Киши түрмөдө. Архив

Казакстанда 500 доллар пара алган генерал беш жылга соттолуп кетти

200
(жаңыланган 16:18 20.12.2020)
Мындан тышкары, сот президентке соттолгон жаранды "генерал-майор" наамынан жана "Ормет" орденинен ажыратуу сунушун киргизгени жатат.

БИШКЕК, 20-дек. — Sputnik. Коргоо министрлигинин кадрлар жана аскердик билим берүү департаментинин экс-башчысы пара алгандыгы үчүн беш жылга эркинен ажыратылды. Бул тууралуу Sputnik Казакстан өлкөнүн Коррупцияга каршы күрөшүү кызматына шилтеме берип билдирди. 

"2019-жылдын май айында соттолгон киши аскерди кызматка дайындаганы үчүн 200 миң теңге (ошол кездеги курс боюнча 520 доллардан ашык) пара алгандыгы аныкталды", — деп министрликтен билдиришкен.

Акмола гарнизонунун аскер сотунун өкүмү менен генерал-майор мамлекеттик кызматта иштөө укугунан өмүр бою ажыратылып, беш жылга абакка кесилди.

Мындан тышкары, сот президентке соттолгон жаранды "генерал-майор" наамынан жана "Ормет" орденинен ажыратуу сунушун киргизгени жатат.

ЖМКлар генерал-майордун аты-жөнү Кайрат Көпбаев экендигин жазышкан.

200
Белгилер:
пара алуу, сот, Аскер, генерал, Казакстан
Тема боюнча
Сингапурда кампа кызматкери 1 доллар пара алууга аракеттенген деп айыпталууда
Жаңы үйлөнгөндөр. Архив

Бир мүнөттө үйлөнө калып жумушка чыккан полиция кызматкери. Кытайдагы окуя

44
(жаңыланган 11:06 21.01.2021)
Ишинен бошобогон полиция кызматкери сүйүктүүсүнө баш кошууга түшкү тамактануу учурунда убакыт таап келген.

БИШКЕК, 21-янв. — Sputnik. Кытайда кайгуул полиция кызматкери бир мүнөттүн ичинде үйлөнүп, кайра дароо эле жумушка чыкты. Бул тууралуу "Известия" басылмасы кабарлады.

Салтанат Кытайдын Хэбей провинциясында өткөн. Анда жумушунан бошобогон полиция кызматкери түшкү тамактануу учурунда убакыт таап, келинчеги менен бир мүнөттүн ичинде үйлөнүп, кайра эле кызматына жөнөгөнү айтылат.

Түгөйлөр 15-январда баш кошкон.

44
Белгилер:
полиция, той, үлпөт, үй-бүлө, Кытай
Тема боюнча
Үлпөт тоюнан 15 мүнөт өтпөй көз жумган келин. Даниядагы окуя
Кыргызстандын жана Япониянын желектери. Архив

Юристтерге Японияда билимин тереңдетүү үчүн программа жарыяланды

34
Программага катышууну каалагандар сөзсүз түрдө англис тилин билиши керек. Документтер 12-февралга чейин кабыл алынат.

БИШКЕК, 21-янв. — Sputnik. Кыргызстандагы Япония элчилигинин MIRAI-2021 сынагына катышуучулар кабыл алынат. Бул тууралуу Билим берүү жана илим министрлигинин сайтына жарыяланды.

Программа 20 жаштан 30 жашка чейинки жаш, иштеп жаткан юристтерге (юрист, жактоочу, мамлекеттик кызматкер же укуктук тармактагы документтер менен иштеген бизнесмендер) сунушталат. Ошондой эле сынакка юридикалык адистикке кызыкдар болгон студенттер жана аспиранттар, мамлекеттик жана бизнес тармагындагы юриспруденцияга кызыккандар катыша алат.

Документтерди 2021-жылдын 12-февралына (саат 16:00) чейин Мамлекеттик кадр кызматына тапшыруу керек. Катышуучуларды япон тарап тандап алат.

"Сынактан өткөн жарандар Японияда 8-июндан 16-июнга чейин болушат. Бирок бул болжолдуу дата, ал өзгөрүп кетиши дагы ыктымал", — деп айтылат маалыматта.

Программа боюнча толук маалыматты Япониянын Кыргызстандагы элчилигинин сайтынан окууга болот.

34
Белгилер:
сынак, окуу, юрист, Япония, Кыргызстан
Тема боюнча
Түркиянын ЖОЖдоруна тапшырууну каалагандардан документтерди кабыл алуу башталды
COVID-19 анализ тапшыруу. Архивдик сүрөт

Кыргызстандагы коронавирус: дагы эки киши көз жумуп, 155 адамдан оору чыкты

0
(жаңыланган 11:42 21.01.2021)
Каза болгондор Бишкек менен Чүйдө дарыланып жаткан. Коронавирус пандемиясы Кыргызстанда 1 394 кишинин өмүрүн алып кетти.

БИШКЕК, 21-янв. — Sputnik. Кыргызстанда коронавирусту акыркы суткада 155 киши жуктурса, 136 бейтап айыкты. Бул тууралуу Республикалык штаб кабарлады.

Бир сутка ичинде COVID-19 U07.1 жана U07.2 катталган жаңы учурлар:

  • Бишкек — 42;
  • Ош — 6;
  • Чүй облусу — 63;
  • Ош облусу — 12;
  • Талас облусу — 1;
  • Нарын облусу — 6;
  • Ысык-Көл облусу — 11;
  • Жалал-Абад облусу — 11;
  • Баткен облусу — 3.

Кыргызстанда жалпы COVID-19 инфекциясынын 83 585 учуру катталды.

Бир сутка ичинде COVID-19 илдетинен сакайып чыккандар, пневмонияны эсепке алганда:

  • Бишкек — 56;
  • Ош шаары — 0;
  • Чүй облусу — 37;
  • Ош облусу — 9;
  • Талас облусу — 2;
  • Нарын облусу — 7;
  • Ысык-Көл облусу — 13;
  • Жалал-Абад облусу — 7;
  • Баткен облусу — 5.

Жалпы айыккандардын саны 79 509 болду.

Бир сутка ичинде республика боюнча COVID-19 илдетинен Бишкекте жана Чүйдө эки бейтап каза тапты. Ушуну менен илдеттен көз жумгандардын саны 1 394кө жетти.

Учурда стационарда 708 бейтап дарылнууда. Ал эми амбулатордук дарыланууда 1 044 киши бар.

0
Белгилер:
бейтап, жуктуруу, айыгуу, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
23-январдан тарта Кыргызстанга чет өлкөдөн киргендердин ПЦР-анализи болушу керек