Нур-Султандагы соода борборундагы эс алуучулар. Архивдик сүрөт

Казакстанда соода борборлорун, кинотеатрларды мүлк салыгынан бошотуу пландалууда

47
(жаңыланган 11:26 17.03.2020)
Эске салсак, Казакстанда 16-марттан тарта өзгөчө кырдаал режими күчүнө кирген. Бирок ага чейин эле бир катар оюн-зоок жайлары ишин токтоткон.

БИШКЕК, 17-мар. — Sputnik. Казакстанда коронавирустун айынан жабылып турган ири соода борборлору, кинотеатрлар, театрлар, спорттук объектилер сыяктуу ишканаларды мүлк салыгынан бир жылга бошотуу каралып жатат. Бул тууралуу экономика министри Руслан Даленовго таянып Sputnik Казакстан агенттиги жазды.

"Ишкерликтин айрым түрү менен алек болгондорду бир жылга мүлк салыгынан бошотуу каралып жатат. Салыктын башка түрлөрү боюнча туумдарды бир кварталга, отчеттуулукту үч кварталга токтотуу маселеси дагы бар", — деди министр.

Эске салсак, Казакстанда 16-марттан тарта өзгөчө кырдаал режими күчүнө кирген. Бирок ага чейин эле бир катар соода-оюн-зоок жайлары ишин токтоткон.

16-март күнү Кыргызстанда дагы коронавирустун жайылуусун алдын алуу максатында бардык түнкү клуб, кинотеатр, компьютердик клубдар убактылуу жабылды.

Мүлк салыгы – уюмдардын жана жеке жактардын мүлкүнө салынуучу салык. Айрым учурда андан жаңы ачылган ишканалар бошотулат.

47
Белгилер:
бизнес, ишкана, салык, Казакстан
Тема:
Дүйнөгө жайылган коронавирус (1267)
Тема боюнча
Коронавирустун тездик менен тарап жаткан себеби айтылды
Россия, Казакстан жана Өзбекстанда коронавирус жуктургандардын саны өсүүдө
Коронавирус менен күрөш: ЕАЭБ өлкөлөрү бири-бирине жардам бермей болду
Алдыда күтүлгөн аптап 1,2 млрд. адамга коркунуч жаратат. Божомол
Поезд. Архив

Кыргыз өкмөтү Казакстанга электровоз поезддерин каттатууга камынууда. Долбоор

46
(жаңыланган 12:51 25.01.2021)
"Луговой — Балыкчы темир жол участогун электрлештирүү" долбоору 2023-2025-жылдары ишке ашыруу пландалууда.

БИШКЕК, 25-янв. — Sputnik. Кыргыз өкмөтү темир жол линияларын электрлештирип, Казакстанга кеткен тепловоздорду электровоз поезди менен алмаштырууну пландап жатат. Бул туурасында "2021-2025-жылдарга Кыргыз Республикасында темир жол транспортун өнүктүрүүнүн негизги багыттарын бекитүү жөнүндө" өкмөттүн токтом долбоорунда жазылган.

Луговой — Балыкчы темир жол бөлүгү Кыргызстанды Казакстан жана башка өлкөлөр менен байланыштырган негизги транспорттук артерия болуп саналары белгиленет. Секция бир жолдуу, эксплуатациялык узундугу 321,5 чакырымды түзөт. Анын 60,3 чакырымы Казакстанга, 261,2 чакырымы Кыргызстанга туура келет. Луговой станциясы коңшу өлкөнүн Жамбыл облусунда жайгашкан.

"Луговой — Балыкчы участогун электрлештирүү долбоорун ишке ашыруу темир жол каттамынын мүмкүнчүлүгүн жогорулатууга багытталган. Ошондой эле отунга болгон көз карандылыкты жана айлана-чөйрөнүн булгануусун төмөндөтөт. Электрлештирүүгө жумшалган каражат эксплуатациялык чыгымдарды үнөмдөөнүн эсебинен төлөнөт. Долбоордун техникалык-экономикалык негиздемесин иштеп чыгууга жана темир жол участкасын электрификациялоону ишке ашырууга эл аралык каржы институттарын тартуу пландалууда", — деп жазылат токтом долбоорунда.

Луговой — Балыкчы участогу электр тартууга өткөндө жүк ташуучу, жүргүнчү ташуучу тепловоздор паркы электровоздор менен алмаштырылат.

"Ушуга байланыштуу атмосферага курамында көмүртек кычкылы, азот кычкылы, күкүрт кычкыл газы, көө жана башка зыяндуу заттардын чыгуу массасы 100 пайызга төмөндөйт. Трассанын жогорку курулмасындагы жана жолдогу майдын курамы азаят. Электр тартууга өткөндө ызы-чуунун деңгээли басаңдайт", — деп айтылат.

"Луговой — Балыкчы темир жол участогун электрлештирүү" долбоорун 2023-2025-жылдары ишке ашыруу пландалууда. Техникалык-экономикалык негиздемесин даярдоого каражат булагы табылганы айтылды. Ал эми долбоордун өзүн аткарууга "Кыргыз темир жолу" ишканасынын өздүк каражаты, насыялар жана инвестициялар менен алуу каралган.

46
Белгилер:
темир жол, поезд, тепловоз
Тема боюнча
Мукамбетов: Кытай — Кыргызстан — Өзбекстан темир жолу ЕАЭБде жаңы рынокторду ачат
Кыргызстан — Казакстан — Россия темир жол каттамдарынын графиги түзүлдү
Тажикстандын президенти Эмомали Рахмон жана анын уулу, Душанбе шаарынын мэри Рустам Эмомали тажик улуттук университетинде улут лидеринин музейин ачышты.

Тажикстандын лидери Эмомали Рахмон өзүнүн атындагы музей ачты

232
(жаңыланган 13:48 23.01.2021)
Музей Рахмондун 80-жылдары окуган улуттук университеттин жаңы корпусунда ачылган. Анда студенттер экономика жана финансы багытында билим алышат.

БИШКЕК, 23-янв. — Sputnik. Тажикстандын президенти Эмомали Рахмон жана анын уулу, Душанбе шаарынын мэри Рустам Эмомали тажик улуттук университетинде улут лидеринин музейин ачышты. Бул тууралуу Sputnik Өзбекстан агенттиги жазды.

Ага ылайык, Эмомали Рахмон 1977-1982-жылдары ушул окуу жайдын экономика факультетинде окуган. Учурда ал өлкөнүн алдыңкы университети.

Жума күнү Рахмон уулу менен университеттеги жети кабаттуу жаңы окуу корпусунун ачылышына катышкан. Анда студенттер экономика жана финансы багытында билим алышат.

Ушул эле корпуста өлкө президенти — улут лидери Эмомали Рахмондун музейинин ачылышы болгон.

Музей Тажикстандын улуттук университетинин окумуштуулар кеңешинин чечими менен мамлекет башчысынын эмгегин жаштарга эске салып туруу үчүн түзүлгөнү айтылат.

232
Белгилер:
музей, Эмомали Рахмон, Тажикстан
Тема боюнча
Караандаткан жок. Тажикстанда Рахмон президенттик шайлоонун жеңүүчүсү болду

Коронавирустун "британиялык" штаммынын алгачкы сүрөтү алынды

0
(жаңыланган 13:49 25.01.2021)
Микроскоптун жардамы менен алынган вирустун сүрөтү жаңы штаммдын өзгөчөлүктөрүн изилдөө үчүн тартылып алынды.

БИШКЕК, 25-янв. — Sputnik. Роспотребнадзордун окумуштуулары алгычкы ирет микроскоптун жардамы менен коронавирустун жаңы, "британиялык" штаммынын сүрөтүн тартып алды.

"Роспотребнадзордун "Вектор" илимий борбору дүйнөдө алгачкылардан болуп 2020-жылдын декабрында бейтаптан алынган коронавирустун "британиялык" штаммын сүрөткө тартып алды. Микроскоптун жардамы менен алынган вирустун сүрөтү жаңы коронавирустун өзгөчөлүгүн изилдөө үчүн тартылды. Эми анын структурасы, эксперименталдык моделдери изилденет ", — деп айтылат маалыматта.
Первое изображение британского штамма нового коронавируса
Роспотребнадзордун окумуштуулары алгычкы ирет микроскоптун жардамы менен коронавирустун жаңы, "британиялык" штаммынын сүрөтүн тартып алды

Роспотребнадзордун институттары тарабынан иштелип чыгып, Россияда катталган ПЦР-тесттер вирустун британиялык вариантын ишенимдүү аныктай алары белгиленет. Ал эми мекеменин Борбордук эпидемиология илим-изилдөө институтунун тест-системасы вирусту мутант эмес формалардан айырмалоого жөндөмдүү.

"Коронавирустун "британиялык" штаммына мүнөздүү мутациялар вирустагы протеиндин консервацияланган бөлүкчөсүнө таандык пептиддик антигендерди камтыган "ЭпиВакКорона" вакцинасынын натыйжалуулугуна таасирин тийгизбейт", — деп айтылат билдирүүдө.

Декабрь айынын орто ченинде Улуу Британияда SARS-CoV-2 илдетинин жаңы мутациясын табышкан. Кийинчерээк ал тездик менен тарап жатканы, буга чейинки вируска караганда жугуштуулугу 70 пайызга тез экени маалым болгон. Деген менен адам өлүмү көп катталган учур жок.

0
Белгилер:
Роспотребнадзор, коронавирус, изилдөө, Сүрөт
Тема:
Дүйнөгө жайылган коронавирус (1267)
Тема боюнча
Коркуу, тынчсыздануу коронавируска кабылуунун себептеринин бири экени айтылды
Пандемия учурунда балалуу болобуз дегендерге адистин кеңеши