АКШ долларлык банкноталар. Архив

Кыргызстанга 180 миң доллар киргизүүгө аракет кылган жаран чек арадан кармалды

257
(жаңыланган 09:50 24.09.2020)
Өзбекстандан атайын уруксат кагазы жок 70 миллион сумга чейин (6,8 миң доллардын тегереги) чыгарып кетүүгө болот.

БИШКЕК, 24-сен. — Sputnik. Өзбекстандын Мамлекеттик коопсуздук кызматы 180 миң доллар акча менен чек арадагы тосмодон ашып өтүп Кыргызстанга кирүүгө аракет кылган жаранды кармады. Бул туурасында Sputnik Өзбекстан агенттиги маалымдады.

Аталган кишиге кылмыш иши козголуп, тергөө амалдары жүрүп жатат. Бул ишке тиешеси бар башка адамдар да аныкталууда.

Миллиарддап саналат. Бир жылда Кыргызстандан канча акча чыгарылганы айтылды

Өзбекстандын мыйзамдары боюнча, атайын уруксат кагазы жок өлкөдөн 70 миллион сумга чейин (6,8 миң доллардын тегереги) чыгарып кетсе болот. Ал эми 100 миллион сумга (болжол менен 9,7 миң доллар) чейин алып чыгууну каалагандар милдеттүү түрдө декларация толтурушу керек.

Коңшу өлкөдө накталай акчаны аткезчилик жол менен алып чыгып кеткендер үчүн сегиз жылга эркинен ажыратуу жазасы каралган.

257
Белгилер:
Кыргызстан, чек ара, акча, кылмыш иши, Өзбекстан
Тема боюнча
Баткен: бажыдагы аткезчилик бюджетти канча чыгымга учуратканы айтылды
Бажы кызматы: декларациядан өтпөгөн акча контрабанда деп эсептелет
Бишкектеги темир жол бекетиндеги поезд. Архив

Кыргызстан Казакстан Россия темир жол каттамдарынын графиги түзүлдү

362
(жаңыланган 15:36 27.11.2020)
Эгер Республикалык штаб тийиштүү алгоритмдин негизинде иш алып барууга уруксат бере турган болсо өлкөдөгү ички каттамдар дагы жанданат.

БИШКЕК, 27-ноя. — Sputnik. Кыргызстан Россия жана Казакстандын темир жол администрациялары менен биргеликте 2021-жылдагы эл аралык каттамдарынын графигин түздү. Бул тууралуу "Кыргыз темир жолу" ишканасынан кабарлашты.

Ага ылайык поезддер төмөнкү график боюнча катташат:

  • Бишкек — Москва каттамы, жумасына эки ирет;
  • Бишкек — Казань каттамы, жумасына бир жолу;
  • Бишкек — Новосибирск — сегиз күндө бир жолу.
"Поезддер бул график боюнча коронавирус пандемиясына байланыштуу чектөөлөр үч өлкөдө тең алынгандан кийин каттай баштайт", — деп айтылат маалыматта.

Ошондой эле ишкана эгер Республикалык штаб тийиштүү алгоритмдин негизинде иш алып барууга уруксат бере турган болсо Бишкек — Кайыңды, Бишкек — Кара-Балта, Бишкек — Токмок ички каттамдарын дагы жанданта турганын кабарлады.

Эске салсак, эл аралык темир жол каттамдары 2020-жылдын 17-мартында убактылуу токтотулган. Ал эми ички каттамдарга 25-мартта чектөө киргизилген.

362
Белгилер:
билет, пандемия, алгоритм, Казакстан, Кыргызстан, Россия, темир жол
Тема боюнча
Кыргызстандын авиакомпаниялары Европа биримдигинин кара тизмесинен качан чыгат
Кара куурай плантациясы. Архивдик сүрөт

Өзбекстан кара куурай плантациясын иштетип, ал экспортко жөнөтүлөт

95
(жаңыланган 12:55 27.11.2020)
Жакынкы күндөрү сырьену кайра иштетүүчү завод жана лаборатория курулат. Даяр болгон продукция экспортко жөнөтүлөт.

БИШКЕК, 27-ноя. – Sputnik. Өзбекстандын Сырдарыя облусунда медициналык максатта кара куурай өстүрүлөт. Бул тууралуу Sputnik Өзбекстан жазды. 

Өлкөнүн Инвестиция жана соода министрлиги Melabis компаниясы менен кабыл алган меморандумга ылайык, биринчи жылы өсүмдүктү 500 гектар жерге тигүү пландалууда. Кийинки үч жылда аянты 3000 гектарга чейин кеңейет.

Маалыматта Борбордук Азиянын климаты кара куурай өстүрүүгө ылайыктуу экени, өсүмдүк пахтага караганда сууну аз иче турганы белгиленген.

Өнөр жай шартында иштетилген кара куурай курамында 0,1-0,2 пайыздан ашпаган тетрагидроканнабинолу бар даяр продуктуга айланат. Бул Дүйнөлүк саламаттык сактоо уюмунун шарттарына толук туура келет жана өсүмдүктү башка максатта колдонууга жол берилбейт. Иштетилген продукция экспортко жөнөтүлмөкчү.

Долбоорго 33 миллион доллар сарптоо пландалып жатат. Жакынкы аралыкта жогорку технологиялык завод жана сырьену кайра иштеткен лаборатория курулат. Анда 100 жумушчу орун түзүлөрү айтылды.

Үстүбүздөгү жылдын март айында Өзбекстандын президенти Шавкат Мирзиёев кара куурайды өнөр жай максатында иштетүү боюнча мыйзамга кол койгон.

95
Белгилер:
завод, кара куурай, Өзбекстан
Тема боюнча
Ысык-Көлдө "Мак-2020" операциясында 208 тонна кара куурай жок кылынды
Токтогулдагы үйлөрдүн биринен 101 кг кара куурай табылып, шектүү кармалды
Көчөдө бараткан маскачан адам. Архив

ДССУ: коронавирус пандемиясы жакын арада токтобойт

0
Адис элде иммунитеттин деңгээли жетиштүү болгондо гана пандемиянын мизи кайта турганын божомолдогон. Ошондой эле ДССУ коронавирустун вакцинасы жакын арада даяр болуп каларына үмүт артып жатканын кошумчалаган.

БИШКЕК, 1-дек. — Sputnik. Коронавирус пандемиясы жакынкы айларда токтойт деп күтүүнүн кажети жок. Бул тууралуу Дүйнөлүк саламаттык сактоо уюмунун Россиядагы өкүлү Мелита Вуйнович билдиргенин "Известия" басылмасы жазды.

"Коронавирус пандемиясы бир нече айда бүтө калчу нерсе эмес. Бирок аны жеңүүгө аракет кылышыбыз керек", — деген ал.

Вуйнович иммунитеттин деңгээли жетиштүү болгондо гана пандемиянын мизи кайта турганын божомолдогон. Ошондой эле ДССУ коронавирустун вакцинасы жакын арада даяр болуп каларына үмүт артып жатканын кошумчалаган.

"Коронавирус башка вирустар сыяктуу эч кайда кетпей турганына адамдардын көздөрү жетип, ага көнө баштаганда гана пандемия соңуна чыгат", — деген адис.

Ал аталган вирус менен жашоого көнүү зарылдыгына токтолуп, бирок ага баш ийбей күрөшүү керектигин белгилеген.

0
Белгилер:
оору, божомол, пандемия, коронавирус, Дүйнөлүк саламаттыкты сактоо уюму
Тема боюнча
ДССУ: COVID-19га кабылган бейтаптарды ремдесивир менен дарылоого болбойт
Россия менен ДССУ Кыргызстанга 3,5 млн. сомдук гумжардам берди