Киши менен аял аэропортто чогуу турган учурда. Архив

COVID-19 жуктургандардын тизмесинде Кытай артка жылууда. Дүйнөдөгү абал

786
(жаңыланган 11:38 31.03.2020)
Учурда дүйнө жүзү боюнча 785 709 киши коронавируска кабылды. Алардын ичинен 37 686сы каза таап, 165 837 бейтап сакайды.

БИШКЕК, 31-мар. — Sputnik. COVID-19 вирусун жуктургандардын саны боюнча Испания үчүнчү орунга чыгып, Кытайды төртүнчү орунга түшүрдү. Бул тууралуу Жон Хопкинс атындагы университеттин Системалуу изилдөө жана инжиниринг борборунун сайтынан көрүүгө болот.

Кытай жыл башынан бери бул тизмеде биринчи орунда болуп келип, өткөн аптада аны АКШ менен Италия озуп өткөн.

31-март күнкү эртең мененки маалыматка караганда, АКШда вируска кабылгандардын саны 165 274кө жетти. Италия — 101 739, Испания — 87 959, Кытай — 82 240, Германия — 66 885, Франция — 45 170, Иран — 41 495, Улуу Британия — 41 495, Швейцария — 15 992, Бельгия — 11 899, Нидерланддар — 11 817, Түркия — 10 827. Калган өлкөлөрдө ооруп калгандардын саны 10 миңге жетпейт.

Коңшу өлкөлөр тууралуу айта кетсек, Казакстанда 325 кишинин вируска кабылганы аныкталды. Ал эми өлкөнүн Саламаттык сактоо министрлиги бул көрсөткүч май айына чейин 3,5 миңге жетет деп божомолдоодо.

Өзбекстанда болсо бүгүнкү күндө 150 адам коронавирустан дарыланып жатат.

Кыргызстанда 31-мартка карата вирусту жуктуруп алгандардын жалпы саны — 94. Алардын арасынан үчөө сакайып, үйүнө чыгарылды.

Коронавирус тууралуу

2019-жылдын декабрь айынын аягында Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган. Учурда вирус 200дөй өлкөгө жайылды, ага каршы вакцина табыла элек.

Учурда дүйнө жүзү боюнча 785 709 киши коронавируска кабылды. Алардын арасынан 37 686сы каза таап, 165 837 бейтап сакайды.

786
Белгилер:
статистика, коронавирус, Испания, Казакстан, Кыргызстан
Тема:
Кытайдагы жаңы типтеги коронавирус (763)
Тема боюнча
Өкмөт ишкерликти кантип колдой турганын айтты. Иш-чаралардын тизмеси
Кыргызстанды коронавирус каптаган 14-күн: тексттик баяндама, сүрөт, видео
Кыргызстандагы абак жайлар сырттан келгендер үчүн жабылды
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

96
(жаңыланган 23:36 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстан президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап, талаптар күчөтүлгөн", — деген Уали.

Ал жалпы казакстандыктарды карантиндин талаптарын сактоого чакырды.

96
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты
Кыргызстан менен Кытай тарап Торугарт көзөмөл-өткөрүү жайы. Архивдик сүрөт

"Торугартты" ачуу боюнча Кытай тарап менен сүйлөшүү башталды

75
(жаңыланган 20:35 06.06.2020)
Кыргыз тарап Кытайга жүк ташуучу автоунаалардын айдоочуларынын ПЦР-тесттерди тапшыруусу каралган жаңы алгоритмди сунуш кылды.

БИШКЕК, 6-июн. — Sputnik. Кыргызстан менен Кытай тарап "Торугарт" көзөмөл-өткөрүү жайынын ишин жандандыруу маселесин талкуулады. Бул тууралуу өкмөттөн билдиришти.

Эске салсак, Кытай менен Кыргызстандын чек арасы 8-июндан тарта ачылары, алгач эки тарапка жүк өткөрүп туруу макулдашылганы айтылган. Ал эми иштин деталдарын эки тараптын тиешелүү органдары кийин сүйлөшө тургандыгы кошумчаланган эле.

"Мамлекеттик бажы кызматы менен Синьцзян-Уйгур автономдук районунун (Кытай) Бажы башкармалыгынын башчыларынын жыйыны видеоконференция режиминде өттү. Анда тараптар кыргыз-кытай тилкесинде жайгашкан "Торугарт" көзөмөл-өткөрүү жайынын ишин жандандыруу маселесин талкуулашты. Кыргыз тарап жүк ташуучу автоунаалардын айдоочуларынын ПЦР-тесттерди тапшыруусу каралган жаңы алгоритмди сунуш кылды", — деп айтылат билдирүүдө.

Бул алгоритм бизнес-коомчулук менен макулдашылганы, аны учурда кошуна өлкөлөр дагы иш жүзүндө колдонуп жатканы кошумчаланган.

Кытай тарап сунушталган алгоритмди кыска мөөнөттө карап чыгып, зарыл шарттардын тизмесин жөнөтөрүн билдирген.

75
Белгилер:
келишим, чек ара, Кытай, Кыргызстан
Тема боюнча
11 эсе көп жыйналды. Таластын башчысы “Чоң-Капкадагы” контрабанда тууралуу айтты
Бир нече күндөн кийин кыргыз-кытай чек арасы ачылып, "Торугарт" иштей баштайт
Кыргызстан футбол курамасы. Архивдик сүрөт

Дүйнө чемпионатына жолдомо: КР футболчуларынын оюнга чыкчу күндөрү айтылды

8
Мурдагы график боюнча Кыргызстан командасынын тандап алуу турлары марттан июнь айына чейин өтүшү керек эле, бирок коронавирус пандемиясынан улам жылдырылган.

БИШКЕК, 7-июн. — Sputnik. Кыргызстан футбол союзу 2022-жылкы Дүйнө чемпионатына тандап алуу оюндардын боюнча болжолдуу датасын жарыялады.

Улуттук курама команда өткөн жылы Тажикстан, Мьянма, Монголия, Япония өлкөлөрүнүн футболчулары менен төрт жолу беттешкен. Ал эми экинчи айлампада 2019-жылы ноябрь айында Тажикстан менен ойногон. Калган таймаштар март-июнь айларына белгиленген болчу. Бирок коронавирус пандемиясынан улам мелдештер жылган.

Мындан улам оюндарды күздө өткөрүү пландалууда.

  • Мьянма — Кыргызстан (конокто) — 13-октябрь;
  • Кыргызстан — Монголия (өз үйүндө) — 12-ноябрь;
  • Япония — Кыргызстан (конокто) — 17-ноябрь.

Учурда F тайпасында Кыргызстан экинчи орунда турат.

8
Белгилер:
график, дүйнө чемпионаты, дүйнө, оюн, футбол, Кыргызстан
Тема боюнча
Франциялык футболчу дүйнө чемпионатында алган алтын медалын сатып жиберди
Кирешеси 1 млрд. долларга жете турган биринчи футболчунун ысымы аталды