Тамджы каптаган суу. Архивдик сүрөт

Өзбекстанда жырылган дамбанын суусу айылдарды каптап, эл эвакуацияланды

729
(жаңыланган 13:08 02.05.2020)
Өзбекстанда Сардоба суу сактагычынын айланасында жашаган 70 миңге чукул тургун эвакуацияланган. Азыркы тапта 60тай адам ар кандай жаракаты менен ооруканада жатканы айтылды.

БИШКЕК, 2-май — Sputnik. Өзбекстанда жырылган дамбанын суусу айылдарды каптап, 70 миңге чукул тургун эвакуацияланган. Бул тууралуу Sputnik Өзбекстан кабарлады. 

Посмотреть эту публикацию в Instagram

Публикация от UZBEKISTAN XABARLAR 999K (@uzbekistanofficial)

Кырсык 1-май күнү болгон. Өлкө аймагындагы Сардоба суу сактагычынан дамбанын бир бөлүгү жырылып, айылдарды каптаган. Мындан улам суу сактагычтын айланасында жашаган 70 миңге чукул тургун эвакуацияланган. 17 миңден ашык адам медициналык көзөмөлдөн өтүп, 60 адам ар кандай жаракаты менен ооруканага жаткырылган. 

Посмотреть эту публикацию в Instagram

Публикация от UZBEKISTAN XABARLAR 999K (@uzbekistanofficial)

Дамбанын суусу Казакстандын Мактарал районундагы эки айылды да каптаган. Мындан улам Казакстан бийлиги эки айылдын 5000ден ашык жашоочусун эвакуациялаганы маалым болду.

Жергиликтүү тургундардын бардыгын айылдан алып чыгууга алты автобус тартылган.

729
Белгилер:
Казакстан, Өзбекстан, эл, эвакуация, дамба
Тема боюнча
Шерипова: кырсыктарды алдын алуу үчүн 44 миңге чукул көчөт отургузулду
Кыргызстандык балбан Акжол Махмудов

Бирде жигит төө минет... Акжолдун Токиодон элге кайрылган видеосу

294
(жаңыланган 20:12 02.08.2021)
Кыргызстандык балбан учурда ал үчүн ар бир кармаш, мүнөт, секунд маанилүү болуп болуп жатканын айткан.

БИШКЕК, 2-авг. — Sputnik. Олимпиада оюндарынын финалына чыккан Акжол Махмудовдун кыргызстандыктарга кайрылган видеосу жарыяланды.

Видеону кыргызстандык балбан Үзүр Жусупбеков Instagram баракчасынын тарыхча бөлүмүнө жүктөдү.

"Ассолому алейкум кыргыз элим, жеңишим сиздерге арналат! "Бирде жигит төө минет, бирде жигит жөө жүрөт. Төө мингенде жигитти, төбөсүнө көтөрүп, тегеректеп эл жүрөт. Жөө жүргөндө жигитти, жөөлөй түртүп эл күлөт" дейт, ошондуктан бүгүн утулуп, максатына жетпей калган жигиттерибизди эч качан сындабагыла. Бул — спорт. Өзүңдө жакшы нерсе болбосо башкалардын да жакшы жагын көрө албайсың. Ошондуктан адам канчалык жамандык кылбасын ар дайым жакшы жагын көргөнгө аракет кылгыла", — деди Махмудов.

Андан ары балбандын казакстандык журналисттерге интервью берип жатканын көрүүгө болот. Анда ал ар бир кармаш, мүнөт, секунд маанилүү болуп жатканын айткан.

"Бүгүн бизди кудай жалгады. Мен бүгүн болбосо качан күрөшөм. Бүгүн утпасам дагы качан утушум мүмкүн. Мындай мүмкүнчүлүк ар кимге эле ар дайым бериле бербейт. Ошондуктан ар бир мүнөт, секунд сайын кудайдан мен тарапта болуп бер деп тиленип жаттым, мен жеңишке муктажмын деп сурандым. Кудай өтүнүчүмдү аткарып жатат", — деди балбан.

Акжол Махмудов Олимпиада-2020 медешинин алтын байгеси үчүн венгриялык Тамаш Лёринц менен эртең күч сынашат.

294
Белгилер:
Акжол Махмудов, олимпиада, күрөш, жеңиш
Тема:
2021-жылы Токиодо өтө турган Олимпиада оюндары
Тема боюнча
Баары алдыда! 22 жаштагы Айпери Медет кызы коло медалын ала албай калды
Үзүр Жусупбеков Олимпиаданын коло байгеси үчүн ат салышууга мүмкүнчүлүк алды
Токиодо шоу уюштурууда! Бириккен күрөш дүйнөсү Акжолду алкады. Видео, сүрөт
Кыргызстан балбаны Акжол Махмудов

Атаандашын ай-буйга келтирбей жыккан Акжол. Жарым финалдагы жүрөк толкуткан видео

2714
(жаңыланган 17:20 02.08.2021)
Акжол биринчи эле бөлүктө тик туруп жасаган мыкты ыкмаларды колдонуп, жеңишти камсыздоого жетиштүү упай топтоп койду.

БИШКЕК, 2-авг. — Sputnik. Токио Олимпиадасында грек-рим күрөшү боюнча кыргызстандык балбан финалга чыкты.

Ал жарым финалда армениялык Карапет Чалянды 6:2 эсеби менен утту.

Акжол биринчи эле бөлүктө тик туруп жасаган мыкты ыкмаларды колдонуп, жеңишти камсыздоого жетиштүү упай топтоп койду. Башында кыргызстандык балбандын чабал аракети үчүн атаандашы бир упай алып, андан соң калыс Акжол Махмудовду партерге коюп берди. Чалян көтөрүүгө аракет кылганда кыргызстандык балбан контрчабуул жасап, өзүн басып түштү. Бул үчүн Акжолго эки упай берилди. Кийин армениялык спортчуну партер абалына койду. Албетте, Акжол мындай мүмкүнчүлүктү колдон чыгарбай көтөрүп чаап, төрт упай алды. Чалянга тегерек чийинден качып чыгууга аракет кылганы үчүн эскертүү берилип, аны кайра партерге койду. Дагы бир ирет партер берилди эле көтөрүүгө жетишпей калды.

Ал эми экинчи бөлүктө Акжол көп чабуул жасабай, мыкты коргонууга өттү. Мелдештин бүтөрүнө аз калганда армениялык балбан килемден түртүп чыгып бир упай алды.

Натыйжада Махмудов Чалянды 6:2 эсеби менен жеңип, финалга чыкты. Эми ал алтын медаль үчүн күрөшөт.

Кырызстандык балбан 77 килограмм салмак категориясы боюнча ат салышууда. Буга чейин Тунис өлкөсүнөн барган Ламджед Маафини (11:0) жана азербайжандык Рафиг Гусейиновду (9:1) мөөнөтүнөн мурда жеңип алган.

Акжол Махмудов 22 жашта, эл аралык класстагы спорт чебери. Азия чемпиону жана Азия оюндарынын күмүш медалынын ээси. Апрель айында Алматыда өткөн турнирде Токио Олимпиадасына жолдомо уткан.

2714
Белгилер:
Акжол Махмудов, олимпиада, финал, күрөш, жеңиш
Тема:
2021-жылы Токиодо өтө турган Олимпиада оюндары
Тема боюнча
Токиодо шоу уюштурууда! Бириккен күрөш дүйнөсү Акжолду алкады. Видео, сүрөт
Мээрим Жуманазарова Олимпиаданын коло байгеси үчүн ат салышмай болду
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

0
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

0
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео