Медициналык лабораториянын ишкерлери. Архив

Казакстанда 28 медиктин коронавирус жуктуруп алганы аныкталды

855
(жаңыланган 17:12 03.04.2020)
Министр медиктердин коронавирус жуктуруп алган фактылары жашыруун эмес экендигин айтып, бардык жагдайлар боюнча эпидемиологиялык иликтөө жүрүп жатканын кошумчалады.

БИШКЕК, 3-апр. — Sputnik. Казакстанда 28 медицина кызматкери коронавирус жуктуруп алды. Бул тууралуу коңшу мамлекеттин саламаттык сактоо министри Елжан Биртановдун айтканына таянып Sputnik Казакстан кабарлады.

Министр медиктердин коронавирус жуктуруп алган фактылары жашыруун эмес экендигин белгиледи.

"Бул вирусту медицина кызматкерлеринин илештирип алганы боюнча суроолор көп. Ооба, биз бул фактыны жашырбайбыз. Карантин жайларында иштеп жүрүп коронавирус жуктуруп алган медиктердин саны азыр 28ге жетти", — деди Биртанов.

Ал бардык жагдайлар боюнча эпидемиологиялык иликтөө жүрүп жатканын кошумчалады.

"Себептери такталат. Жугуштуу илдеттер ооруканаларында жана карантин жайларында иштегендер бул вирусту жугузуп алуу тобокелчилигинде экенин буга чейин да айтканбыз. Акимдер бардык чараларды көрүп жатат. Медиктердин коопсуздугуна байланыштуу бардык талаптар аткарылышы керек", — деди министр.

Акыркы маалыматтар боюнча, Казакстанда коронавирус жуктуруп алган 453 учур катталса, анын ичинен 29у айыгып, үчөө көз жумду.

855
Белгилер:
карантин, коронавирус, Казакстан
Тема:
Дүйнөгө жайылган коронавирус (1104)
Тема боюнча
Кыргыз-казак чек арасында элди жана автоунааларды өткөрүү токтоп, жүк өтө берет
Кыргызстанда жарандар обсервациядан чыга баштады. Режими кандай болот
Бишкекте алтоо. Кыргызстанда 14 адам коронавирусту кайдан жуктурганы айтылды
Тирүү сүлүк курт. Архивдик сүрөт

Кытай: дарыгерлер баланын кекиртегинен тирүү сүлүк куртту алып чыкты. Видео

156
Бала дем алуусу кыйындап, башы ооруп жаткандыгын көп айта баштаган. Ата-энеси уулун өз алдынча дарылаганга аракет кылып, бирок майнап болгон эмес.

БИШКЕК, 24-окт. — Sputnik. Кытайда дарыгерлер беш жаштагы баланын кекиртегинен тирүү сүлүк курт алып чыгышты. Бул тууралуу The Daily Mail жазды.

Медиктер анын организмге бир жыл мурда кирип кеткенин аныктаган.

​Бала дем алуусу кыйындап жана башы ооруп жаткандыгын көп айта баштаган. Ата-энеси уулун өз алдынча дарылаганга аракет кылып, бирок майнап болгон эмес.

Кишинин тамагына кирип алган сүлүк курттун видеосу. Кытайдагы окуя

Медициналык текшерүүдөн өткөрүп жаткан кезде бөбөктүн башынан узундугу чоң кишинин алаканындай болгон тирүү сүлүк куртту таап чыгышкан. Дарыгерлердин айтымында, курт организмге кир сууну ичкенде кирип кеткен.

Ак халатчандар баланын кекиртегиндеги куртту алып чыгып, башка ата-энелерге да сак болууну эскерткен.

156
Белгилер:
дарыгер, баш, бала, сүлүк курт, Кытай
Тема боюнча
Казакстанда 13 жаштагы кыздын ашказанынан шар сымал чач чыкты. Видео
Сүлүк курт адамдын мурдуна жана кызыл өңгөчүнө кирип кетет
Манас аэропортундагы учак. Архивдик сүрөт

Кыргызстандыктар чет өлкөлөргө кантип чыга алат. Жаңы эрежелер

262
(жаңыланган 11:32 24.10.2020)
Пандемияга байланыштуу өлкөдөн чыгууга дагы деле айрым чектөөлөр бар. Төмөндө кыргызстандыктар үчүн жаңы эрежелерди топтодук.

БИШКЕК, 24-окт. — Sputnik. Учурда Кыргызстандын жарандары чет өлкөлөргө кантип чыга аларын Мамлекеттик чек ара кызматынын расмий өкүлү Гүлмира Бөрүбаева айтып берди.

Кайсы гана өлкө болбосун ар бир киши акыркы 72 саат ичинде коронавируска ПЦР-тест тапшырып, анын терс жыйынтыгы менен гана чыгууга мүмкүнчүлүк алат.

Кыргызстан сыртка чыгууга эч кандай чектөө койбогону менен башка мамлекеттер эпидемиологиялык абалга байланыштуу чет элдик жарандарга кирүү шарттарын өзгөртүп койгон.

"Манас" аэропортунун жетекчиси: Жапаровдун уруксатын алдым, жумушту улантам

Россия

Аптасына бир иреттен "Аэрофлот" жана "Авиатрафик" авиакомпаниялары каттам аткарууда. Бул учурда каалаган кыргызстандык учуп кете алат.

Россияга кетүүнүн экинчи жолу — атайын уюштурулуп жаткан чартердик каттамдар. Алар менен төмөндөгүдөй кырдаалдарда кетсе болот:

  • Россиянын жараны болгон жакын тууганы (аялы/күйөөсү, балдары, ата-энеси) болсо;
  • медициналык кызматка муктаж болуп жатса (кабыл алуучу тараптын чакыруусу керек);
  • кандайдыр бир мамлекеттик программага катышып жатса;
  • Россияда туруктуу жашоого уруксаты болсо.

Казакстан

Коңшу өлкөгө аба каттамы аркылуу бара аласыз, бирок автоунаа менен кирүүгө баарына эле уруксат бериле бербейт. Анткен менен төмөнкү категорияга кирген жарандар өтө алат:

  • Казакстандын жараны болгон жакын тууганы (аялы/күйөөсү, балдары, ата-энеси) болсо;
  • медициналык кызматка муктаж болуп жатса (кабыл алуучу тараптын чакыруусу керек);
  • кандайдыр бир мамлекеттик программага катышып жатса;
  • Казакстанда туруктуу жашоого уруксаты болсо.

Кыргыз-казак чек арасында автоунаа менен өткөрүүчү беш пункт иштейт. Чүй облусунда "Ак-Тилек", "Чалдыбар", "Кең-Булуң", Таласта "Чоң-Капка", Ысык-Көлдө "Каркыра".

Кыргызстандан Тажикстанга кантип кетсе болот. Шарттары

Өзбекстан

Өзбекстанга Кыргызстан жарандары учак менен да, автоунаа менен дагы чектөөсүз кирип чыга алат.

Кыргыз жарандары коңшу өлкөгө "Достук", "Кызыл-Кыя", "Кадамжай", "Маданият" жана "Баймак" өткөрүү пункттары аркылуу өтсө болот.

Транспорт "Достук", "Кызыл-Кыя" жана "Кадамжай" өткөрүү пункттары аркылуу гана кире алат.

Тажикстан

Ушул тапта кыргыз-тажик чек арасындагы өткөрүү пункттары кыргыз жарандары менен автотранспорттор үчүн жабык. Коңшу өлкөгө Тажикстандын жарандары жана жүк ташуучу унаалардын айдоочулары гана өтө алат.

"Кызыл-Бел" жана "Кайрагач" өткөрүү пункттары иштеп жатат.

Кытай

Кытайга учуп баруу азырынча мүмкүн эмес. Автотранспорт "Эркечтам" жана "Торугарт" өткөрүү пункттары аркылуу гана өтүп жатат. Ошондо дагы жүк ташуучу автолордун айдоочуларына гана уруксат берилген.

Түркия

Бул өлкөгө кыргыз жарандары аба каттамдары аркылуу чектөөсүз кире алат.

Өлкөгө сырттан киргендер кайрадан текшерилет, анализ тапшырат. Жаңы алгоритм

Кайсы өлкөлөрдүн жарандары Кыргызстанга кирип чыга алат:

  • Россия
  • Грузия
  • Азербайжан
  • Армения
  • Беларусь
  • Казакстан
  • Түркмөнстан
  • Бельгия
  • Австрия
  • Улуу Британия
  • Германия
  • Ирландия
  • Исландия
  • Италия
  • Латвия
  • Литва
  • Лихтенштейн
  • Люксембург
  • Португалия
  • Түркия
  • Швейцария
  • Швеция
  • Катар
  • БАЭ
  • Кытай
  • Малайзия
  • Түштүк Корея
  • Пакистан
  • Словения
  • Кувейт
  • Япония
  • Өзбекстан
  • Венгрия.
262
Белгилер:
чектөө, эреже, пандемия, чек ара, Кыргызстан
Тема боюнча
Казакстан мындан ары ПЦР-тести жок эч кимди киргизбейт
Бишкектеги 7 апрель көчөсү. Архивдик сүрөт

Жекшембиге карата аба ырайы

0
25-октябрь, жекшембиге караган түнү, республика боюнча жаан-чачын күтүлбөйт. Батыштан соккон желдин ылдамдыгы секундасына 4-9 метрге жетет.

БИШКЕК, 24-окт. — Sputnik. Жекшемби күнү күндүз күн ачык болот, тоолорго кар жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас аймактарында +10...+15, Ош, Жалал-Абад, Баткен облустарында +14...+19, Ысык-Көлдө +5...+10, Нарын өрөөнүндө +6...+11 градус жылуу болот.

Ысык-Көлдө унаа жолун бойлой туристтер үчүн 17 STOP түйүнү курулат

Ал эми борбор калаада күндүн табы +12...+14 градуска чейин көтөрүлсө, Ош шаарында +16...+18ге жетет.

0
Белгилер:
Кыргызстан, октябрь, аба ырайы
Тема боюнча
Шашылыш билдирүү! Жакынкы күндөрү аба ырайы кескин өзгөрөт