Ымыркай. Архивдик сүрөт

Дарыгерлер кармашып жатып сактап калды. Бөйрөк салдырган аял көз жарды

353
(жаңыланган 15:21 12.05.2020)
Медицинада кооптуулук жогору деп тыюу салынганы менен казакстандык аял тобокелге барып, донор берген бөйрөгү менен кыздуу болду.

БИШКЕК, 12-май — Sputnik. Нур-Султан шаарында медиктердин айтканына көнбөй бөйрөк салдырган аял төрөдү. Бул туурасында Sputnik Казакстан жазды. 

Келинге 4 жыл мурда атасы бөйрөгүн берген. Дарыгерлердин эскертүүсүнө карабай, аял төрөөгө белсенген.

Январь айында аталган шаардагы көп тармактуу №2 ооруканага түшүп калган. Анын кош бойлуу учурунда дарыгерлер эки өмүр үчүн күрөштү деп билдирди Нур-Султандын саламаттык сактоо башкармалыгынан.

Апрелде кайра катуу ооруп, ымыркай мөөнөтүнөн эрте төрөлгөн. Кичинекей кызды реанимация бөлүмүнө, ал эми энесин ыкчам жардам көрсөткөн реанимация бөлүмүнө жаткырышкан. Аялга салынган бөйрөктүн иштебей калышы мүмкүн деген өмүр менен өлүмдүн ортосундагы кооптуулук жаралган.

Абалы кескин начарлап кеткендиктен, Кыйын абалдагылардын акушердик борборуна которушуп, дарыгерлер эненин өмүрүн сактап калуу үчүн бир ай күрөшкөн. Ак халатчандар келиндин абалын күнү-түнү көзөмөлгө алып, дыкаттыкты талап кылган бир нече дарылоолорду жүргүзгөн. Жыйынтыгында аялдын көчүрүлгөн бөйрөгүн сактап калышкан.

Аталган борбордун жетекчиси Агзам Жумадилов бул бөйрөк көчүрүлүп, андан кийин пациенттин балалуу болгон Казакстандагы үчүнчү учуру экендигин айткан.

Бүгүн эне-баланын абалы жакшы болгондуктан үйүнө чыгарылгандыгын айтышты.

353
Белгилер:
дарыгер, бөбөктөр, реанимация, оорукана, төрөт, трансплантация, бөйрөк, адам, донор, Казакстан
Тема боюнча
Эгизден 68, үч эмден бирөө. Кыргызстанда карантинде төрөлгөн ымыркайлар
Эки ымыркай бар. Коронавирус чыккан аймактар жана бейтаптардын жаш курагы
Имараттын котлованнын иштетүүнүн башталышы. Архив

Аэропорт, ЖОЖ курат. Өзбекстан чек арадагы Сох районун гүлдөтүүгө киришти

910
(жаңыланган 17:36 05.06.2020)
Өлкө бийлиги бул регионду өнүктүрүүгө 1 триллион сум бөлүүнү көздөп жатканы айтылат. Мектеп бүтүрүүчүлөрүнө ЖОЖдордо 500 орун дайындалууда.

БИШКЕК, 5-июн. — Sputnik. Өзбекстан Сох районуна аэропорт, оорукана жана окуу жайларды куруп, эскилерин оңдоону көздөп жатат. Бул тууралуу өлкөнүн премьер-министри Абдулла Арипов аталган районго барганда элге айтканын Sputnik Өзбекстан агенттиги жазды.

"Сох райондук администрациясы жакында 101 миллиард сумга бардыгы болуп 73 долбоорду ишке ашырганы жатат. Жыйынтыгында 4,5 миң жумуш орду ачылат. Аймакта иштебей калган аэропортту кайра баштан реконструкциялоо, ооруканаларды, окуу жайларды, цемент чыгаруучу завод, эс алуу жайларын куруу пландалды", — деп айтылат кабарда.

Өлкө жетекчилиги район жаштарына билим берүүнү күчөтүү маселесин колго алганы айтылат. Мисалы, Сох районундагы мектеп бүтүрүүчүлөрүнө өлкөдөгү ЖОЖдордо 500 орун даярдалат.

Мындан тышкары бул райондо бир топ жылдан бери чечилбей келген таза суу жана сугат суусу боюнча маселени чечүү тапшырмасы коюлду. Жергиликтүү бийлик эки ай ичинде Симодон, Касминон, Хушёр, Малбуд жана Варган аймактарына тик скважина орнотуп берүүнү убадалады.

Негизинен өлкө бийлиги бул регионду өнүктүрүүгө 1 триллион сум бөлүүнү көздөп жатканы айтылат.

Эске салсак, 31-майда Кадамжай районунун Чечме айылы менен Өзбекстандын Сох районунун Чашма айылынын тургундарынын ортосунда чыр чыккан. Андан 25 киши жаракат алып, төрт адам ооруканага түшкөн. Эртеси биринчи вице-премьер Кубатбек Боронов "Чечме" өткөрмө пунктунда Өзбекстандын өкмөт башчысы Абдулла Арипов менен жолуккан.

Сох району — Кыргызстандын ичиндеги Өзбекстанга караштуу анклав. Чек ара көйгөйүнөн улам Кыргызстан менен Өзбекстандын чектеш айылдарында маал-маалы менен чыр-чатак чыгып турат.

910
Белгилер:
инфраструктура, аэропорт, жарадар, чатак, чек ара, Сох, Өзбекстан, Кыргызстан
Тема:
Чечме айылындагы чек арадагы кыргыз-өзбек чатагы
Тема боюнча
Кытайга газ алып өтүүгө айыл чарба жерлери берилген. ЖКда айтылган доомат
Кадамжайдагы чек араны кыргыз-өзбек аскерлери кайтарууда
вице-премьер-министр Эркин Асрандиев Ак-Тилек көзөмөл-өткөрүү жайында

Жагдай оор. Асрандиев кыргыз-казак чек арасындагы тыгындын себебин айтты

351
(жаңыланган 22:33 04.06.2020)
Асрандиев Кыргызстан былтыртан бери ЕАЭБ регламентинин алкагында Коллегияга кайрылып жатканын айтты. Ал чек арадагы кырдаалды жасалган тоскоолдук катары баалай турганын билдирди.

БИШКЕК, 4-июн. — Sputnik. Кыргыз-казак чек арасындагы абал союздаш мамлекеттердин келишимдерине карама-каршы келет. Бул тууралуу вице-премьер-министр Эркин Асрандиев "Ак-Тилек" көзөмөл-өткөрүү жайында өткөн көчмө жыйында билдирди.

"Казакстан менен чек арада көптөн бери кыйынчылыктар болуп келүүдө. Абал былтыртан бери начарлап кетти. 300-400 автоунаа көп күндөн бери кезек күтүп турат. Жеке өзүм айдоочуларды Казакстандын чек арасынан Кыргызстанга өткөрүү тартибин көрдүм. Ал паспорттук көзөмөлдөн, андан аркы көзөмөлдөө үчүн медицина кызматкерлеринин анкеталык маалыматтарын топтоодон, вирустун бар-жогуна анализ тапшыруудан турат. Андан соң жүк ташуучу Кыргызстандын аймагында тесттин жыйынтыгын күтөт. Өлкөгө кирүү тартиби дагы татаал эмес. Ал эми казак тараптан бардыгы жай жүргүзүлүүдө", —  деди Асрандиев.

Асрандиев белгилегендей, Кыргызстан ЕАЭБ аянтында тоскоолдуктарды четтетүү үчүн иштерди жүргүзүп жатат.

  • Вице-премьер-министр КР Эркин Асрандиев во время выездного совещания на контрольно-пропускном пункте Ак-Тилек — Автодорожный.
    Кыргыз-казак чек арасындагы абал союздаш мамлекеттердин келишимдерине карама-каршы келет. Бул тууралуу вице-премьер-министр Эркин Асрандиев "Ак-Тилек" көзөмөл-өткөрүү жайында өткөн көчмө жыйында билдирди.
    © Фото / Пресс-служба правительства/ Алишер Алиев
  • Стоящие в очереди фуры на контрольно-пропускном пункте Ак-Тилек — Автодорожный на кыргызско-казахской границе
    Асрандиев белгилегендей, Кыргызстан ЕАЭБ аянтында тоскоолдуктарды четтетүү үчүн иштерди жүргүзүп жатат.
    © Фото / Пресс-служба правительства / Алишер Алиев
  • Стоящие в очереди фуры на контрольно-пропускном пункте Ак-Тилек — Автодорожный на кыргызско-казахской границе
    "Ак-Тилек" көзөмөл-өткөрүү жайындагы абал
    © Фото / Пресс-служба правительства/ Алишер Алиев
  • Вице-премьер-министр КР Эркин Асрандиев во время выездного совещания на контрольно-пропускном пункте Ак-Тилек — Автодорожный.
    Вице-премьер-министр Эркин Асрандиев "Ак-Тилек" көзөмөл-өткөрүү жайында
    © Фото / Пресс-служба правительства/ Алишер Алиев
  • Стоящие в очереди фуры на контрольно-пропускном пункте Ак-Тилек — Автодорожный на кыргызско-казахской границе
    "Ак-Тилек" көзөмөл-өткөрүү жайындагы абал
    © Фото / Пресс-служба правительства/ Алишер Алиев
1 / 5
© Фото / Пресс-служба правительства/ Алишер Алиев
Кыргыз-казак чек арасындагы абал союздаш мамлекеттердин келишимдерине карама-каршы келет. Бул тууралуу вице-премьер-министр Эркин Асрандиев "Ак-Тилек" көзөмөл-өткөрүү жайында өткөн көчмө жыйында билдирди.
"Тилекке каршы, союздун ички чек арасында жагдай кыйын. Тышкы чек арага караганда бир кыйла татаал. Биз өткөн жылдан бери ЕАЭБ регламентинин алкагында Коллегияга кайрылып жатабыз, анткени кырдаалды тоскоолдук катары баалайбыз. Жана бул биздин ички союздук макулдашууларга каршы келет. Жакын арада маселе чечилет деп ишенебиз", - деп жыйынтыктаган ал.

Эске салсак, бир нече күндөн бери "Ак-Тилек" көзөмөл өткөрүү жайында жүк ташуучу автоунаалардын чек арадан өтө албай, кезеги бир нече чакырымга созулуп кеткендигин көрүүгө болот.

Sputnik Кыргызстан бул боюнча видеорепортаж жасаган.

351
Белгилер:
жүк ташуучулар, кезек, узундук, коронавирус, Ак-Тилек, чек ара, Казакстан, Кыргызстан
Тема боюнча
Ысыкта зарыгып, күнгө какталган айдоочулар. Кыргыз-казак чек арасынан сүрөт баян
Казакстанга өткөрчү "Акжол" бекетинде ремонт качан бүтөрү айтылды
Бала бакчадагы балдар. Архивдик сүрөт

Балдар таза абада көп болушу керек. Бишкектеги бала бакчалар үчүн эрежелер

0
(жаңыланган 15:52 06.06.2020)
Эпидемияга каршы ыкчам комиссия документтерди иштеп чыгып, ал Саламаттык сактоо жана Билим берүү жана илим министрликтери менен макулдашылды.

БИШКЕК, 6-июн. — Sputnik. Бишкек мэриясы балдардын бакчада жүрүү боюнча жаңы эреже иштеп чыкты.

Эске салсак, Кыргызстанда мектепке чейинки билим берүү мекемелерине 5-июндан тарта иштей берүүгө уруксат берилген. Бирок мамлекеттик жана менчик бала бакчалардын тарбиячылары толугу менен COVID-19 вирусуна анализ тапшырышы шарт эле.

Мэриядан билдиришкендей, эпидемияга каршы ыкчам комиссия документтерди иштеп чыгып, ал Саламаттык сактоо жана Билим берүү жана илим министрликтери менен макулдашылды.

Эрежелер:

  • эртең менен бала кирип келе жатканда дене табы текшерилип, дарыгер кароодон өткөрөт;
  • кызматкерлер менен ата-энеден балада вирустун белгилери бар-жогу тууралуу маалымат алынат, анкета толтурулат;
  • имараттын ичинде бет кап кийүү керек;
  • бала бакча кызматкерлери маал-маалы менен бөлмөлөрдү тазалап, дезинфекциялап турууга милдеттүү;
  • бала бакчанын жетекчилиги иш тартибин өзгөртүүсү керек. Мисалы, тайпалар болушунча бири-биринен алыс болуп, байланышпашы зарыл;
  • аба ырайы мүмкүндүк берсе, балдарды болушунча сыртта, таза абада кармоого аракет кылынышы керек;
  • балдар топтошуп ойнобой, бири-биринен 1,5-2 метр аралыкта болушу керек;
  • бөлмөлөр балдар жок кезде желдетилип турушу зарыл. Күнүнө 4-5 ирет 15 мүнөттөн;
  • бала бакчалар үч режимде иштей алат: толук күн, кыска күн жана тайпалар смен менен;
  • канча тайпа иштээри бала бакча жайгашкан аймактагы эпидемиологиялык абалга байланыштуу.

Ошондой эле мэрия тарбиячы жана ата-энелер үчүн кеңештерди даярдады. Алар менен миниципалитеттин Telegram-каналынан тааныша аласыз.

0
Белгилер:
Бишкек мэриясы, эреже, бала бакча, Бишкек
Тема боюнча
Мэрия: бала бакча кызматкерлеринин көбү анализ тапшырды
Ош шаарында 100 орундуу бала бакчанын курулушу башталды
Бала бакча кызматкерлери COVID вирусуна анализ тапшырат