Душанбе шаарындагы шайлоо участогу

Тажикстанда президенттик шайлоо башталды. Анда 5 талапкер ат салышууда

396
(жаңыланган 10:20 11.10.2020)
Коңшу өлкөнүн жарандары бүгүн президентин шайлап жатышат. Учурдагы өлкө башчы Эмомали Рахмон мамлекетти 1994-жылдан бери башкарып келет.

БИШКЕК, 11-окт. — Sputnik. Тажикстанда президенттик шайлоо башталып, саат сегизде өлкөдө 3 414 добуш берүү участогу ачылды. Бул тууралуу Sputnik Тажикстан агенттиги жазды.

Тажикстандыктар кийинки башчысын беш талапкердин арасынан тандап жатышат. Алар: Көз карандысыз профсоюздар федерациясы, Жаштар биримдиги жана Элдик-демократиялык партиясынын атынан учурдагы президент Эмомали Рахмон, Агрардык партиянын атынан Рустам Латифзода, Социалдык партиянын атынан Абдухалим Гаффорзода, Экономикалык реформалар партиясынын атынан Рустам Рахматзода жана Коммунисттик партиянын талапкери Миродж Абдуллоев.

Кыргызстан менен Тажикстан жакын арада чек ара маселесин чечет

Эгемендүү Тажикстандын тарыхындагы алтынчы президенттик шайлоонун жүрүшүнө ЕККУ, КМШ жана ШКУ уюмдарынан келген эл аралык байкоочулар көз салып турат.

Бул жолку шайлоону Тажикстандын Борбордук шайлоо комиссиясы убактысынан бир ай мурда белгилеген. Анда дүйнөнүн 29 өлкөсүндө жүргөн тажикстандыктар дагы добуш бере алат.

396
Белгилер:
шайлоо, президент, Тажикстан
Тема боюнча
Тажикстанды Рахмондун ордуна башкарам деген алгачкы талапкер белгилүү болду
Кыргызстандын тышкы иштер министри Руслан Казакбаев

Тышкы иштер министри Руслан Казакбаев Казакстанга барды

230
(жаңыланган 19:54 28.10.2020)
Жумушчу сапардын алкагында Руслан Казакбаев Казакстандын президенти Касым-Жомарт Токаев жана кесиптеши Мухтар Тлеуберди менен жолугат.

БИШКЕК, 28-окт. – Sputnik. Кыргызстандын тышкы иштер министри Руслан Казакбаев бүгүн, 28-октябрда, Казакстанга жумушчу сапары менен барды.

Сапардын алкагында Руслан Казакбаевдин Казакстандын президенти Касым-Жомарт Токаев жана кесиптеши Мухтар Тлеуберди менен жолугушуусу күтүлүүдө.

Мындан сырткары, Казакбаев Казакстандын бир катар мамлекеттик органдарынын жана коммерциялык уюмдарынын жетекчилери менен баарлашат.

“Эки тараптуу жолугушуу учурунда саясат, соода-экономикалык, маданий-гуманитардык, коопсуздук сферасы жана башка кызыкчылыктар талкууланат”, — деп айтылат маалыматта.

Эске салсак, буга чейин Руслан Казакбаев Россияга барып кесиптеши Сергей Лавров менен баарлашкан.

230
Белгилер:
Тышкы иштер министрлиги, Казакстан, Кыргызстан
Тема боюнча
Өкмөт Россиядан COVID-19га каршы вакцинаны алып келүү шартын караштырууда
ТИМ жетекчиси Казакбаев: өлкөдөгү башаламандыкка сырткы күчтөр да аралашты
ЕАЭБ мамлекеттеринин желектери. Архивдик сүрөт

Кытай ЕАЭБ менен соода-сатыкты күчөтүүгө даяр экенин билдирди

80
(жаңыланган 16:17 27.10.2020)
Кытай аткаминеринин айтымында, КЭР Евразия регионунун гүлдөгөн келечеги үчүн ЕАЭБдин бардык мамлекеттери менен иштешүүгө макул.

БИШКЕК, 27-окт. — Sputnik. Кытай ЕАЭБ менен соода-сатык иштерин мындан дагы кеңейтүүгө даяр. Бул тууралуу Кытай Эл Республикасынын коммерция министринин орун басары Ван Шоувэнь билдирди.

Ал "Евразия экономикалык бирикмеси менен "Бир алкак — бир жол" долбоорунун байланышы" видеофорумунда сүйлөдү. Шоувэндин билдирүүсү форумдун Telegram-каналына жарыяланды. 

"Кытай ЕАЭБ мамлекеттери менен эки тараптуу соода-сатык иштерин жүргүзүүгө кызыкдар. Ошондой эле эки жактуу инвестиция, өндүрүш, курулуш, инфраструктура, кызмат көрсөтүү тармактарында алаканы күчөтүү керек", — деди Шоувэнь.

Сазыков: маркалоонун максаты — ЕАЭБге товарды тоскоолдуксуз экспорттоо

Анын пикиринде, бул нерсе Кытай — Европа алкагынын ролун бекемдейт. Кытай — Европа темир жол долбоорунун институттук механизмин киргизүү жолун талкуулап, бардык тараптардын ыңгайына карап иш баштоо зарыл.

Ошондой эле ал Кытай Евразия регионунун гүлдөгөн келечеги үчүн ЕАЭБдин бардык мамлекеттери менен иштешүүгө каршы эмес экенин кошумчалады.

80
Белгилер:
соода, экономика, Кытай, Евразиялык экономикалык биримдик
Тема боюнча
ЕЭК: мамлекеттер өзү менен өзү боло берсе, экономикасы чоң жоготууга учурайт
Министр: ЕАЭБ өлкөлөрү бир катар товарлардын экспортун көбөйттү
Министрлер ЕАЭБ менен Кытай кызматташтыгын талкуулайт
Бишкек шаарынын мэринин милдетин аткаруучу болуп Балбак Түлөбаев. Архив

Кайрадан орун алмашуу. Балбак Түлөбаев жаңы вицелерди дайындады

58
(жаңыланган 10:53 29.10.2020)
Кадрдык өзгөрүүлөр тууралуу тиешелүү токтомго шаарга жаңы эле башчынын милдетин аткаруучу болуп келген Балбак Түлөбаев кол койгон.

БИШКЕК, 29-окт. — Sputnik. Бишкек мэриясында кайрадан кадрдык алмашуу болуп, Алмаз Бакетаев биринчи вице-мэрликке кайтып келди. Бул туурасында муниципалитеттин маалымат кызматынан кабарлашты.

  • Алмаз Бакетаев биринчи вице-мэрликке кайтып келди
    Алмаз Бакетаев биринчи вице-мэрликке кайтып келди
    © Фото / Республиканский штаб КР по борьбе с COVID-19
  • Социалдык суроолор боюнча вице-мэрликке Айжан Чыныбаева дайындалды
    Социалдык суроолор боюнча вице-мэрликке Айжан Чыныбаева дайындалды
    © Sputnik / Табылды Кадырбеков
1 / 2
© Фото / Республиканский штаб КР по борьбе с COVID-19
Алмаз Бакетаев биринчи вице-мэрликке кайтып келди

Анын ордундагы Нариман Түлеев иштен бошотулган.

Бишкек мэриясынын алдында кайрадан митинг. Сүрөт, видео

Ал эми социалдык суроолор боюнча вице-мэрликке Айжан Чыныбаева дайындалды.

Тиешелүү токтомдорго шаарга жаңы эле башчылыктын милдетин аткаруучу болуп келген Балбак Түлөбаев кол койгону белгилүү болду.

Калаа башчысынын орду 5-6-октябрдагы элдик толкундоо болгондон бери талашта болчу. Азиз Суракматов өз каалоосу менен арызын жазып кеткенден кийин анын ордуна биринчи вице-мэр болуп дайындалган Нариман Түлеев келген. Бирок анын бул кызматка келишине нааразы болгон эл мэриянын алдында митинг өткөрүп, жыйынтыгында Түлеев кетип, мэрдин милдетин вице-мэр Алмаз Бакетаев аткара баштаган.

Бирок абал тынчыбагандыктан, Нариман Түлеев кызматтан кетүү боюнча арызын кайра кайтарып алган. Бишкек шаарынын мэриясы калаа жетекчисинин милдетин мыйзамдуу түрдө аткаруучу болуп вице-мэр Нариман Түлеев эсептеле турганын билдирген.

Ага нааразы болгон топ 26-октябрда мэриянын алдында кайрадан митинг өткөргөн.

Көп өтпөй учурдагы бийлик мэриянын мурдагы аппарат жетекчиси Балбак Түлөбаевди өкмөттүн Ысык-Көл облусу боюнча ыйгарым укуктуу өкүлчүлүгүнөн бошотуп, Бишкектин мэринин милдетин аткаруучу кылып дайындаган.

58
Белгилер:
вице-мэр, Бишкек, Кыргызстан
Тема боюнча
Балбак Түлөбаев ишке киришери менен эки вице-мэр кызматтан кетти