Казакстандын чек ара кызматкери

Казакстан өз аймагына кирип-чыгуу шарттарын катуулатты

112
(жаңыланган 11:20 03.11.2020)
Эми Индия жана Кытайдан келе жаткан кишилер Казакстанды транзиттик өлкө катары колдоно албайт. Ошондой эле май айына чейин 57 өлкөгө визасыз режим токтотулду.

БИШКЕК, 3-ноя. — Sputnik. Казакстан коронавирустун кайрадан күч алганына байланыштуу өлкөгө кирип чыгуу шарттарын катаалдатты. Бул тууралуу Sputnik Казакстан агенттиги жазды.

Биринчиден, Казакстанда туруктуу жашаган жана казак жаранынын үй-бүлө мүчөсү болуп эсептелген чет элдиктер 90 күндүн ичинде мамлекеттик чек арадан бир гана жолу өтө алат (мурда 30 күндө бир жолу чыгып кайра кирүүгө мүмкүн эле).

Казакстанга кирип-чыгуунун жол-жобосу

Экинчиден, 57 мамлекетке визасыз режим 2021-жылдын 1-майына чейин токтотулду.

Мындан тышкары, Индия жана Кытайдан келе жаткан кишилер Казакстанды эми транзиттик өлкө катары колдоно албайт. Ошондой эле Түркия менен Казакстандын ортосундагы аба каттамдарынын саны кескин кыскартылат.

Акыркы маалыматтарга караганда, коңшу өлкөдө коронавируска кабылгандардын саны 113 миңден ашты.

112
Белгилер:
коронавирус, чектөө, чек ара, Казакстан
Тема:
Дүйнөгө жайылган коронавирус (1167)
Тема боюнча
Бишкек менен Ош шаарынан Новосибирскиге учак каттай баштады
Бишкектеги темир жол бекетиндеги поезд. Архив

Кыргызстан Казакстан Россия темир жол каттамдарынын графиги түзүлдү

362
(жаңыланган 15:36 27.11.2020)
Эгер Республикалык штаб тийиштүү алгоритмдин негизинде иш алып барууга уруксат бере турган болсо өлкөдөгү ички каттамдар дагы жанданат.

БИШКЕК, 27-ноя. — Sputnik. Кыргызстан Россия жана Казакстандын темир жол администрациялары менен биргеликте 2021-жылдагы эл аралык каттамдарынын графигин түздү. Бул тууралуу "Кыргыз темир жолу" ишканасынан кабарлашты.

Ага ылайык поезддер төмөнкү график боюнча катташат:

  • Бишкек — Москва каттамы, жумасына эки ирет;
  • Бишкек — Казань каттамы, жумасына бир жолу;
  • Бишкек — Новосибирск — сегиз күндө бир жолу.
"Поезддер бул график боюнча коронавирус пандемиясына байланыштуу чектөөлөр үч өлкөдө тең алынгандан кийин каттай баштайт", — деп айтылат маалыматта.

Ошондой эле ишкана эгер Республикалык штаб тийиштүү алгоритмдин негизинде иш алып барууга уруксат бере турган болсо Бишкек — Кайыңды, Бишкек — Кара-Балта, Бишкек — Токмок ички каттамдарын дагы жанданта турганын кабарлады.

Эске салсак, эл аралык темир жол каттамдары 2020-жылдын 17-мартында убактылуу токтотулган. Ал эми ички каттамдарга 25-мартта чектөө киргизилген.

362
Белгилер:
билет, пандемия, алгоритм, Казакстан, Кыргызстан, Россия, темир жол
Тема боюнча
Кыргызстандын авиакомпаниялары Европа биримдигинин кара тизмесинен качан чыгат
Кара куурай плантациясы. Архивдик сүрөт

Өзбекстан кара куурай плантациясын иштетип, ал экспортко жөнөтүлөт

95
(жаңыланган 12:55 27.11.2020)
Жакынкы күндөрү сырьену кайра иштетүүчү завод жана лаборатория курулат. Даяр болгон продукция экспортко жөнөтүлөт.

БИШКЕК, 27-ноя. – Sputnik. Өзбекстандын Сырдарыя облусунда медициналык максатта кара куурай өстүрүлөт. Бул тууралуу Sputnik Өзбекстан жазды. 

Өлкөнүн Инвестиция жана соода министрлиги Melabis компаниясы менен кабыл алган меморандумга ылайык, биринчи жылы өсүмдүктү 500 гектар жерге тигүү пландалууда. Кийинки үч жылда аянты 3000 гектарга чейин кеңейет.

Маалыматта Борбордук Азиянын климаты кара куурай өстүрүүгө ылайыктуу экени, өсүмдүк пахтага караганда сууну аз иче турганы белгиленген.

Өнөр жай шартында иштетилген кара куурай курамында 0,1-0,2 пайыздан ашпаган тетрагидроканнабинолу бар даяр продуктуга айланат. Бул Дүйнөлүк саламаттык сактоо уюмунун шарттарына толук туура келет жана өсүмдүктү башка максатта колдонууга жол берилбейт. Иштетилген продукция экспортко жөнөтүлмөкчү.

Долбоорго 33 миллион доллар сарптоо пландалып жатат. Жакынкы аралыкта жогорку технологиялык завод жана сырьену кайра иштеткен лаборатория курулат. Анда 100 жумушчу орун түзүлөрү айтылды.

Үстүбүздөгү жылдын март айында Өзбекстандын президенти Шавкат Мирзиёев кара куурайды өнөр жай максатында иштетүү боюнча мыйзамга кол койгон.

95
Белгилер:
завод, кара куурай, Өзбекстан
Тема боюнча
Ысык-Көлдө "Мак-2020" операциясында 208 тонна кара куурай жок кылынды
Токтогулдагы үйлөрдүн биринен 101 кг кара куурай табылып, шектүү кармалды
Премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмеси учурунда

Оор жүктөрдү үзгүлтүксүз ташууну жакшырталы. Новиков ШКУ жыйынында маселе көтөрдү

0
(жаңыланган 22:31 30.11.2020)
Новиков ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

БИШКЕК, 30-ноя. — Sputnik. ШКУ өлкөлөрүнүн ортосунда санитардык-эпидемиологиялык талаптарды сактоо менен оор жүктөрдүн үзгүлтүксүз ташылышына шарттарды түзүү жана көзөмөл өткөрүү жайларынын толук кандуу иштеши маанилүү. Бул тууралуу премьер-министрдин милдетин аткарып жаткан Артем Новиков ШКУга мүчө мамлекеттердин өкмөт башчыларынын 19-кеңешмесинде айткандыгын маалымат кызматы билдирди.

Жыйын видеоконференция форматында өткөн.

"Кыргызстан өлкөлөр ортосундагы товар алмашууда "жашыл коридор" механизмин пайдаланууну кеңейтүү жолу менен көзөмөл-өткөрүү жайлары аркылуу жүк ташуучу автотранспорттордун кирип-чыгуу тартибин, процедурасын жөнөкөйлөштүрүүнү кароону сунуштайт", — деген Новиков.

Мындан тышкары, премьердин милдетин аткаруучу санариптик технологияларды, анын ичинде электрондук соода жүргүзүүнү өнүктүрүүнүн маанилүүлүгүн белгилеген.

Бул ШКУ өлкөлөрүнүн экономикасынын жогорулашына жана уюм алкагындагы толук кандуу санариптик күн тартипти ишке ашырууда кошумча түрткү болуп бере аларын айткан.

Новиков сөзүн жыйынтыктап жатып, кыйын кырдаалда өз ара колдоо көрсөтүү жакшы коңшулук мамилеге жана жалпы кызыкчылыкка жооп берерин айткан.

"Учурдагы негизги нерсе ─ калктын денинин сактыгы, социалдык-экономикалык туруктуулуктун сакталышы жана жарандарыбыздын эртеңки келечегине ишеними", — деген премьер-министрдин милдетин аткаруучу.

Ошондой эле ал ШКУга мүчө-мамлекеттерге Кыргызстанга COVID-19га каршы күрөштө көрсөткөн көмөгү үчүн ыраазычылык билдирген.

0
Белгилер:
жыйын, Артем Новиков, ШКУ, Кыргызстан
Тема боюнча
Путин: бүгүнкү ШКУ саммитинде өтө маанилүү документтерге кол коюлат
Садыр Жапаров ШКУ өлкөлөрүнүн лидерлерине КРдеги шайлоо таза өтөрүн айтты