Кыргызстандын тышкы иштер министри Руслан Казакбаев Казакстандын президенти Касым-Жомарт Токаев менен жолукту

Казакстандын президенти Кыргызстандын тышкы иштер министрин кабыл алды

240
(жаңыланган 17:26 30.10.2020)
Казак президенти менен Кыргызстандын тышкы иштер министри кыргыз-казак кызматташтыгынын ар тараптуу маселелерин талкуулашты.

БИШКЕК, 30-окт. — Sputnik. Нур-Султан шаарына иш сапары менен барган Кыргызстандын тышкы иштер министри Руслан Казакбаевди Казакстандын президенти Касым-Жомарт Токаев кабыл алды. Бул тууралуу Тышкы иштер министрлигинин маалымат кызматы билдирди.

Жолугушууда министр Кыргызстанда саясий абал турукташып, өлкө мыйзам талаасына келгенин айтты. Ал ошондой эле кыргыз тарап мурда жетишилген эл аралык милдеттенмелерин, эки жана көп тараптуу келишимдерди толук аткара турганын белгилеген. 

Встреча министра иностранных дел Кыргызской Республики Руслана Казакбаева с президентом Казахстана Касым-Жомарт Токаевым в рамках рабочего визита в город Нур-Султан. 30 октября 2020 года
Рабочий визит министра иностранных дел Кыргызстана Руслана Казакбаева в Казахстан

Казакбаев казак тараптын тынчсыздануусун эске алуу менен кыргыз өкмөтү казак инвесторлорунун коопсуздугун камсыз кылуу максатында мыйзамдын чегинде зарыл чаралар көрүлө тургандыгын кошумчалаган.

Новиков: товар өткөрүү маселесин Кытай менен эмки жумада сүйлөшөбүз

Тараптар ошондой эле кыргыз-казак кызматташтыгынын саясий, соода-экономикалык, суу-энергетикалык жана транзиттик-логистикалык чөйрөлөрдөгү, ошондой эле алдыдагы өз ара кызматташтык тууралуу маселелерди талкуулашты.

1 / 3
Нур-Султан шаарына иш сапары менен барган Кыргызстандын тышкы иштер министри Руслан Казакбаевди Казакстандын президенти Касым-Жомарт Токаев кабыл алды.
“Министр менен президент COVID-19 илдетинин жайылышына каршы биргеликте аракеттерди көрүүгө өзгөчө көңүл бөлүштү. Мындан сырткары, пандемия тушундагы Кыргызстан жана Казакстандагы социалдык-экономикалык абалды талкуулашты”, — деп айтылат маалыматта.

Жолугушуунун жыйынтыгында Казакстандын президенти Касым-Жомарт Токаев Кыргызстандын жаңы жетекчилигине колдоо сөзүн айтып, ишине ийгиликтерди каалады.

240
Белгилер:
жолугушуу, Касым-Жомарт Токаев, Казакстан, Руслан Казакбаев, министр
Тема боюнча
Тышкы иштер министри Руслан Казакбаев Казакстанга барды
Мурдагы тышкы иштер министри Айдарбеков президенттин кеңешчиси болду
Поезд. Архив

Кыргыз өкмөтү Казакстанга электровоз поезддерин каттатууга камынууда. Долбоор

341
(жаңыланган 12:51 25.01.2021)
"Луговой — Балыкчы темир жол участогун электрлештирүү" долбоору 2023-2025-жылдары ишке ашыруу пландалууда.

БИШКЕК, 25-янв. — Sputnik. Кыргыз өкмөтү темир жол линияларын электрлештирип, Казакстанга кеткен тепловоздорду электровоз поезди менен алмаштырууну пландап жатат. Бул туурасында "2021-2025-жылдарга Кыргыз Республикасында темир жол транспортун өнүктүрүүнүн негизги багыттарын бекитүү жөнүндө" өкмөттүн токтом долбоорунда жазылган.

Луговой — Балыкчы темир жол бөлүгү Кыргызстанды Казакстан жана башка өлкөлөр менен байланыштырган негизги транспорттук артерия болуп саналары белгиленет. Секция бир жолдуу, эксплуатациялык узундугу 321,5 чакырымды түзөт. Анын 60,3 чакырымы Казакстанга, 261,2 чакырымы Кыргызстанга туура келет. Луговой станциясы коңшу өлкөнүн Жамбыл облусунда жайгашкан.

"Луговой — Балыкчы участогун электрлештирүү долбоорун ишке ашыруу темир жол каттамынын мүмкүнчүлүгүн жогорулатууга багытталган. Ошондой эле отунга болгон көз карандылыкты жана айлана-чөйрөнүн булгануусун төмөндөтөт. Электрлештирүүгө жумшалган каражат эксплуатациялык чыгымдарды үнөмдөөнүн эсебинен төлөнөт. Долбоордун техникалык-экономикалык негиздемесин иштеп чыгууга жана темир жол участкасын электрификациялоону ишке ашырууга эл аралык каржы институттарын тартуу пландалууда", — деп жазылат токтом долбоорунда.

Луговой — Балыкчы участогу электр тартууга өткөндө жүк ташуучу, жүргүнчү ташуучу тепловоздор паркы электровоздор менен алмаштырылат.

"Ушуга байланыштуу атмосферага курамында көмүртек кычкылы, азот кычкылы, күкүрт кычкыл газы, көө жана башка зыяндуу заттардын чыгуу массасы 100 пайызга төмөндөйт. Трассанын жогорку курулмасындагы жана жолдогу майдын курамы азаят. Электр тартууга өткөндө ызы-чуунун деңгээли басаңдайт", — деп айтылат.

"Луговой — Балыкчы темир жол участогун электрлештирүү" долбоорун 2023-2025-жылдары ишке ашыруу пландалууда. Техникалык-экономикалык негиздемесин даярдоого каражат булагы табылганы айтылды. Ал эми долбоордун өзүн аткарууга "Кыргыз темир жолу" ишканасынын өздүк каражаты, насыялар жана инвестициялар менен алуу каралган.

341
Белгилер:
темир жол, поезд, тепловоз
Тема боюнча
Мукамбетов: Кытай — Кыргызстан — Өзбекстан темир жолу ЕАЭБде жаңы рынокторду ачат
Кыргызстан — Казакстан — Россия темир жол каттамдарынын графиги түзүлдү
Тажикстандын президенти Эмомали Рахмон жана анын уулу, Душанбе шаарынын мэри Рустам Эмомали тажик улуттук университетинде улут лидеринин музейин ачышты.

Тажикстандын лидери Эмомали Рахмон өзүнүн атындагы музей ачты

236
(жаңыланган 13:48 23.01.2021)
Музей Рахмондун 80-жылдары окуган улуттук университеттин жаңы корпусунда ачылган. Анда студенттер экономика жана финансы багытында билим алышат.

БИШКЕК, 23-янв. — Sputnik. Тажикстандын президенти Эмомали Рахмон жана анын уулу, Душанбе шаарынын мэри Рустам Эмомали тажик улуттук университетинде улут лидеринин музейин ачышты. Бул тууралуу Sputnik Өзбекстан агенттиги жазды.

Ага ылайык, Эмомали Рахмон 1977-1982-жылдары ушул окуу жайдын экономика факультетинде окуган. Учурда ал өлкөнүн алдыңкы университети.

Жума күнү Рахмон уулу менен университеттеги жети кабаттуу жаңы окуу корпусунун ачылышына катышкан. Анда студенттер экономика жана финансы багытында билим алышат.

Ушул эле корпуста өлкө президенти — улут лидери Эмомали Рахмондун музейинин ачылышы болгон.

Музей Тажикстандын улуттук университетинин окумуштуулар кеңешинин чечими менен мамлекет башчысынын эмгегин жаштарга эске салып туруу үчүн түзүлгөнү айтылат.

236
Белгилер:
музей, Эмомали Рахмон, Тажикстан
Тема боюнча
Караандаткан жок. Тажикстанда Рахмон президенттик шайлоонун жеңүүчүсү болду
Рейхстагдын байкоо жеринде кишилер. Архив

Германия Кыргызстандын карызын кечет, бирок бир шарты бар 

0
(жаңыланган 00:11 27.01.2021)
Өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия макулдугун берди.

БИШКЕК, 26-янв. — Sputnik. Германия Кыргызстанга 14,9 миллион евро өлчөмүндөгү карызын кечүүгө даяр. Болгону Кыргызстан ал каражатты ипотекалык кредитке жумшашы керек. Бул тууралуу журналисттерге Финансы министрлигинин Мамлекеттик карыздар башкармалыгынын жетекчиси Руслан Татиков билдирди.

Анын айтымында, өткөн жылы министрлик тышкы карызды жоюп салуу өтүнүчү менен бир нече мамлекетке кайрылган. Бир гана Германия буга макул болду.

Руководитель Управления государственным долгом при Министерстве финансов Руслан Татиков во время беседы на радио
© Sputnik / Асель Сыдыкова
Финансы министрлигинин Мамлекеттик карыздар башкармалыгынын жетекчиси Руслан Татиков
"Жалгыз Германия карызды жоюу боюнча макулдугун берди. Документке кол коюла элек, бирок сүйлөшүүлөр болду”, — деди Татиков.

Ал кошумчалагандай, бул каражат эми Мамлекеттик ипотекалык компанияга жумшалат деп күтүлүп жатат.

0
Белгилер:
Руслан Татиков, Тышкы карыз, Германия, Кыргызстан
Тема боюнча
Кыргызстан карыз төлөөнүн эң жогорку чегине качан жетет? Расмий жооп