Жайлоодогу кулун. Архив

Кулунду автоунаага отургузуп алып ташыган айдоочу. Астанадагы окуянын видеосу

361
(жаңыланган 10:10 22.11.2020)
Кулун боюнча видео элге тарап кеткен соң полиция айдоочуну издеп тапкан. Ал Астана шаарынын 27 жаштагы тургуну болуп чыкты.

БИШКЕК, 22-ноя. — Sputnik. Казакстанда кулунду жеңил автоунаанын арткы орундугуна салып бараткандардын видеосу тарап, элди таң калдырды. Бул туурасында Sputnik Казакстан жазды.

Ал эми видео интернетке жарыяланып кеткен.

Анткен менен ага полиция издөө салган.

Айдоочу видеодо мал-жанды деле өзүнүн автоунаасы менен башкалардыкын деле ташып жеткирип бере ала тургандыгын айтып бара жатат. Ал эми аркасындагы орундук тараптан кулунду экинчи киши кармап отургандыгын көрүүгө болот.

Бул видео элге тарап кеткен соң полиция посттун авторун издеп тапкан. Ал Астана шаарынын 27 жаштагы тургуну болуп чыккан. Тартип сакчыларына Акмоло облусунан кулундуу бээ алып, анын баласын сатып жиберүү максатында базарга бара жаткандагы учуру видеого тартылып калгандыгын айтып берген. Бул кадамын чоңураак автокөлүктү жалдабай, акчаны үнөмдөө максатында жасадым деп түшүндүргөн.

Мындан кийин "үнөмчүл адам" жүктү ташуу боюнча атайын каралган автоунаа  эрежесин бузгандыгы үчүн 13 890 теңге (32 доллар) айыпка жыгылган.

Андан сырткары, материалдык жоопкерчиликке тартуу үчүн Ветеринардык көзөмөл боюнча аймактык инспекциянын комитетинин кароосуна жиберилген.

361
Белгилер:
айып пул, автоунаа, кулун, Астана, Казакстан
Тема боюнча
Аюуларды коркутат дешти. Үрөйдү учурган роботтордун видеосу
Таң калтырган сары түстүү таш бака. Индиядан тартылган видео
Киши Sinovac Biotech лабораториясында иштеп жатат. Архив

Кытайдын коронавируска каршы вакцинасы сыноонун эки этабынан өттү

75
CoronaVac вакцинасы биринчи жана экинчи этаптагы изилдөөдө 18ден 59 жашка чейинки дени сак 700 адамга колдонулган.

БИШКЕК, 21-ноя. — Sputnik. Кытайдын Sinovac Biotech биофармацевтикалык компаниясынын коронавируска каршы иштеп чыккан вакцинасын адамдарга сыноо учурунда коопсуз жана тез арада иммундук жооп түптөй алууга жөндөмдүү экени тастыкталды. Бул туурасында РИА Новости жазды.

Вакцина алган ыктыярчылардын антителосунун деңгээли COVID-19 менен ооруп айыккан адамдардыкынан төмөн болору аныкталган. Бирок изилдөөнүн жыйынтыгында биологиялык препарат адамдын организмин вирустук инфекциядан коргошуна тоскоолдук жаратпай турганы көрсөтүлгөн.

CoronaVac вакцинасы биринчи жана экинчи этаптагы изилдөөдө 18ден 59 жашка чейинки дени сак 700 адамга колдонулган.

Сыноонун катышуучуларына 14 күндүк аралык менен эки ирет вакцина сайылган. Илимий макаланын авторлорунун бири Чжу Фэнцай анын натыйжасы препараттын эффективдүүлүгүн жана пандемия маалында чукул арада колдонсо болорун ырастаганын билдирген.

Ал эми вакцина алгандан кийин түптөлгөн иммундук жооп канчага чейин созуларын аныктоо дагы кошумча изилдөөнү талап кылары белгиленген.

Талапкер катары катталган вакцина учурда анын клиникалык сыноонун үчүнчү этабына чыкты.

75
Белгилер:
изилдөө, сыноо, коронавирус, вакцина, Кытай
Тема:
Дүйнөгө жайылган коронавирус
Тема боюнча
Пандемияга дагы бир сокку. Россияда үчүнчү вакцина сыноодон өтө баштады. Видео
Америка жана кытайлык медиктер COVID-19га каршы нукура дары тапты
Кыргызстандын тышкы иштер министри Руслан Казакбаев менен тажикстандык кесиптеши Сироджиддин Мухриддин жолугушуу

Кыргыз-тажик чек арасындагы талаштуу жерлерге ишканаларды куруу сунушталды

283
(жаңыланган 18:47 19.11.2020)
Руслан Казакбаев Тажикстанга расмий иш сапары менен барды. Анын алкагында чек ара маселесин тез арада чечүү тууралуу сөз болууда.

БИШКЕК, 19-ноя. — Sputnik. Кыргызстандын тышкы иштер министри Руслан Казакбаев тажикстандык кесиптеши Сироджиддин Мухриддин менен жолугушуу учурунда чек арадагы чырлуу маселелерди экономикалык жол менен чечүүнү сунуштады. Бул тууралуу Sputnik Тажикстан агенттиги жазды. 

Эске салсак, Казакбаев Тажикстанга расмий иш сапары менен барган.

"Кыргыз тараптын сунушу менен Тажикстан жана Кыргызстандын ортосунда Иштиктүү кеңеш ачуу маселеси каралат. Ошондой эле талаштуу жерлерге биргелешкен ишканалар ачылып, алар эки өлкөгө тең пайда алып келгидей иштейт", — деп айтылат билдирүүдө.

Кыргыз-кытай чек арасындагы Торугарт өткөрүү пункту. Архив
© Пресс-служба президента КР / Султан Досалиев
Казакбаев коңшу өлкө менен чек ара маселесин тез арада чечүү керектигине токтолду.

"Чек ара аймагында тынчтыкты камсыздап, мурдатан бери келе жаткан талаш-тартыш маселелерди бир гана сүйлөшүү жолу менен чечип, бири-бирибизге ишеним артуу менен келишимдерге кол коюшубуз керек деген пикирдебиз", — деди Казакбаев.

Эске салсак, кыргыз-тажик чек арасындагы делимитацияланбаган тилкелердин айынан маал-маалы менен эки элдин ортосунда пикир келишпестиктер чыгып турат. Тараптар СССР тарагандан бери 70ке чукул тилкенин тагдырын чече албай келет.

283
Белгилер:
Руслан Казакбаев, чек ара, Тажикстан, Кыргызстан
Тема боюнча
Чек ара кызматы УКМКнын курамына киргизилди
Эмгек жана социалдык өнүктүрүү министри Ализа Солтонбекова

Солтонбекова Ализа Карыпбековна өмүр баяны

0
(жаңыланган 22:22 25.11.2020)
Эмгек жана социалдык өнүктүрүү министри Ализа Солтонбекова 1978-жылы 5-апрелде Бишкек шаарында төрөлгөн.
  • Билими:
    1999-жылы Бишкектеги Алиаскар Токтоналиев атындагы финансы экономикалык техникумунун "өндүрүштүк ишканалардын финансысы" адистигин артыкчылык менен аяктаган;
  • 2005-жылы Жусуп Баласагын атындагы Кыргыз улуттук университетинин "финансы жана кредит" адистигин артыкчылык менен аяктаган;
  • 2011-жылы Президенттин алдындагы башкаруу академиясынын "менеджмент" адистигин бүтүргөн;
  • 2016-жылы Тышкы иштер министрлигинин Казы Дикамбаев атындагы дипломатиялык академиянын "эл аралык мамилелер" адистигин аяктаган.

Эмгек жолу:

  • 1995-1998 — Н. Биримкулов атындагы орто мектебинин мугалими;
  • 1999-2003 — Ивановка айылындагы №1 орто мектебинин мугалими;
  • 2003-2004 — Ысык-Ата районуна караштуу Ивановка айыл өкмөтүнүн жаштар комитетинин төрайымы, жашы жете элек өспүрүмдөрдүн иштери боюнча адис;
  • 2004-2008 — Чүй райондук мамлекеттик администрациясынын башкы адиси;
  • 2008-2010 — Чүй райондук мамлекеттик администрациясынын башчысынын орун басары;
  • 2012-2017 — Өкмөттүн аппаратында каттар жана жарандарды кабыл алуу бөлүмүнүн башчысы;
  • 2017-2018 — Өкмөттүн Чүй облусундагы ыйгарым укуктуу өкүлүнүн социалдык суроолор боюнча орун басары;
  • 2018-2020 — Эмгек жана социалдык өнүктүрүү министринин орун басары.
  • 2020-жылдын 25-ноябрынан тарта эмгек жана социалдык өнүктүрүү министри.

Мамлекеттик жарандык кызматтын 1-класстагы кеңешчиси.

0
Белгилер:
справка, таржымал, кызмат, Өмүр баяны, министр, Ализа Солтонбекова
Тема боюнча
Ализа Солтонбекова министрлик ишине расмий киришти
Зулпиев Бектур Рысбаевич — өмүр баяны