнча макулдашкан.

"Быйыл Казакстан биздин энергосистемага 900 миллион киловатт-саат берет. Ал эми коңшуларга Токтогул суу сактагычына эквиваленттик көлөмдө суу топтоп, камсыздап беребиз. Биз үч жылдын ичинде миллион киловатт-сааттык сууну кое берип, ошол эквивалентте кутулабыз. Бул электр кубатын иштеп чыгуу үчүн сууну түтүк аркылуу агызышыбыз керек. Товар алмашууну нөлдүк коюм менен жасоону чечтик", — деди министр.

Ал электр энергиясын коңшулардан Кыргызстанга алып келип же аларга жеткирүү чыгымын казак тарап өз мойнуна аларын кошумчалады.

"Кыргызстан транзиттин эсебинен пайда көрөт. Бул киловаттына 0,0000001 доллар болот", — деген министр.

Эске салсак, Токтогул суу сактагычындагы суу былтыркыга салыштырмалуу 3 миллиард куб метрге аз.

Белгилер:
алмашуу, сатуу, электр кубаты, Казакстан, Кыргызстан
Тема:
Жапаров электр кубатынын баасын көтөрүүнү сунуштады
Тема боюнча
Жапаров электр кубатынын тарифин эки эсеге көтөрүүнү сунуштоодо
Экономика илимдеринин доктору, профессор Төлөнбек Абдыров

Абдыров: ишкерлер ЕАЭБдин мүмкүнчүлүктөрүн колдоно албай жатышат

(жаңыланган 11:33 19.04.2021)
Экономика илимдеринин доктору, профессор Төлөнбек Абдыров өлкөдө өндүрүш ишканалары дээрлик иштебей жатканын белгиледи.
Абдыров: ишкерлер ЕАЭБдин мүмкүнчүлүктөрүн колдоно албай жатышат

Эгемендүүлүк алган жылдары өлкө экономикасында секирик жасай турган кадамдар жасалган жок. Бул тууралуу Төлөнбек Абдыров Sputnik Кыргызстан радиосуна маек куруп жатып билдирди.

Анын айтымында, 30 жылдын ичинде курулуш жана тейлөө тармагы гана көтөрүлгөн.

"Соңку 30 жылдын ичинде өлкөдө экономикалык секирик кыла турган кадамдарды жасай алган жокпуз. Эгемендүүлүк алган алгачкы жылдарда экономиканын структурасында айыл чарба тармагы 36 пайыз, өндүрүш 27 пайыз, курулуш сегиз жана тейлөө тармагы 33 пайызды түзчү. Кийин айыл чарба 12 пайызга түшүп калган. Ортодогу айырмачылык дээрлик 24 пайыз. Учурда өндүрүш 18 пайызды түзгөнү менен анын ичине Кумтөр да кирет. Өлкөдө салыштырмалуу жакшыраак абалда иштеп жаткан жалгыз гана тейлөө тармагы болуп калды. Пандемия учурунда бул багыт да аксап, бюджетке 30 миллиард сомдун тегерегинде каражат түшкөн жок. Бул дароо ички экономикага терс таасирин тийгизди. Ошондуктан биз ЕАЭБдин потенциалын колдонушубуз керек, бирок атаандаштыкка туруштук бере албай жатабыз. Себеби ишкерлерге жакшы мүмкүнчүлүктөр түзүлбөй, бизнеске колдоо жок. Азыркы бийлик бул багытта бир катар чечимдерди кабыл алууда, алар өз натыйжасын берет деген үмүттөмүн", — деди Абдыров.

Ошондой эле ал пандемиядан көптөгөн өлкөлөрдүн экономикасы жабыр тартканын айтып, бирок аларда инновация өнүккөндүктөн анча кооптуу жагдай жаралбаганын кошумчалады.

Белгилер:
Төлөнбек Абдыров, Евразиялык экономикалык биримдик, пандемия, айыл чарба, экономика
Тема:
ЕАЭБдеги Кыргызстан
Тема боюнча
Кыргызстандык мигранттар январь менен февралда канча акча которду
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр