Өзбекстандын укук коргоо органдарынын кызматкерлери айдоочулардын документтерин текшерүү пунктунан текшерип жатышат. Архив

Акырындап жай турмушка кайтып... Карантинде коңшулар кантти?

201
(жаңыланган 10:49 20.05.2020)
Казакстанда коомдук транспорт, бала бакчалар иштеп баштаган. Тажикстанда коронавирус жугузуп алгандардын саны тез өсүп жатканы менен 10 жашка чейинки бир да бөбөктөн вирус аныкталган эмес.

БИШКЕК, 20-май — Sputnik. Sputnik Кыргызстан агенттиги коңшу мамлекеттер коронавирус менен кантип күрөшүп жатканына абай салып, карантин качан бүтөрүнө кызыкты.

Казакстан

Казакстанда коронавирус жуктургундардын саны 7000ге чукулдады. Илдеттен анын жарымы, тагыраагы, 3598и айыгып, вирус 35 адамдын өмүрүн алган.

Коңшуларда эки айга созулган өзгөчө абал режими 11-майда аяктаган. Бийлик карантин чараларын акырындык менен жумшартууда. Анткен менен элге сак болуусун эскертип жатканын Sputnik Казакстан жазды.

Казакстанда коомдук транспорт, бала бакчалар иштей баштаган. Бүгүндөн тарта түндүк бөлүгүндө соода, фитнес-борборлор, мончо, сауналардын иштөөсүнө уруксат берилген.

Өзбекстан

Өзбекстан коронавирус менен эффективдүү күрөшүп жатканын статистикадан байкаса болот. 2855 адамдан COVID-19 табылса, анын 2338и айыкты. Тилекке каршы, коронавирус жуктуруп дарыланып жаткан 13 бейтап көз жумган.

Кошуна өлкө чет жактагы жарандарын мекенге алып келүүсүн улантып жатканын Sputnik Өзбекстан жазды.

Маалыматка ылайык, бийлик сырттан 12 миңге чукул мекендешин өлкөгө кайтарууну пландап жатат. Билим берүү тармагында мектеп окуучулары жыйынтыктоочу экзамендерден бошотулуп, бүтүрүүчүлөр аттестаттарын электрондук түрдө алмай болушту.

Тажикстан

Тажикстанда COVID-19 аныкталгандардын саны 2000ге жакындады. Бул өлкөдө коронавирус 41 бейтаптын өмүрүн алган.

Sputnik Тажикстан билдиргендей, коңшу мамлекетте пневмония менен жүрөк оорусунан каза болгондордун саны арбын болуп жатканын жазды.

Саламаттык сактоо министрлигинин маалыматына ылайык, өлкөдө 10 жашка чейин бир да бөбөктөн коронавирус табылган эмес.

Кытай

Кытайда бир суткада коронавирус саналуу гана адамдардан аныкталууда. 1708 адам коронавирусту сырттан алып келген. Анын ичинен 1662си айыгып, үйлөрүнө чыгарылды.

Жалпысынан алганда, өлкө боюнча коронавирус жуктурган 82 965 учур катталган. Анын басымдуу бөлүгү (78 244) айыгып, 4634ү каза болгон. Ооруканада сырттан келгендерди кошкондо 87 адам дарыланууда.

Кыргызстан

Кыргызстанда коронавирус жуктуруп алгандардын саны 1270 болуп, анын 910у айыкты. Тилекке каршы, 14 киши каза тапкан.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

201
Белгилер:
карантин, коронавирус, чет өлкө, коңшу, Кыргызстан
Тема:
Кыргызстандагы коронавирус жуктуруп алгандар (914)
Тема боюнча
Коронавирус жуктурган 9 медиктин баары Нарындан болуп чыкты
Казакстандын президентинин маалымат катчысы Берик Курмангали. Архивдик сүрөт

Казакстан президентинин маалымат катчысынан COVID табылды

128
(жаңыланган 23:36 06.06.2020)
Казакстандын президентинин маалымат катчысы Касым-Жомарт Токаевдин ден соолугу таза экендигин, Ак ордо санитардык эрежелерди сактап жаткандыгын айтты.

БИШКЕК, 6-июн. — Sputnik. Казакстандын президентинин маалымат катчысы Берик Курмангали коронавирус менен ооруп калгандыгын Sputnik Казакстан жазды.

"Тилекке каршы, менин коронавирус боюнча тапшырган тестим сактанган чараларга карабастан, менден оору чыккандыгын көрсөттү. Учурда дарыгерлердин көзөмөлүндө, ооруканада жатам. Абалым канааттандырарлык", — деген Берик Уали.

Казакстан президентинин маалымат катчысы Касым-Жомарт Токаевдин ден соолугу таза экендигин айтты.

"Мамлекет башчы тесттен улам өтүп турат. Ак ордо санитардык эрежелерди сактап, талаптар күчөтүлгөн", — деген Уали.

Ал жалпы казакстандыктарды карантиндин талаптарын сактоого чакырды.

128
Белгилер:
коронавирус, катчылык, маалымат, Касым-Жомарт Токаев, Казакстан
Тема боюнча
Путиндин маалымат катчысы коронавирустан айыгып, үйүнө чыкты
Кыргызстан менен Кытай тарап Торугарт көзөмөл-өткөрүү жайы. Архивдик сүрөт

"Торугартты" ачуу боюнча Кытай тарап менен сүйлөшүү башталды

87
(жаңыланган 20:35 06.06.2020)
Кыргыз тарап Кытайга жүк ташуучу автоунаалардын айдоочуларынын ПЦР-тесттерди тапшыруусу каралган жаңы алгоритмди сунуш кылды.

БИШКЕК, 6-июн. — Sputnik. Кыргызстан менен Кытай тарап "Торугарт" көзөмөл-өткөрүү жайынын ишин жандандыруу маселесин талкуулады. Бул тууралуу өкмөттөн билдиришти.

Эске салсак, Кытай менен Кыргызстандын чек арасы 8-июндан тарта ачылары, алгач эки тарапка жүк өткөрүп туруу макулдашылганы айтылган. Ал эми иштин деталдарын эки тараптын тиешелүү органдары кийин сүйлөшө тургандыгы кошумчаланган эле.

"Мамлекеттик бажы кызматы менен Синьцзян-Уйгур автономдук районунун (Кытай) Бажы башкармалыгынын башчыларынын жыйыны видеоконференция режиминде өттү. Анда тараптар кыргыз-кытай тилкесинде жайгашкан "Торугарт" көзөмөл-өткөрүү жайынын ишин жандандыруу маселесин талкуулашты. Кыргыз тарап жүк ташуучу автоунаалардын айдоочуларынын ПЦР-тесттерди тапшыруусу каралган жаңы алгоритмди сунуш кылды", — деп айтылат билдирүүдө.

Бул алгоритм бизнес-коомчулук менен макулдашылганы, аны учурда кошуна өлкөлөр дагы иш жүзүндө колдонуп жатканы кошумчаланган.

Кытай тарап сунушталган алгоритмди кыска мөөнөттө карап чыгып, зарыл шарттардын тизмесин жөнөтөрүн билдирген.

87
Белгилер:
келишим, чек ара, Кытай, Кыргызстан
Тема боюнча
11 эсе көп жыйналды. Таластын башчысы “Чоң-Капкадагы” контрабанда тууралуу айтты
Бир нече күндөн кийин кыргыз-кытай чек арасы ачылып, "Торугарт" иштей баштайт
Медициналык беткаптагы балдар ойноп жатышат

COVID-19: Кытайда эпидемиологиялык кооптуулук төмөндөдү

4
Болжол менен бир ай мурда Кытайда эпидемиологиялык абал турукташып, көрсөткүч бир топко төмөндөгөн. Бирок Цзилинь провинциясында жана Уханда кайра вирус аныкталгандар катталган.

БИШКЕК, 7-июн. — Sputnik. Кытайдагы аймактардын баарында коронавирус боюнча эпидемиологиялык кооптуулук төмөндөдү. Бул тууралуу РИА Новости жазды.

Билдирмеге ылайык, жекшемби күнү Цзилинь шаарынын бийлиги райондордогу эпидемиологиялык кооптуулукту жогорку көрсөткүчтөн төмөнкү, ортоңкудан төмөнкү көрсөткүчтөргө ылдыйлата алышкан.

Жыйынтыгында Кытайда коронавирус боюнча эпидемиологиялык абал кооптуу делген бир да район калган эмес.

Болжол менен бир ай мурда Кытайда эпидемиологиялык абал турукташып, көрсөткүч бир топко төмөндөгөн. Бирок Цзилинь провинциясында жана Уханда кайра вирус аныкталгандар катталгандыктан, айрым шаарлар кайра кооптуу аймакка кирген.

Коронавирус тууралуу

2019-жылдын декабрь айынын аягында Кытайдын Ухань шаарында белгисиз өпкө оорусу жайылып баратканы байкалган. Оору деңиз азыктарын саткан базардан тараган. Адистер дарттын козгогучу коронавирустун 2019-nCoV деп аталган жаңы тиби экендигин боолголошкон. 11-март күнү Дүйнөлүк саламаттык сактоо уюму коронавирус боюнча дүйнөдө пандемия жарыялаган.

4
Белгилер:
кооптуулук, эпидемия, коронавирус, аймак, Кытай
Тема:
Кытайдагы жаңы типтеги коронавирус
Тема боюнча
Казакстан президентинин маалымат катчысынан COVID табылды
G20 өлкөлөрү коронавирус менен күрөшүүгө 21 миллиард доллар бөлөт