Өзбекстандын желеги. Архивдик сүрөт

Өзбекстан бай жана билимдүү чет элдиктерди тартуу үчүн жаңы виза киргизет

210
(жаңыланган 16:08 21.06.2020)
Өзбекстандын мамлекет башчысы Шавкат Мирзиёев жакынкы эки айда долбоорду иштеп чыгууну тапшырган. Жаңы виза 2021-жылдын 1-январынан баштап киргизилет.

БИШКЕК, 21-июн. — Sputnik. Өзбекстандын бийлиги Uzbekistan — My Second Home ("Өзбекстан менин экинчи үйүм") программасынын алкагында иммиграциялык визанын жаңы түрүн киргизүүнү пландаштырып жатат. Бул тууралуу Sputnik Өзбекстан маалымат агенттиги жазды.

Бул мамлекетке кирешелүү жана жогорку академиялык билими бар чет өлкөлүктөрдү тартууга жардам берери айтылат. Ошондой эле республика алардын үй-бүлө мүчөлөрүнүн да келишин күтүп жатат.

"Коноктор Өзбекстанды өнүктүрүү үчүн архитектура, билим берүү, курулуш, дизайн жана маалыматтык технологиялар жаатындагы билимин жумшашы керек. Бул программаны президенттин 19-июнда кол койгон "Санитардык-эпидемиологиялык коопсуздук режиминин талаптарын так сактоо менен туризм тармагын өнүктүрүү боюнча кошумча чаралар жөнүндө" жарлыгынын алкагында ишке ашыруу пландалып жатат", — деп айтылат маалыматта.

Жаңы виза 2021-жылдын 1-январынан баштап киргизилет.

Өзбекстандын мамлекет башчысы Шавкат Мирзиёев жакынкы эки айда долбоорду иштеп чыгууну тапшырган.

210
Белгилер:
бийлик, киреше, долбоорлор, виза, Өзбекстан
Тема боюнча
Өзбекстан коронавирусту дарылоодо өзүнөн чыккан дарыны колдоно баштайт
Дарыядагы катер. Архив

Апамды башы жок көмдүк... Казакстанда депутаттын уулу аралашты делген окуянын чоо-жайы

1910
(жаңыланган 14:59 09.08.2020)
Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон.

БИШКЕК, 9-авг. — Sputnik. Казакстанда облустук маслихаттын депутаты Валерий Крыловдун 17 жаштагы уулу аял өлтүрдү деп шектелип, камакка алынды. Бул тууралуу Sputnik Казакстан кабарлады.

Каргашалуу окуя 6-июнь күнү саат 22:15тер чамасында Уральск шаарындагы Чаган суусунда болгон. Анда Чугун көпүрөсүнүн жанында катер сууда сүзүп жүргөн аялды сүзүп, башын жана колун үзүп кеткен. Кылмышка шектүү эки айга камалды.

Көз жумган аялдын уулунун айтымында, ал апасынын сөөгүн башы жок эле жерге берген. Анткени суучулдар сөөктүн айрым бөлүктөрүн таппай коюшкан.

"Апамдын курбусу сууга түшкүсү келбей, белинен эле кириптир. Апам болсо алысыраак жакка сүзүп кетиптир. Бир убакта фарасы күйбөгөн катер пайда болгонун айтты. Курбусу апамды жээке чакырыш үчүн кыйкырып, колун булгаптыр. Бирок ага жетпей катер бир нерсени сүзгөн үн угулган. Апамдын сөөгүнүн бөлүктөрүн суудан капка чогултуп алып чыгышты. Катер дароо кетип калган экен", — деди уулу.

Көз жумган аялдын бир тууган эжесинин айтымында, кайыкта шектүү менен бирге шаардагы белгилүү ишкердин кызы да болгон. Ага оор кылмышты жашырып койгон деген айып тагылган. Бирок маркумдун тууганы билдиргендей, ал кыз Лондонго кетиш үчүн виза ачтыруу аракетин көрүүдө.

Оор эмес кылмыш жасаган кыргызстандыктар кандай түзөтүлөт. Видео

Облустук маслихаттын депутаты Валерий Крылов ЖМКларга уулу кармалганын айтып, бирок анын күнөөсү жок деп эсептей турганын билдирген.

"Жээкте кайыктар көп болчу. Бардыгы экспертиза кылынып, тергөө жүрүп жатат. Тергөөчүлөр күнөөнү балама артып жатышат, бирок эч кандай далил жок. Бул иш аягына чыгат деп үмүттөнөм, ошондо гана баары ачыкталат. Менин уулум күнөөлүү эмес", — деди Крылов.

Депутаттын айтымында, шектүү 48 саатка камалган. Ал эксперттердин уулунун катеринен кан табышты деген маалыматты төгүндөдү.

1910
Белгилер:
Суу, кылмыш, аял, катер, кырсык, Казакстан
Тема боюнча
Казакстандын саламаттык сактоо министринин орун басарынын эмнеге кармалганы айтылды
Кыз Түштүк Кореянын желегин жанында. Архив

Түштүк Кореяда депутат кыз кыска кийингени үчүн талоондо калды. Сүрөт

479
(жаңыланган 11:47 09.08.2020)
Сынга карабай жаш депутат парламенттеги салттуу кийинүү эрежесин өзгөртүүнү каалаган аракетин улантарын айткан.

БИШКЕК, 9-авг. — Sputnik. Корея Республикасынын Улуттук жыйынынын (парламент) жаш депутаты Рю Хочжон отурумга кыска көйнөк кийип келгени үчүн коомчулуктун сынына кабылды. Бул тууралуу Yonhap басылмасы жазды.

28 жаштагы Рю Хочжон айым парламенттеги эң жаш эл өкүлү. Анын парламентке кыска көйнөкчөн келгени мыйзам чыгаруучулар кандай кийиниши керектиги тууралуу талашка жем таштаган.

​Facebook колдонуучулардын бири: "Депутат айым катышуучулардан алкоголдук суусундуктун акысын алуу үчүн келгендерге окшошуп калыптыр", - деп жазган. Көпчүлүк колдонуучулар кыздын кыска көйнөгүн жактырышкан эмес.

Депутатты парламентке алып келген саясий партия окуя боюнча үн катып, атайын билдирүү тараткан. Анда сын аялдарга карата басмырлоо (дискриминация) болуп саналары айтылган.

Жаш депутат Бешимбаева: менин ордумда эркек болсо, мамиле башкача болмоктур

Рю Хочжон өзүнүн бул кадамын парламенттеги салттуу кийинүү эрежесин өзгөртүү ниетинде жасаганы менен түшүндүрүп, өзгөчөлөнгөн кийинүү аракетин улантарын билдирген.

479
Белгилер:
сын, парламент, Түштүк Корея
Тема боюнча
Түштүк Корея Кыргызстанга COVID менен күрөшүүдө финансылык жардам берет
Президент Сооронбай Жээнбеков белоруссиялык кесиптеши Александр Лукашенко менен. Архивдик сүрөт

Жээнбеков Лукашенкону кайрадан президент болуп шайланышы менен куттуктады

0
(жаңыланган 17:26 10.08.2020)
Жээнбеков Александр Лукашенкого бекем ден соолук, ишине ийгилик, ал эми белорус элине тынчтык жана өнүгүү каалады.

БИШКЕК, 10-авг. — Sputnik. Президент Сооронбай Жээнбеков белоруссиялык кесиптеши Александр Лукашенкону кайрадан өлкө башчы болуп келиши менен куттуктады. Бул тууралуу президенттин маалымат кызматынан билдиришти.

"Сиздин мол тажрыйбаңыз жана кесипкөйлүгүңүз мындан ары дагы элдин турмушун жакшыртып, мамлекеттин экономикалык жана саясий өсүп-өнүгүшүнө алып келет деп ишенем. Достукка жана ишенимге негизделген кыргыз-белорус мамилелери мындан ары дагы бекемделерине көзүм жетет", — деди Жээнбеков.

38 жашта. Лукашенкодон тизгин талашкан Тихановскаянын таржымалы

Жээнбеков Лукашенкого бекем ден соолук, ишине ийгилик, ал эми белорус элине тынчтык жана өнүгүү каалады.

Эске салсак, кечээ Белоруссияда мамлекет башчыны тандашты. Анда Александр Лукашенко 80,23 пайыз менен атаандаштарын жеңип алды

0
Белгилер:
куттуктоо, жеңиш, шайлоо, Александр Лукашенко, Сооронбай Жээнбеков
Тема боюнча
Лукашенко: митингге чыккандарды чет мамлекеттен туруп көзөмөлдөшкөн
Лукашенко Данияр Үсөновго окшош киши менен жолукту. Сүрөт