Кытай дарыгерлери. Архивдик сүрөт

Кыргызстан коронавирусту жеңүү үчүн Кытайдын дарыгерлерин чакырды

977
(жаңыланган 16:21 26.03.2020)
Саламаттык сактоо министрлигинин өкүлү азырынча кытай тарап Кыргызстандын сурамына жооп бере электигин белгиледи.

БИШКЕК, 26-мар. — Sputnik. Кыргызстан коронавирус менен күрөшүү үчүн кытайлык дарыгерлерден жардам сурады. Бул туурасында Коомдук саламаттык сактоо башкармалыгынын жетекчиси Айнура Акматова билдирди.

Учурда бул боюнча сүйлөшүүлөр жүрүп, тийиштүү иш-аракеттер жасалууда.

"Кытайдагы коронавирустун очогу болгон аймакта иштеген адистер менен телеконференция өткөрүлдү. Ошондой эле кытайлык дарыгерлерди биздин өлкөгө жиберүү өтүнүчү жазылган кат Тышкы иштер министрлиги аркылуу жөнөтүлдү", — деди Акматова.

Саламаттык сактоо министрлигинин өкүлү азырынча Кытай тарап катка жооп бере электигин кошумчалады.

Коронавирус Кыргызстанда

Учурда Кыргызстанда коронавирус жуктуруп алган адамдардын саны 44кө жетти. Ош облусунда 20, Жалал-Абад облусунда 19, Бишкек шаарында үч, Чүй облусунда бир жана Баткен облусунда бир адам COVID-19 менен күрөшүүдө. Алардын ичинен алты кишинин абалы оорлошуп, реанимацияга которулду

25-мартта обсервацияда жаткан 2014 адамдын 1429у мөөнөтүнөн мурда үй карантинине чыгарылган.

Бишкек, Ош, Жалал-Абад шаарлары жана Ноокат, Кара-Суу, Сузак райондоруна 15-апрелге чейин өзгөчө абал киргизилди.

Учурда өлкө аймагындагы кырдаал тууралуу Sputnik Кыргызстандын тексттик баяндамасынан кабардар болуп туруңуз

977
Белгилер:
дарыгер, Кытай, жугузуу, Кыргызстан, коронавирус
Тема:
Кыргызстандагы коронавирус жуктуруп алгандар (1513)
Тема боюнча
Коронавирус: Кыргызстан Кытайдан 30 миң экспресс-тест сатып алат
Кытайда коронавирус жуктуруп алгандардын дээрлик 90 пайызы айыкты
Пекинде Улуу Кытай сепилинин бир бөлүгү ачылып, шаардык зоопарк иштей баштады
Казакстандын медициналык кызматкерлери. Архив

Казакстанда COVID боюнча абал курчуп бара жатат. Алты аймак кызыл зонага кирди

46
(жаңыланган 10:23 20.01.2021)
Вирустун күчөп бара жатканынан кызыл зонага алты аймактын кириши далилдеп турат. Бир нече күн мурда бул тизмеде үч гана регион бар болчу.

БИШКЕК, 20-янв. — Sputnik. Казакстанда коронавирус боюнча абал курчугандан курчуп бара жатат. Өткөн суткада 1 134 кишиден вирус аныкталып, 11 бейтап каза тапты. Бул тууралуу Sputnik Казакстан агенттиги жазды.

Салыштыруу үчүн айта кетсек, кечээ коңшу өлкөдө 999 киши коронавируска кабылганы билинип, тогуз адам көз жумган.

Вирустун күчөп бара жатканынан кызыл зонага алты аймактын (Нур-Султан шаары, Акмоло, Атырау, Костанай, Түндүк-Казакстан жана Павлодар облустары) кириши далилдеп турат. Бир нече күн мурда бул тизмеде үч гана дубан бар болчу.

"Айрым аймактарда карантиндик чектөөлөр күчөтүлдү. Дем алыш күндөрү сыртка чыгууга тыюу салынып, кызматкерлердин бир бөлүгү аралыктан иштөөгө жиберилди", — деп айтылат кабарда.

Негизи Казакстандын Саламаттык сактоо министрлиги коронавирустун эң жогорку көрсөткүчтөрү март айынын аягына туш келет деп күтүп жатат. Адистердин алдын ала божомолуна караганда, бул учурда эң аз дегенде суткасына үч миң кишиден, абал оор дегенде тогуз миң кишиден вирус аныкталышы мүмкүн.

Мындан улам коңшулар жарандарын "Спутник V" менен эмдөөнү эртерээк, тагыраагы, февралда баштай турган болду.

46
Белгилер:
абал, Казакстан, коронавирус
Тема:
Дүйнөгө жайылган коронавирус
Тема боюнча
COVID: Казакстанда өлгөндөрдүн саны көбөйүп, Нур-Султан кызыл зонага кирди
Казакстанда "Спутник V" менен эмдөөнү эртерээк баштамай болушту
Жолдо турган жүк ташыган унаалар. Архивдик сүрөт

Жүк ташыган унааларга навигациялык пломба коюу долбоорунун мөөнөтү узарды

73
(жаңыланган 12:56 19.01.2021)
Жүк ташуучулардын пилоттук долбоорго катышуусу ыктыярдуу жана акысыз негизде ишке ашырылат. Навигацияны колдонгон айдоочуларды жолдо кошумча текшерүүгө жол берилбейт.

БИШКЕК, 19-янв. — Sputnik. Кыргызстандан Казакстанга, Россияга жана тескери багыт боюнча автоунаалар менен өткөрүлүүчү товарларга мониторинг жүргүзүү боюнча пилоттук долбоордун мөөнөтү узартылды. Бул тууралуу Мамлекеттик салык кызматы маалымдады.

Тийиштүү чечимге Кыргызстан менен Казакстандын салык органдарынын жетекчилери кол коюшту. Ага ылайык, пилоттук долбоордун мурдагы мөөнөтү 2020-жылдын 10-декабрына чейин болсо, эми 2021-жылдын 10-мартына чейин узартылды.

"Ушул мезгилде Кыргызстандан Казакстанга, Россияга жана тескери багыт боюнча товарларды ташууда өзү алып өтүүчү товарлардан тышкары автоунаа каражатынын жүк турган бөлүктөрүнө навигациялык пломба илинет. Жети мүнөттөн ашпаган убакытты талап кылган жол-жобо Казакстандын Финансы министрлигинин мамлекеттик кирешелер комитетинин кызматкерлери тарабынан жүзөгө ашырылат", — дешти салыкчылар.

Ташуучулардын пилоттук долбоорго катышуусу ыктыярдуу жана акысыз негизде болот. Ошол эле учурда өткөрмө пунктуларында, атайын бөлүнгөн жерлерде жана жолдордо навигациялык пломбалары бар жүк ташуучуларды көзөмөлдөөнүн кошумча түрлөрүн жүргүзүүгө жол берилбейт.

73
Белгилер:
долбоор, Казакстан, Россия, Кыргызстан
Тема боюнча
"Эркеч-Тамга" барган Новиков: жүк декларациясын адам толтурбашы керек
Финпол: бир фура контрабандалык жүк кармалып, кызмат адамдары изделүүдө
Товарды көзөмөлдөөнүн жаңы түрү. ЕЭК кеңеши кабыл алган чечим
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев

Ырысалиев: Кыргызстанда архивист билимин алган 12 гана адис бар

0
Мамлекеттик каттоо кызматына караштуу Архив агенттигинин бөлүм башчысы Ашырали Ырысалиев Мамлекеттик архив агенттиги Россияга билимин тереңдетип келүүгө адистерди жиберүү боюнча макулдашуулар жүрүп жатканын айтты.

Өлкөдө 65 мамлекеттик, 3000ден ашуун ведомстволук архивдер болсо, анда иштеген адистердин 12синин гана тиешелүү багытта диплому бар. Бул тууралуу Ашырали Ырысалиев Sputnik Кыргызстан радиосуна маек куруп жатып билдирди.

Ырысалиев: Кыргызстанда архивист билимин алган 12 гана адис бар

Анын айтымында, Архив агенттигинин өзүндө эле республика боюнча 500дөй кызматкер эмгектенет.

"Архив агенттигиндеги башкы көйгөйлөрдүн бири — кадр маселеси. Учурда архивист деген дипломдун ээси, башкача айтканда, мамлекеттик иш кагаздарын жүргүзүү жана сактоо боюнча атайын билими бар 12 гана кызматкерибиз иштейт. Алар мындан бир топ жыл мурда Кусеин Карасаев атындагы БГУда ачылган архивист факультетинен билим алгандар. Тилекке каршы, бул окуу бөлүмү 4-5 жылдан кийин жабылып калган. Азыр республикадагы бир дагы окуу жай бул кесипке адис даярдабайт. Андыктан биз башка мамлекеттер менен келишим түзүп, адистерибизди кыска мөөнөттүү же квалификациясын жогорулатуу боюнча окууларга жиберүүгө аргасызбыз. Бул маселе боюнча Түркия жана Россия менен тыгыз иштешүү алдында турабыз. Россияга аспирантурадан билимин тереңдетип келүү үчүн бизде иштеп жаткан ошол дипломдуу 12 адисти жиберүү боюнча макулдашылды", — деди Ырысалиев.

Адис эл аралык же жеке менчик багыттагы компаниялар да архив кызматкерин жумушка алуу боюнча кайрылуу жолдошорун, бирок бул багытта кадрдык резерв жок экендигин кошумчалады.

0
Белгилер:
көйгөй, кадрлар, архив
Тема боюнча
"Ак кемеде" жашаган Бала. Тасмадагы таберик сүрөт