Өзбекстан президенти Шавкат Мирзиёевдин тун кызы Саида. Архив

Өзбекстан президенти Мирзиёевдин кызы уулдуу болуп, ага таятасынын атын койду

522
(жаңыланган 00:10 12.09.2020)
Президенттин кызы Саида Мирзиёева интернет колдонуучуларга ымыркайдын сүрөтүн көрсөтүп, ойлорун кошо жазган.

БИШКЕК, 11-сен. — Sputnik. Өзбекстан президенти Шавкат Мирзиёевдин тун кызы Саида уулдуу болуп, ага таятасынын атын койду. Бул тууралуу ал Facebook тармагындагы аккаунтуна жазды.

Мирзиёевдин кызы балдарынын ийгилигине кубанып, сүрөттөрүн жарыялады

"Канчалык оор болбосун жашоо улана берет. Адамдар үйлөнүп, балдар төрөлөт. Биздин үй-бүлөгө да баш кошулуп, кичинекей Шавкатик, биздин күнүбүз төрөлдү. Аны менен көптөн бери тааныш болбосок да, сүйүүбүз абдан күч. 24 саат бою биргебиз. Бул кандай экенин энелер билет", – деп жазган Мирзиёева.

Эске салсак, президенттин улуу кызы Саида Мирзиёева Ойбек Турсуновго турмушка чыккан. Алардын Миромон аттуу уулу, Саодатхон аттуу кызы бар.

522
Белгилер:
небере, Саида Мирзиёева, Шавкат Мирзиеев, Өзбекстан
Тема боюнча
Мирзиёевдин жубайы Зироатхон Хошимова же Ойхон тууралуу 7 факты
Өрттөнгөн унаа. Архивдик сүрөт

Ташкентте 19 жаштагы кыз үйлөнбөй койгон жигитинин машинасын өрттөп салды

178
(жаңыланган 19:13 20.09.2020)
Тергөө учурунда сүйүшкөн жаштар чынында эле бир нече убакыт кыз-жигит болуп сүйлөшүп жүрүшкөнү аныкталган.

БИШКЕК, 20-сен. — Sputnik. Ташкенттин Үчтепа районунда үйлөнүүгө макул болбой койгон жигиттин автоунаасын сүйгөн кызы өрттөп жиберди. Бул туурасында Sputnik Өзбекстан агенттиги укук коргоо органдарына таянуу менен билдирди.

Маалыматка ылайык, кечээ, 19-сентябрда, райондук милиция бөлүмүнө Ситора Г. аттуу 19 жаштагы кыз Lacetti Jentra үлгүсүндөгү автоунааны өрттөп жибергени туурасында билдирүү түшкөн.

Посмотреть эту публикацию в Instagram

Публикация от IIBB / ГУВД (@iibb_uz)

Аталган машина кыздын сүйгөнү Асилбек Н. аттуу 23 жаштагы жигитке таандык болгон.

Жашоону эмнеден баштоону билбей турам. Күйөөсү башкага кетип калган келиндин каты

Тергөө учурунда жаштар чынында эле бир нече убакыт кыз-жигит болуп сүйлөшүп жүрүшкөнү аныкталган.

"Жигит кызга үйлөнүүгө убада берген, бирок кийинчерээк сөзүнө турбай кетип калган. Буга ызаланган кыз анын машинасынын ичи-тышына бензин чачып өрттөп жибирген", — деп айтышкан милициядан.

Учурда жагдайдын чоо-жайы териштирилип жатат.

178
Белгилер:
убада, өрт, машина, жигит, кыз, Ташкент
Тема боюнча
Кыз талашкан. Бир жигитти алтоолоп сабаган Оштогу окуянын чоо-жайы
Өзбекстандын вице-премьери Уктам Барноев. Архивдик сүрөт

COVID жуктуруп алган Өзбекстандын вице-премьери каза болду

265
(жаңыланган 16:21 20.09.2020)
Маркум 57 жашта болчу, өкмөттө өлкөнүн агрардык жана азык-түлүк тармагын тескеген жетекчилик кызматта иштеп келген.

БИШКЕК, 20-сен. — Sputnik. Өзбекстандын вице-премьери Уктам Барноев коронавирустан каза болду. Бул туурасында Sputnik Өзбекстан агенттиги жазды. 

Маалыматты Бухара облусунун акмимчилиги тасыктаганы айтылат.

Барноев 57 жашта болчу, өкмөттө өлкөнүн агрардык жана азык-түлүк тармагын тескеп келген.

Вице-премьер июль айынын соңунда COVID-19 жуктуруп алганы аныкталып, ошондон бери жеке менчик клиникада дарыланып жаткан.

Өзбекстанда карантин жумшартылгандан бери COVID жуктургандар көбөйдү

Айрым тастыкталбаган маалыматка караганда, Барноев өлүмүнүн алдында Германиянын ооруканаларына да барып дарыланган.

19-сентябрь күнү кечинде алынган расмий маалымат боюнча, Өзбекстанда коронавируска чалдыккандардын саны 50 872 адамга жетти. Анын ичинен 47 121 адам айыгып чыкты. Ал эми оорунун кесепетинен 425 адам каза болду.

265
Белгилер:
оору, өлүм, коронавирус, премьер-министр, Өзбекстан
Тема:
Дүйнөгө жайылган коронавирус
Тема боюнча
Нурсултан Назарбаевдин небереси Айсултан каза болду
Өлгөндөр миллионго жетип... БУУ COVID көзөмөлдөн чыгып бара жатканын айтты
Президент Сооронбай Жээнбеков аэропортто учактан чыгууда. Архивдик сүрөт

Россия өкмөтү: Жээнбековдун Россияга болчу иш сапарына кам көрүп жатабыз

0
(жаңыланган 17:37 22.09.2020)
Бишкекте Кыргызстан менен Россиянын өкмөттөр аралык комиссиясынын соода-экономикалык, илимий-техникалык жана гуманитардык кызматташуу боюнча 22-жыйыны өттү.

БИШКЕК, 22-сен. — Sputnik. Россия өкмөтү Кыргызстандын президенти Сооронбай Жээнбековдун РФке болчу иш сапарына кам көрүүдө. Бул тууралуу Россиянын өкмөт башчысынын орун басары Алексей Оверчук билдирди. 

Сопредседатель комиссии с российской стороны, заместитель председателя правительства РФ Алексей Оверчук на заседании межправительственной комиссии в Бишкеке. 22 сентября 2020 года
© Sputnik / Табылды Кадырбеков
Россиянын өкмөт башчысынын орун басары Алексей Оверчук

Белгилей кетсек, Бишкекте Кыргызстан менен Россиянын өкмөттөр аралык комиссиясынын соода-экономикалык, илимий-техникалык жана гуманитардык кызматташуу боюнча 22-жыйыны өттү.

Оверчук жогорку деңгээлдеги сүйлөшүүлөр эки өлкөнүн ортосундагы кызматташтыкты мындан дагы бекемдей турганына ишенерин айтты.

Жээнбеков быйыл Венгрияга барат. ТИМ Будапештте жолугушууларды өткөрүп келди

Мындан тышкары, Кыргызстандын экономикалык көрсөткүчтөрүнө дагы токтолду.

"Акыркы беш жыл ичинде Кыргызстандын Россияга товар экспорттоосу 4,5 эсеге өстү. Бул Кыргызстандын ЕАЭБге кирүүдөн пайда көрүп жатканынан кабар берет", — деди өкмөт мүчөсү.

Белгилей кетсек, Оверчук бүгүн КР президенти Сооронбай Жээнбеков, премьер-министр Кубатбек Боронов жана вице-премьер Эркин Асрандиев менен кезигип, бир катар маселелерди талкуулады.

0
Белгилер:
кызматташтык, экономика, Кыргызстан, Россия
Тема боюнча
Дүйнө чарчады. Лавров БУУнун Башкы Ассамблеясынын сессиясында сүйлөдү
22 миң рубль. Москва — Бишкек каттамына авиабилеттердин октябрдагы баасы айтылды
КР — РФ эриш-аркак жылын жыйынтыктоону 2021-жылга жылдыруу сунушталды