Асмандагы учак. Архивдик сүрөт

Казакстанда аскер учагы кулап, жоокерлер аман калганга үлгүрүштү. Видео

433
(жаңыланган 22:40 16.04.2020)
Самолёт учкандан кийин кыймылдаткычтардын биринен өрт чыккан. Жоокерлер өздөрүн коопсуздандыруу үчүн учакты айылдан талааны көздөй бурушкан.

БИШКЕК, 16-апр. — Sputnik. Казакстандын Караганда шаарында МиГ-31 үлгүсүндөгү аскер учагы кулап, эки киши жабыркады. Бул тууралуу Sputnik Казакстан маалымат агенттиги өлкөнүн Коргоо министрлигине шилтеме берип жазды.

Окуя бүгүн, 16-апрелде, Караганда аэродромунун түштүгүндө пландык машыгуу убагында болгон. Самолёт учкандан кийин кыймылдаткычтардын биринен өрт чыккан.

Маалыматка ылайык, учкучтар өздөрүн коопсуздандыруу (катапульттоо) буйругун алгандан кийин самолётту талаага багыттап, калкка коркунуч туулбаган жерден секиришкен.

Кырсыктан эки учкуч жабыркап, ооруканага жеткирилген

"Учактын кулаганынан эки жоокер жабыркап, медициналык жайга алып барылды. Жабыркагандардын биринин абалы канааттандырарлык, экинчисинин абалы орточо. Учурда дарыланып жатышат", — деп айтылат маалыматта.

Коргоо министри аба кырсыгын иликтөө үчүн комиссия түздү.

433
Белгилер:
видео, кырсык, учак, Аскер, Казакстан
Тема боюнча
Татарстанда тик учак кулап, Мамдуманын депутаты каза болду
Жумушчу жогорку чыңалуудагы электр чубалгысын монтаэ кылып жатат. Архив

Казакстандан 500 млн. кВт/саат энергия импорттоо макулдашылды. Баа өзгөрөбү

104
(жаңыланган 13:36 27.05.2020)
Мындан сырткары, Кыргызстан менен Казакстан 300 миллион киловатт-саатты алмашат: электр кубаты жайкысын Казакстанга жиберилсе, күзүндө кайра кайтарылат.

БИШКЕК, 27-май — Sputnik. Казакстандан 500 миллион киловатт-саат электр энергия алуу боюнча макулдашылды. Бул тууралуу Улуттук энергохолдингдин башчысы Айтмамат Назаров брифинг учурунда билдирди.

Анын айтымында, быйыл суунун аз болгондугунан электр энергияны импорттоо пландалууда. Мындан сырткары, Кыргызстан менен Казакстан 300 миллион киловатт-саатты алмашат: электр кубаты жайкысын Казакстанга жиберилсе, күзүндө кайра кайтарылат.

"Ошондой эле 500 миллион киловатт-саат энергияны импорттоо боюнча макулдашуу бар. Ал декабрь айынын соңунан баштап келе баштайт. Мындайча айтканда, 300 миллион киловатт-саат өзүнчө товар алмашуу. Азырынча келишимге кол коюла элек", — деди Назаров.

Жарыктын баасы айтылган жок. Себеби электр энергиясын сатуу боюнча Тажикстан жана Түркмөнстан менен сүйлөшүүлөр жүрүп жатат.

Суу  сактагыч. Архивдик сүрөт
© Пресс-служба президента КР / Султан Досалиев
Ошол эле маалда Улуттук энергохолдингдин жетекчиси жаралган абалга байланыштуу Кыргызстанда электр энергиясына баа өзгөрбөй тургандыгын кошумчалады.

"Миллиард киловатт-саат энергия сатып алууну пландап жатабыз. Анын баасы элге бергенге караганда кымбат, бирок баа көтөрүлбөйт ", — деп айтты Назаров.

Жогоруда аталган көлөмдөгү энергияны сатып алуу үчүн Кыргызстан коңшу мамлекеттер менен сүйлөшүүлөрдү жүргүзүүдө.

104
Белгилер:
Суу, сатуу, электр энергиясы, Кыргызстан
Тема боюнча
Электр энергиясына коюлган жаңы тариф 1-июлдан тарта күчүнө кирет
Кыргызстан Түркмөнстан баштаган өлкөлөрдөн электр энергиясын сатып алат
Москвадага Кремль. Архивдик сүрөт

Россия кыргыз-тажик чек ара көйгөйүндө ортомчу болууга даяр

499
(жаңыланган 12:06 27.05.2020)
Россия тарап Тажикстан менен Кыргызстандын чек арасындагы кырдаал курчуп баратканын белгилеп, аларга көмөк көрсөтүүгө даяр экендигин билдирген.

БИШКЕК, 27-май — Sputnik. Россия Кыргызстан менен Тажикстандын чек ара маселесин жөнгө салууда ортомчулук кызмат көрсөтүүгө даяр. Бул тууралуу аталган мамлекеттин ТИМ башчысы Сергей Лавров шейшемби күнү ЖККУнун тышкы иштер министрлер кеңешинин видеоконференция форматында өткөн жыйынынан кийин билдирди.

Чогулушту RT түз эфирден көрсөттү.

"Тажикстан менен Кыргызстандын чек арасындагы дайыма түшүнбөстүк болуп келет. Тилекке каршы, абал курчуп баратат. Биз союздаштарды күч колдонуудан мүмкүн болушунча баш тартып, сүйлөшүүгө чакырабыз. Ортомчулук кызматыбызды көрсөтүүгө даярбыз. Кырдаал канчалык тез жөнгө салынса, ошончолук жакшы", — деген министр.

Лавровдун айтымында, бул маселе тууралуу Россия тарап Жамааттык коопсуздук келишим уюмунун тышкы иштер министрлеринин кеңешининин онлайн жыйынында да өз өнөктөштөрүнө билдирген.

Эске сала кетсек, май айында кыргыз-тажик чек арасында эки ирет ок атышуу болду. Алгач 8-майда Кыргызстан менен Тажикстандын чектешкен аймагындагы жергиликтүү жашоочулар Баткен районунун Чек айылында 50 сотых жерди талашып, жаңжалдаша кетишкен. Мунун айынан эки мамлекеттин чек арачылары атышып, Кыргызстандын үч жоокери ок жеген.

Ал эми 24-майда Баткендин Мойнок аймагына Тажикстандын "Ворух" анклавынын жашоочулары мал жаюуга аракет кылып, буга Кыргызстандын чек арачылары жол берген эмес. Анын айынан да чек арачылар атышкан.

Тажик тарап кыргызстандык малчылар чек араны кесип өтүп, Согду облусунун аймагына кирип кеткендиктен, кайым айтышуу болуп кеткендигин айтып чыгышкан. Ок атышуудан тажикстандык бир чек арачы жабыркаган.

499
Белгилер:
жардам, маселе, чек ара, Тажикстан, Россия, Кыргызстан
Тема боюнча
КРдин Чек ара кызматы тажикстандык кесиптештерин абалды курчутпоого чакырды
Чек арадагы чатак боюнча Тажикстандын маалыматы
Май куйуучу жай. Архив

Бир айдан кийин өлкөдөгү бардык май куюучу жайлар тыкыр көзөмөлдөнө баштайт

0
Салык кызматы автомай куйган бекеттердин ээлерине 1-июлга чейин бири калбай талап кылынган системаны орнотуп бүтүшү керектигин эскертти.

БИШКЕК, 29-май — Sputnik. Ушул жылдын 1-июлунан тарта өлкөдөгү бардык май куюучу бекеттер толугу менен башкаруунун автоматташтырылган системасын колдонуп башташы керек. Бул тууралуу мамлекеттик салык кызматынан кабарлашты.

Салык кызматы күйүүчү май куюучу жайлардын (анын ичинде автогаз куюучу жана газ толтуруучу компрессордук станциялардын) ээлерине 1-июлга чейин бири калбай аталган системаны орнотуп бүтүшү керектигин эскертти.

Автоматташтырылган электрондук системанын өзгөчөлүгү — кардар көзөмөлдүк-кассалык машинадан төлөнгөн суммага кассалык чек албай туруп май куя албайт. Чек албаса, станциянын май куюу колонкасы иштебейт. Система бул жайлардын бензинди берүү учурун Салык кызматынын серверине да көрсөтүп турат.

Май куйган автобекеттерге коюлган талаптар өкмөттүн токтомуна ылайык ишке ашууда.

Ага ылайык, күйүүчү майды мунай заттарынын базасына же резервуарына ээлик кылган жактарга гана дүңүнөн сатууга мүмкүн болот.

0
Белгилер:
текшерүү, система, май куюучу бекет, Мамлекеттик салык кызматы
Тема боюнча
Дизель майы менен бензин 3 сомго арзандады