Өзбекстанда карантин 10-майга чейин узартылды

© REUTERS / MUKHAMMADSHARIF MAMATKULOVТашкенттеги өзбек укук коргоо кызматкери блокпостто турган учурда
Ташкенттеги өзбек укук коргоо кызматкери блокпостто турган учурда - Sputnik Кыргызстан
Жазылуу
Негизи карантиндин мөөнөтү эртең, 20-апрелде, аяктамак. Акыркы маалыматтар боюнча, өлкөдө COVID-19 жуктуруп алган 1495 учур катталып, анын бешөө каза тапты.

БИШКЕК, 19-апр. — Sputnik. Өзбекстанда карантин 10-майга чейин узартылганын Атайын республикалык комиссияга таянуу менен Sputnik Өзбекстан агенттиги жазды.

Мындай чечим 18-апрелде кабыл алынганы айтылат. Негизи карантиндин мөөнөтү эртең, 20-апрелде, аяктамак.

"Чектөө чаралары (карантин) жана коронавирус инфекциясынын жайылышына каршы туруу боюнча күчөтүлгөн режим 10-майга чейин узартылат", — деп айтылат комиссиянын маалыматында.

Комиссия мүчөлөрү өлкөдө вирус менен күрөшүүнүн комплекстүү чаралары, элдин обочолонуу тартибине өтүүсү жана аралыкты сактоосу инфекциянын жайылышын көзөмөлдөп калууга мүмкүнчүлүк берди деп эсептешүүдө. Эми ушул жыйынтыкты кармап калуу зарыл.

Мектептерде экзамендер болбой калышы мүмкүн

Элдик билим берүү министрлиги жана башка органдар 5-11-класстар үчүн жыйынтыктоочу жана мамлекеттик экзамендерди өткөрүүнүн башка варинатын, болбосо быйыл такыр эле жоюп салуу жолун караштырууда. Бул маселе боюнча сунуштар өкмөттүк комиссиянын кароосуна жөнөтүлмөкчү.

Бала бакчага каттоо токтотулду

16-марттан тартып карантин бүткөнгө чейин бала бакчага арыз тапшырууга тыюу салынат.

Азыркы абал

Акыркы маалымат боюнча, Өзбекстанда COVID-19 жуктурган 1495 учур катталды. Анын  бешөө каза тапты.

Дарыгер коопсуз костюмчан жаана бет капчан областтык ооруканада иш учурунда. Архив - Sputnik Кыргызстан
Төртөөнүн абалы оор. Коронавирус жуктурган медиктердин көбү Бишкекте
Белгилей кетсек, Кыргызстанда да карантиндин мөөнөтү алгач 15-апрелге чейин деп жарыяланса, кийин 30-апрелге чейин узартылган. Кыргызстанда коронавирус жуктурган 554 киши катталып, анын бешөө көз жумду. 133 киши айыгып чыкты.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.

Кабарларды ыкчам, ыңгайлуу шартта окуу үчүн Telegram-каналыбызга баш багыңыз.

Мындан тышкары, Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

Жаңылыктар түрмөгү
0