Окуучулардын рюкзактары. Архив

Өзбекстанда балдар 14-сентябрдан тарта мектепке барып, окуу башталат

511
(жаңыланган 18:49 29.08.2020)
Элдик билим берүү министрлиги окутуу кандай формада болушуна ата-энелерден жооп алуу үчүн сурамжылоо жүргүзгөндө 5,5 миллион адам катышкан.

БИШКЕК, 29-авг. — Sputnik. Быйыл Өзбекстанда мектептер 14-сентябрда окуучуларды кабыл алып, билим берүү процесси мурдагысындай уланат.  Бул тууралуу Sputnik Өзбекстан агенттиги билдирди.

Маалыматка ылайык, президент Шавкат Мирзиёев билим берүү мекемелеринин окуу жылына даярдыгы тууралуу онлайн кеңешме өткөрүп, бир катар чечимдер кабыл алынган.

Күндө окушат! 1-класска барчу балдардын ата-энелери үчүн 10 суроого жооп

Буга чейин коңшу өлкөнүн Элдик билим берүү министрлиги окутуу кандай формада болушуна ата-энелерден жооп алуу үчүн сурамжылоо жүргүзүп, ага 5,5 миллион адам катышкан. Натыйжада алардын 76 пайызы окуу кадимкидей эле мектепте өтүшүн кааласа, 24 пайызы телесабактар аркылуу дистанттык түрдө улантууга макул экенин билдирген.

Ошондой эле дүйнөдөгү кырдаалга дагы баам салышканы айтылат. БУУнун баш катчысы Антониу Гутерриш билим берүү процессин токтотуу келечекке өтө терс таасир этерин билдиргени эске алынган.

Жыйынтыгында өзбек бийлиги салттык да, дистанттык да формада окуу процесстерин уюштуруу чечими кабыл алынган.

10%дан көп албагыла! Казак өкмөтү студенттерге жеңилдик берүүнү сунуштады

Мирзиёев Элдик билим берүү министрлигине калктын пикирин эске алып окууну 14-сентябрдан тарта баштоону тапшырды. Бирок мектептерди ачуу боюнча ар аймакта жергиликтүү кеңештин депутаттары эпидемиологиялык кырдаалды анализдеп чечим чыгарат. Кырдаал начар болсо дистанттык түрдө окушат.

Окуу башталгандан кийин санитардык нормалар так сакталышы талап кылынат. Ар бир мектепке Улуттук гвардиянын жана милиция кызматкерлери бекитилет. Алар тартипти жана карантиндик талаптардын аткарылышын камсыздайт. Жергиликтүү бейтапканадан бир медик барып балдардын ден соолугуна байкоо салып турат. Балдар өздөрү COVID-19 менен оорубаганы менен вирусту ташып жүрүүчү болушу мүмкүн. Мындай учурда мугалимдерге жана үй-бүлөсүнө кооптуулук жаратат.

Мектептерди коргонуу жана дезинфекциялоо каражаттары менен камсыздоо милдети хокимдерге жүктөлдү.

511
Белгилер:
окутуу, Шавкат Мирзиеев, мектеп, Өзбекстан
Тема боюнча
Бир да бала көңүл сыртында калбасын! Министр мугалимдерге кайрылды
1-класстын окуучуларын мектепке жана үйгө ташуу каралууда
Россиянын Башкыртстан республикасында жана Оренбург облусунда кармалып турган кыргызстандыктар

Казакстан Россиядагы кыргызстандыктарга "жашыл коридор" ачууга макул болду

211
(жаңыланган 16:37 23.09.2020)
ТИМден билдиришкендей, коридор мурдагыдай эле бир гана жолу өтүп кетүү үчүн ачылат дагы, Россия-Казакстан чек арасы мурдагыдай эле жабык турат.

БИШКЕК, 23-сен. — Sputnik. Казакстан Россиянын Башкыртстан республикасында жана Оренбург облусунда кармалып турган кыргызстандыктарды автобус менен алып өтүү үчүн дагы бир ирет "жашыл коридор" ачып бермей болду. Бул тууралуу КРдин Тышкы иштер министрлигинен билдиришти.

Маалыматка караганда, ушул тапта Кыргызстандын Россиядагы элчилигинин кызматкерлери Башкыртстандагы кыргыз жарандарын Соль-Илецк шаарына жеткирүү менен алектенүүдө. Алар чек арадан өткөн соң автобустарга отургузулуп, мекени тарапты көздөй жол тартат.

"Чогулган элдин саны өтө көп болгондуктан, кыргыз-казак чек арасын өтүү жана Кыргызстанды көздөй жөнөтүү процесси 24-25-сентябрь күндөрү эки этап менен өтөт", — деп айтылат билдирүүдө.

ТИМден билдиришкендей, коридор бир гана жолу өтүп кетүү үчүн ачылат, Россия-Казакстан чек арасы мурдагыдай эле жабык турат.

22 миң рубль. Москва — Бишкек каттамына авиабилеттердин октябрдагы баасы айтылды

Эске салсак, буга чейин Россия менен Казакстандын чек араларына жакын аймакта 3 200дөн ашык кыргызстандык мекенине кетүү үчүн чогулуп турганы кабарланган.

211
Белгилер:
автобус, пандемия, карантин, чек ара, Россия, Казакстан, Кыргызстан
Тема боюнча
Россияда мекендештерди чек арадан өткөрөм деп алдап кеткен шылуун изделүүдө
Лаборатория кызматкерлери. Архив

Казакстан коронавируска каршы вакцина чыгарып, ДССУда талапкер болуп катталды

131
(жаңыланган 21:13 22.09.2020)
Азыркы тапта Дүйнөлүк саламаттык сактоо уюмунун тизмесине Казакстандын COVID-19га каршы төрт вакцинасы катталганы айтылат.

БИШКЕК, 22-сен. — Sputnik. Казакстан коронавируска каршы колдонулуучу вакцина иштеп чыгып, Дүйнөлүк саламаттык сактоо уюмуна талапкер катары каттады. Бул тууралуу Sputnik Казакстан агенттиги билдирди.

Аталган препарат ийнесиз колдонулуп, мурунга чачыла турганы белгиленет.

Иштеп чыгуу процессине катышып жаткан казакстандык профессор Кайсар Табынов учурда вакцина жаныбарларга сыналып жатканын билдирген.

Россия Кыргызстанга коронавируска каршы вакцина жөнөтүүнү көздөп жатат

Азыркы тапта Дүйнөлүк саламаттык сактоо уюмунун тизмесине Казакстандын COVID-19га каршы төрт вакцинасы катталганы айтылат. Анын ичинен үчөө клиникага чейинки сыноо стадиясында турса, бирөө ыктыярчыларга сынала баштаган.

131
Белгилер:
Дүйнөлүк саламаттыкты сактоо уюму, Казакстан, вакцина
Тема:
Дүйнөгө жайылган коронавирус
Тема боюнча
Кыргызстанда COVID-19га каршы вакцинаны биринчи кимдер алат
ДССУ COVID-19га каршы чыгарылып жаткан вакциналардын санын айтты
Бир рубль монетасы жана долларлык монета жана купюрасы. Архив

Россияда доллардын баасы кескин кымбаттап кетти

0
(жаңыланган 00:14 24.09.2020)
Доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

БИШКЕК, 23-сен. — Sputnik. Россияда апрель айынан бери биринчи жолу доллар 77 рублге чыгып, кескин кымбаттады. Бул тууралуу РИА Новости жазды.

Москва биржасынын маалыматына караганда, бир доллар Бишкек убактысы боюнча саат 20:24тө 77,07 рублди түздү (96 тыйынга кымбаттады). Ал эми евро 80 тыйынга кымбаттап, 89,93 рубль болду.

Белгилей кетсек, доллардын сомго карата баасы сезилерлик өзгөргөн жок. Анткен менен Россия акчасынын наркы түшүп кетиши, доллардын Кыргызстандагы баасына таасир этип койгон учурлар көп.

0
Белгилер:
баа, доллар, Россия
Тема боюнча
Россияда евронун баасы рекорддук көрсөткүчкө жетти. Кыргызстанда абал кандай?