Өзбекстандын президенти Шавкат Мирзиёев

Мирзиёев өзбек элин Кыргызстан менен сый болууга чакырды

4100
(жаңыланган 18:58 07.06.2020)
31-майда Кадамжай районунун Чечме айылынын жашоочулары менен Өзбекстандын Сох районуна караштуу Чашма айылынын тургундарынын ортосунда чыр чыккан.

БИШКЕК, 7-июн. — Sputnik. Сохтогу окуя кыргыз эли менен болгон достук мамилеге залакасын тийгизбеши керек. Бул тууралуу Өзбекстандын президенти Шавкат Мирзиёев Фергана облусуна жасаган иш сапарында айтканын өлкө башчынын маалымат кызматы кабарлады.

Анда Мирзиёев өзбек элин Кыргызстан менен достук мамилени сактоого чакырган.

"Акыркы жылдары коңшу мамлекеттер менен көйгөй жараткан чек ара маселелерин чечип келе жатабыз. Сохтогу окуя кыргыз эли менен болгон достук мамилеге, жалпы планга залакасын тийгизбеши керек. Биз токтоо, чыдамкай жана боорукер болгонубуз жакшы. Кошуна — миң жылдык. Эки эл жакын жашап, бири-бирин сыйлап турушу зарыл", — деди президент.

Эске салсак, 31-майда Кадамжай районунун Чечме айылынын жашоочулары менен Өзбекстандын Сох районуна караштуу Чашма айылынын тургундарынын ортосунда чыр чыккан. Андан 25 кишинин жабыркаганы айтылган.

Кийинчерээк Кыргызстандын биринчи вице-премьери Кубатбек Боронов Өзбекстандын өкмөт башчысы Абдулла Арипов менен жолугушуп, чек арага жакын аймактагы элдин жаңжалын талкуулаган.

4100
Белгилер:
достук, Чыр-чатак, чек ара, Шавкат Мирзиеев, Өзбекстан, Кыргызстан
Тема:
Чечме айылындагы чек арадагы кыргыз-өзбек чатагы (15)
Тема боюнча
Чек ара кызматы интернетте тараган чуулуу видео боюнча түшүндүрмө берди
Соода борбору. Архив

Казакстан Өзбекстан менен чектеш жерине "Хоргос" сыяктуу борбор курмай болду

160
Борбордун аймагына өткөрүү пункту, тейлөө мекемеси, соода объектилеринин жайы жана транспорттук-логистикалык борбор салынмакчы.

БИШКЕК, 14-авг. — Sputnik. Казакстан Өзбекстан менен чектешкен жерде "Борбор Азия" аталышындагы эл аралык соода-экономикалык кызматташтык борборунун курулушун баштоо ниетин билдирди. Бул тууралуу Sputnik Казакстан маалымат агенттиги жазды.

Коңшу өлкөнүн Соода-сатык жана интеграция министрлигинин билдиришинче, долбоорду ишке ашыруу жакынкы күндөргө пландалган.

"Бул мамлекет башчыларынын деңгээлиндеги эки жыл мурунку келишим болчу. Казакстан курулушту мүмкүн болушунча эртерээк баштоого кызыкдар, бирок эпидемия ага тоскоол болууда", — деп айтылат маалыматта.

Соода борбору "Жибек Жолу" менен "Гишт Куприк" өткөрүү пункттарынын аймагында жайгашары айтылды.

Кытай Өзбекстанга Ош аркылуу транспорттук коридор ачты

Анын аймагына жаңы өткөрүү пункту, калк менен ишкерлерди тейлеген мекеме, соода объектилеринин борбору жана транспорттук-логистикалык борбор салынат.

Белгилей кетсек, Казакстандын Кытай менен чектешкен жерине дагы "Хоргос" аталышындагы ири базар бар.

160
Белгилер:
экономика, курулуш, соода борбору, Өзбекстан, Казакстан
Тема боюнча
Куш тумоосунан улам Казакстан Россия менен чек арасындагы көзөмөлдү күчөттү
Тажикстандын президенти Эмомали Рахмон. Архив

Рахмондун ордуна барам деген алгачкы талапкер эртең белгилүү болот

166
(жаңыланган 10:03 14.08.2020)
Коңшу өлкөдө ушул жылдын 11-октябрында президенттик шайлоо өтөт. Бирок ушул учурга чейин бир дагы талапкер баш көтөрө элек.

БИШКЕК, 14-авг. — Sputnik. Тажикстанда күздөгү президенттик шайлоого Агрардык партия өз талапкерин алып чыгуу үчүн кезексиз съездге чогулат. Бул тууралуу Sputnik Тажикстан агенттигине партия жетекчиси Рустам Латипов билдирди.

"Форум эртең, 15-августта, 130 делегаттын катышуусунда өтөт. Анда президенттик шайлоого катышуу жана талапкердин маселеси чечилет", — деди Латипов.

Рахмондун 33 жаштагы уулу тажик бийлигиндеги экинчи адам болуп калды

Белгилей кетсек, коңшу өлкөдө ушул жылдын 11-октябрында президенттик шайлоо болот. Бирок ушул учурга чейин бир дагы талапкер баш көтөрө элек. Учурдагы президент Эмомали Рахмон өлкөнү 1994-жылдан бери башкарып келет.

166
Белгилер:
талапкер, шайлоо, Тажикстан, Эмомали Рахмон
Тема боюнча
Лукашенконун атаандашы Тихановскаяны коопсуз жайга алып чыгып кетишкен
Жайлоодо мал кайтарып жүргөн киши. Архивдик сүрөт

Ишембиге карата аба ырайы

0
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

0
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды