Аял банкоматты колдонуп жатат. Архив

Чек албай кетип... Казакстандык аял жарым миллион теңгеден айрылып кала жаздады

300
(жаңыланган 20:30 06.09.2020)
Экибастуздук аял акчасын терминалга салган бойдон чек албай басып кеткен. Аппарат кайра чыгарып койгон каражатты артында турган келин алып койгон.

БИШКЕК, 6-сен. — Sputnik. Казакстандын Экибастуз шаарынын тургуну терминал аркылуу банктык эсебин жарым миллион теңгеге толуктап, бирок чек албай кетип калган. Жыйынтыгында каражат анын эсебине түшпөй калганын жергиликтүү полиция департаментине таянып Sputnik Казакстан агенттиги жазды.

2-сентябрь күнү полицияга Экибастуз шаарында жашаган аял кайрылган. Ал терминалга салган акчасын башка бирөө алып койгонун айтып даттанган.

Кудум кинодогудай! 20 секундада дүкөндөгү банкоматты уурдап кеткен видео

"Көрсө аял соода борборундагы терминалга 550 миң теңге (102 миң сомдун тегереги) жүктөп, бирок анын кабыл алынган же алынбагандыгы тууралуу чек бериле электе кетип калган. Банктан эсеби толукталгандыгы тууралуу СМС билдирүү келбеген соң кайра дүкөнгө кайткан. Ал жерде турган адамдар аял кетип калары менен аппарат акчаны кайтарып берип, аны кезек күтүп турган башка келин алып кеткенин айтышкан", — деп айтылат маалыматта.

Бирок бейтааныш келин каражатты алып кетип калбай, жакын жердеги полиция бөлүмүнө таштап койгон. Ошентип акча толугу менен өз кожойкесинин колуна тийген. 

300
Белгилер:
чек, аял, акча, терминал, Казакстан
Тема боюнча
Банктык картаны кайсы жакта колдонуу кооптуу? Адистин кеңеши
Эркеч-Там көзөмөл жүргүзүү бекети. Архивдик сүрөт

14-июнда "Торугарт" жана "Эркеч-Там" көзөмөл-өткөрүү бекеттери иштебейт

42
(жаңыланган 10:58 11.06.2021)
Учурда аталган пунктулар өзгөчө алгоритм менен иштеп жатат. Тагыраагы, бул жерлерден Кытайдан Кыргызстанга алып келе жаткан товарлар гана өткөрүлөт.

БИШКЕК, 11-июн. — Sputnik. Кыргыз-кытай чек арасындагы "Торугарт" жана "Эркеч-Там" көзөмөл жүргүзүү бекеттери жүк ташуучу унаалар үчүн 14-июнь күнү жабылат. Бул тууралуу УКМКнын Чек ара кызматынан билдиришти.

Маалыматка караганда, бул күндөрү Кытайда "Ажыдаарлар кайыгы фестивалы (күрүч майрамы)" белгиленет.

Аталган чек ара пунктулары кайра эле 15-июнь күнү ишин жандантат.

Эске салсак, учурда "Торугарт" жана "Эркеч-Там" көзөмөл жүргүзүү бекеттери өзгөчө алгоритм менен иштеп жатат. Тагыраагы, бул жерлерден Кытайдан Кыргызстанга алып келе жаткан товарлар гана өткөрүлөт.

42
Белгилер:
чектөө, майрам, чек ара, Кытай, Кыргызстан
Тема боюнча
Кыргызстанга кирүүнүн эрежеси. Кандай документтер талап кылынат?
Тажикстандын президенти Эмомали Рахмон өзбек лидери Шавкат Мирзиёевди I даражадагы Зарринтадж (Алтын таажы) ордени менен сыйлады

Рахмон Мирзиёевди "Алтын таажы" менен сыйлады. Сүрөт

201
(жаңыланган 10:42 11.06.2021)
"Алтын таажы" ордени демократиялык өзгөрүүлөргө, экономикалык реформаларга жана илим, маданият жаатындагы өсүп-өнүгүүлөргө зор салым кошкон коомдук жана саясий ишмерлерге ыйгарылат.

БИШКЕК, 11-июн. — Sputnik. Тажикстандын президенти Эмомали Рахмон өзбек лидери Шавкат Мирзиёевди I даражадагы "Зарринтадж" ("Алтын таажы") ордени менен сыйлады. Бул тууралуу Өзбекстан президентинин расмий сайтында кабарланды.

  • Президента Таджикистан Эмомали Рахмон во время награждения президента Узбекистана Шавката Мирзиёева государственной наградой Таджикистана – орденом Зарринточ (Золотая корона) первой степени
    Тажикстандын президенти Эмомали Рахмон өзбек лидери Шавкат Мирзиёевди I даражадагы "Зарринтадж" ("Алтын таажы") ордени менен сыйлады
    © Фото / пресс-служба президента Узбекистана
  • Президента Таджикистан Эмомали Рахмон во время награждения президента Узбекистана Шавката Мирзиёева государственной наградой Таджикистана – орденом Зарринточ (Золотая корона) первой степени
    Сыйлык тапшыруу аземи кечээ, 10-июнь күнү, Душанбе шаарында өттү
    © Фото / пресс-служба президента Узбекистана
  • Президента Таджикистан Эмомали Рахмон во время награждения президента Узбекистана Шавката Мирзиёева государственной наградой Таджикистана – орденом Зарринточ (Золотая корона) первой степени
    Маалыматка караганда, Мирзиёев бул орденге эки өлкөнүн ортосундагы соода-экономикалык жана маданий-гуманитардык алакаларды бекемдегени үчүн татыган.
    © Фото / пресс-служба президента Узбекистана
1 / 3
© Фото / пресс-служба президента Узбекистана
Тажикстандын президенти Эмомали Рахмон өзбек лидери Шавкат Мирзиёевди I даражадагы "Зарринтадж" ("Алтын таажы") ордени менен сыйлады

Сыйлык тапшыруу аземи кечээ, 10-июнь күнү, Душанбе шаарында өттү. Маалыматка караганда, Мирзиёев бул орденге эки өлкөнүн ортосундагы соода-экономикалык жана маданий-гуманитардык алакаларды бекемдегени үчүн татыган.

Мындан 24 жыл мурун Тажикстандын президенти Эмомали Рахмон менен Бириккен тажик оппозициянын лидери Саид Абдулло Нури Бишкек шаарында сүйлөшүүлөрдү жүргүзүп, жарандык согушту токтотуу боюнча документтерге кол коюлган.
© Видео / Архивный фонд президента Кыргызской Республики
Sputnik Тажикстан агенттигинин жазганына караганда, "Алтын таажы" ордени демократиялык өзгөрүүлөргө, экономикалык реформаларга жана илим, маданият жаатындагы өсүп-өнүгүүлөргө зор салым кошкон коомдук жана саясий ишмерлерге ыйгарылат.

Эске салсак, Өзбекстандын президенти Шавкат Мирзиёев Душанбе шаарына 10-июнь күнү эки күндүк иш сапары менен барып, аны аэропорттон Эмомали Рахмон өзү тосуп алган. Өзбек президенти иш сапарынын алкагында өлкөнүн түндүгүнө чейин барып, Согди облусунун соода-экономикалык потенциалын талкуулай турганы айтылган болчу.

201
Белгилер:
сыйлык, Орден, Шавкат Мирзиеев, Эмомали Рахмон, Өзбекстан, Тажикстан
Тема боюнча
Рахмон куттуктоосунда Жапаровго ден соолук, кыргыз элине тынчтык тиледи

Жети секундда сулата чапты. UFC 263 мелдешинин урунттуу учурларынын видеосу

0
(жаңыланган 14:51 13.06.2021)
13-июнда эртең менен аралаш мушташ боюнча UFC 263 турнири жыйынтыкталды. Мелдеш кызыктуу кармаштар, нокауттар жана реванштар менен коштолду.

Башкы беттеште промоушендин орто салмактагы чемпиону Исраэль Адесанья менен италиялык Марвин Веттори кез келди. Бул турнирде Нейт Диас Леон Эдвардс менен мушташты.

Эң жеңил салмактын чемпиондук наамы үчүн Дейвесон Фигередо менен Брэндон Моренонун реванштык беттеши, аягында Фигередонун атаандашына көрсөткөн урмат-сыйы мелдешке өзүнчө көрк берди.

Экс-чемпион, дивизиондун лидери жеңилип, чемпиондук курду алдырганына карабай атаандашын асманга көкөлөткөнүн UFC Russia өзүнүн Instagram баракчасына чыгарды.

Посмотреть эту публикацию в Instagram

Публикация от UFC Russia (@ufcrussia)

Ал эми америкалык мушкер Терранс Маккини дебюттук таймашында атаандашы Мэтт Фреволду жети секундада эле жыга чапты. Ал мекендешинин ээгине удаасы менен эки кубаттуу сокку урганда ал жерге сулк кулаган. Ийгилигине кубанган мушкер так секирип жатып бутун кокустатып алды. Алып баруучу Маккининин буту тизесинен чыгып кеткенин айтты.

0
Белгилер:
реванш, нокаут, беттешүү, турнир, UFC
Тема боюнча
Баш көтөртпөй... Абдыкааров OPEN FC Гран-при мелдешинин финалына чыккан видео