Кыргызстан Казакстан желектери. Архивдик сүрөт

Казакстан Оренбургдагы мекендештерди өткөрүүгө уруксат берип, бир шарт койду

1079
(жаңыланган 14:19 30.04.2020)
Казакстандын акимдери жана Саламаттык сактоо министрлиги жарандарды өткөрүүгө каршы чыкканына карабай, өкмөт кыргыз тараптын өтүнүчүн колдоп берди.

БИШКЕК, 30-апр. — Sputnik. Оренбург облусунун Соль-Илецк районундагы чек арада кармалып турган кыргызстандыктарды өткөрүүгө Казакстан уруксат берди. Бул туурасында тышкы иштер министри Чыңгыз Айдарбеков парламенттин жыйынында билдирди.

Анын айтымында, кечээ, 29-апрель күнү, кечинде казак тараптан ТИМге жарандарды өткөрүүгө уруксат берген нота келип түшкөн.

"Гуманитардык акция катары биздин жарандарга гана өтүүгө уруксат берип жатышат. Ал эми автоунааларын Россияга калтырсын деген шарт коюшууда. Маселе жалпысынан чечилди, бир-эки күндүн аралыгында жөнгө салынат. Эки тараптуу иштерди активдүү жасадык. Казак тарапка терең ыраазычылык билдиребиз. Азыр транспорт уюштуруп, 30-апрелге чейин ошол жерде тургандардын тизмесин түзүп, алып кетүүгө аракет кылып жатабыз", — деди Айдарбеков.

Ошондой эле ал Казакстандын ар бир аймагынын акимдери жана Саламаттык сактоо министрлиги жарандарды өткөрүүгө каршы чыгып жатканын белгиледи. Бирок ага карабай, өкмөттүн башка мүчөлөрү кыргыз тараптын өтүнүчүн колдоп бергенин айтты.

Соңунда министр Казакстанда коронавирус боюнча кырдаал өтө оор болуп жатканын кошумчалады.

Эскерте кетсек, Россиядан автоунаа менен жолго чыгып, Казакстанга кире албай калган 100дөн ашуун кыргызстандык бир айдан ашык убакыттан бери чек арада турат.

Коронавирустун кесепети

Кыргызстанда COVID-19 жуктуруп алгандардын саны 746га жетип, анын жарымынан көбү, 462си айыкты. Тилекке каршы, вирус сегиз кишинин өмүрүн алды.

Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот

Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

1079
Белгилер:
уруксат, Казакстан, мекендештер, Оренбург, Чыңгыз Айдарбеков
Тема:
Коронавируска байланыштуу Кыргызстандагы кырдаал (2318)
Тема боюнча
30 жылда бир жолу суранышты. Мигранттарды алып келүү маселеси чечилеби?
Казакстанда төрт журналисттен коронавирус аныкталды
Казакстандын президенти Касым-Жомарт Токаев. Архивдик сүрөт

Казакстан алты тармакты түп-тамырынан реформалаганы жатат

123
(жаңыланган 10:53 22.10.2020)
Жогорку совет — бул ушул жылдын 14-сентябрында негизделген орган. Анын негизги максаты — өлкөнүн тез өнүгүшү үчүн саясий, экономикалык жана социалдык реформаларды ишке ашыруу.

БИШКЕК, 22-окт. — Sputnik. Казакстандын президенти Касым-Жомарт Токаев сентябрь айында негизделген Жогорку советтин алгачкы жыйынын өткөрүп, анда өлкөнүн өнүгүшү боюнча алты багытта тереңдетилген реформа жүргүзүү керектигин белгиледи. Бул тууралуу Sputnik Казакстан агенттиги жазды.

Реформага муктаж болгон багыттар:

  • макроэкономикалык саясат;
  • насыя жана фискалдык саясатты, салык сиситемасын жакшыртуу жана финансы секторунун туруктуулугун бекемдөө;
  • сот жана укук коргоо системасы.

Токаев бул тармакта өтө көп иш кылуу керектигин жана "эптеп жылмалап коюп кутулуп кетем дегендер жаңылышарын" айтты.

Казакстан расмий түрдө өлүм жазасын жокко чыгарды

Социалдык сфера

Өкмөт башчы Аскар Маминге тармакты толугу менен жаңылап чыгып, жаңы Социалдык кодекс түзүү тапшырмасы берилди.

Эркин экономика

Президент Казакстандын экономикасы бир же бир нече гана тармактан көз каранды болбошу керек деп эсептейт. Андыктан кайсы бир тармак жетиле электе же ресурсу түгөнүп бара жатканда оңой эле башкасын баштап кетүү үчүн ишмердүүлүктүн болушунча көп түрүн колго алууну талап кылууда.

Бизнести жөнгө салуу

Өкмөт мүчөлөрү менен "Ата мекен" улуттук ишкерлер палатасы Казакстанда бизнес кылуу мындан ары дагы жеңил болушу үчүн сүйлөшүүлөрүн улантат.

Казакстан менен Өзбекстандын президенттери Кыргызстандагы абалды талкуулашты

Мамлекеттик башкаруу жана кызмат көрсөтүүлөр

"Мамлекеттик аппарат элге кызмат көрсөтүп, анын көйгөйүн чечүү үчүн болушунча ийкемдүү болуп, санариптешүү жана башка багытта тынбай өнүгүп турушу керек" деп эсептейт президент Токаев.

Жогорку совет — бул ушул жылдын 14-сентябрында негизделген орган. Анын негизги максаты — өлкөнүн тез өнүгүшү үчүн саясий, экономикалык жана социалдык реформаларды ишке ашыруу.

123
Белгилер:
экономика, реформа, саясат, Касым-Жомарт Токаев, Казакстан
Тема боюнча
Токаев: Кыргызстандагы абалдын турукташуусуна кубанып жатам
Жалкоолук, тойдон-тойго жашоо... Токаев казак коомунун беш кемчилигин атады
Коронавируска тест жасоочу борбордо иштеп жаткан дарыгерлер, Алмата. Архив

Казакстан: COVID жана пневмонияга кабылган медиктерге компенсация төлөнбөйт

47
Буга чейин коңшу өлкө кызмат учурунда коронавирус жуктуруп алган ак халатчандарга 2 миллион теңге бөлүп берчү. Ал эми каза болгондордун жакындарына 10 миллион теңге каралган.

БИШКЕК, 22-окт. — Sputnik. Казакстанда кызмат учурунда COVID-19 жуктуруп пневмонияга кабылган медиктерге компенсация төлөө 20-октябрдан тарта токтотулду. Бул тууралуу Sputnik Казакстан агенттиги Саламаттык сактоо министрлигинин биринчи вице-премьери Марат Шорановдун айтымына таянып кабарлады.

"2020-жылдын 20-октябрынан тарта коронавирус жуктурган медицина кызматкерлерине компенсация берүү боюнча арыздарды кабыл алуу токтотулду. Эгер медик ооруну жумуш учурунда жуктуруп алса, материалдык колдоо жергиликтүү башкаруу органдары, профсоюздардын эсебинен көрсөтүлөт", — деди Шоранов.

Анын айтымында, пандемия башталгандан тарта медиктердин бардыгы коргонуучу каражаттар менен камсыз болуп, санитардык эрежелерди сактоо боюнча окутуулардан өткөн. Ошондой эле өлкө башчынын тапшырмасы боюнча бардык медиктердин айлык акысына үч категория боюнча кошумча акы кошулган.

"Социалдык төлөмдүн токтотулган себеби азыр стационарлар мурдагыдай бейтаптарга толгон эмес, медиктер арасында өлүм учуру жокко эсе", — деди Шоранов.

Элди кыйбай иштегенбиз. Компенсациясын ала албай убара тарткан медиктер

Буга чейин коңшу өлкө кызмат учурунда коронавирус жуктуруп алган ак халатчандарга 2 миллион теңге бөлүп берчү. Ал эми каза болгондордун жакындарына 10 миллион теңге каралган.

47
Белгилер:
оору, коронавирус, компенсация, медик, Казакстан
Тема:
Дүйнөгө жайылган коронавирус
Тема боюнча
Вирусолог COVID-19га каршы вакцина жардам бере албай турган адамдардын тобун атады
Академик: COVID-19 катуу суук түшкөндө басаңдайт
Тышкы иштер министри Руслан Казакбаев. Архив

Руслан Казакбаев Москвада ЖККУнун башкы катчысы менен жолукту

11
(жаңыланган 20:42 22.10.2020)
Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

БИШКЕК, 22-окт. — Sputnik. Бүгүн Москва шаарында Кыргызстандын тышкы иштер министри Руслан Казакбаев Жамааттык коопсуздук жана кызматташуу уюмунун (ЖККУ) башкы катчысы Станислав Зась менен жолугушту. Бул тууралуу өлкөнүн РФтеги элчилигинен билдиришти.

Алар регионго, ошондой эле дүйнөгө терс таасир этип жаткан маселелер боюнча пикир алышып, ЖККУнун алкагындагы кызматташтыктын артыкчылыктуу багыттарын талкуулашты.

Казакбаев Кыргызстандагы ички саясий абалдын турукташканы тууралуу кыскача маалымат берип, учурдагы бардык саясий процесстер мыйзам талаасында болуп жатканын айтты.

Ошондой эле тараптар ЖККУнун Жамааттык коопсуздук кеңешинин келерки сессиясына даярдык тууралуу кеп кылышты.

Эске салсак, тышкы иштер министри Руслан Казакбаев бүгүн эки күндүк иш сапары менен Россия Федерациясына кеткен. Анын жүрүшүндө министр россиялык кесиптеши Сергей Лавров жана башка мамлекеттик органдардын жетекчилери менен жолугушуусу күтүлүүдө.

11
Белгилер:
Станислав Зась, жолугушуу, ТИМ, Руслан Казакбаев, Россия, Кыргызстан
Тема боюнча
Өзбекстандын премьер-министри телефон чалып, Садыр Жапаровду куттуктады