Коргоочу костюм кийген медициналык кызматкер дезинфекциялык каражатты чачыратып жатат

Кечээ Тажикстанда COVID илдетине чалдыккандар болгон жок

50
(жаңыланган 11:10 02.01.2021)
Коңшу өлкөдө COVID-19га жалпысынан 13 миңден ашык адам чалдыккан. Ошол эле маалда илдет жуктуруп алгандардын 97 пайызы ооруну жеңип чыккан.

БИШКЕК, 2-янв. — Sputnik. Тажикстанда жаңы жылдын биринчи күнү коронавирус жуктуруп алгандар катталган жок. Бул тууралуу коңшу өлкөнүн Саламаттык сактоо министрлиги кабарлаган.

Министрликтин маалыматына ылайык, 1-январга карата өлкөдө илдетти илештиргендердин жалпы саны 13 296га жеткен.

Ошол эле учурда Тажикстандагы ооруканалардан бир сутка ичинде 43 адам илдетти жеңип, үйлөрүнө чыгарылган. Жалпысынан коронавирустан айыккан бейтаптардын саны 12 894кө жетип, ооруну жуктуруп алгандардын 97 пайызын түзөт.

Министрлик өткөн суткада коронавирус адам өмүрүн алган учур катталбаганын да кабарлады.

Эске салсак, Тажикстанда COVID-19 биринчи жолу  30-апрелде табылган. Андан көз жумган алгачкы учур 2-майда катталган.

50
Белгилер:
Тажикстан, бейтап, оорукана, коронавирус
Тема:
Дүйнөгө жайылган коронавирус (1254)
Тема боюнча
COVID жеңил өткөн бейтаптарда оорунун кесепети оор болору айтылды
Казакстандын медициналык кызматкерлери. Архив

Казакстанда COVID боюнча абал курчуп бара жатат. Алты аймак кызыл зонага кирди

85
(жаңыланган 10:23 20.01.2021)
Вирустун күчөп бара жатканынан кызыл зонага алты аймактын кириши далилдеп турат. Бир нече күн мурда бул тизмеде үч гана регион бар болчу.

БИШКЕК, 20-янв. — Sputnik. Казакстанда коронавирус боюнча абал курчугандан курчуп бара жатат. Өткөн суткада 1 134 кишиден вирус аныкталып, 11 бейтап каза тапты. Бул тууралуу Sputnik Казакстан агенттиги жазды.

Салыштыруу үчүн айта кетсек, кечээ коңшу өлкөдө 999 киши коронавируска кабылганы билинип, тогуз адам көз жумган.

Вирустун күчөп бара жатканынан кызыл зонага алты аймактын (Нур-Султан шаары, Акмоло, Атырау, Костанай, Түндүк-Казакстан жана Павлодар облустары) кириши далилдеп турат. Бир нече күн мурда бул тизмеде үч гана дубан бар болчу.

"Айрым аймактарда карантиндик чектөөлөр күчөтүлдү. Дем алыш күндөрү сыртка чыгууга тыюу салынып, кызматкерлердин бир бөлүгү аралыктан иштөөгө жиберилди", — деп айтылат кабарда.

Негизи Казакстандын Саламаттык сактоо министрлиги коронавирустун эң жогорку көрсөткүчтөрү март айынын аягына туш келет деп күтүп жатат. Адистердин алдын ала божомолуна караганда, бул учурда эң аз дегенде суткасына үч миң кишиден, абал оор дегенде тогуз миң кишиден вирус аныкталышы мүмкүн.

Мындан улам коңшулар жарандарын "Спутник V" менен эмдөөнү эртерээк, тагыраагы, февралда баштай турган болду.

85
Белгилер:
абал, Казакстан, коронавирус
Тема:
Дүйнөгө жайылган коронавирус (1254)
Тема боюнча
COVID: Казакстанда өлгөндөрдүн саны көбөйүп, Нур-Султан кызыл зонага кирди
Казакстанда "Спутник V" менен эмдөөнү эртерээк баштамай болушту
Жолдо турган жүк ташыган унаалар. Архивдик сүрөт

Жүк ташыган унааларга навигациялык пломба коюу долбоорунун мөөнөтү узарды

86
(жаңыланган 12:56 19.01.2021)
Жүк ташуучулардын пилоттук долбоорго катышуусу ыктыярдуу жана акысыз негизде ишке ашырылат. Навигацияны колдонгон айдоочуларды жолдо кошумча текшерүүгө жол берилбейт.

БИШКЕК, 19-янв. — Sputnik. Кыргызстандан Казакстанга, Россияга жана тескери багыт боюнча автоунаалар менен өткөрүлүүчү товарларга мониторинг жүргүзүү боюнча пилоттук долбоордун мөөнөтү узартылды. Бул тууралуу Мамлекеттик салык кызматы маалымдады.

Тийиштүү чечимге Кыргызстан менен Казакстандын салык органдарынын жетекчилери кол коюшту. Ага ылайык, пилоттук долбоордун мурдагы мөөнөтү 2020-жылдын 10-декабрына чейин болсо, эми 2021-жылдын 10-мартына чейин узартылды.

"Ушул мезгилде Кыргызстандан Казакстанга, Россияга жана тескери багыт боюнча товарларды ташууда өзү алып өтүүчү товарлардан тышкары автоунаа каражатынын жүк турган бөлүктөрүнө навигациялык пломба илинет. Жети мүнөттөн ашпаган убакытты талап кылган жол-жобо Казакстандын Финансы министрлигинин мамлекеттик кирешелер комитетинин кызматкерлери тарабынан жүзөгө ашырылат", — дешти салыкчылар.

Ташуучулардын пилоттук долбоорго катышуусу ыктыярдуу жана акысыз негизде болот. Ошол эле учурда өткөрмө пунктуларында, атайын бөлүнгөн жерлерде жана жолдордо навигациялык пломбалары бар жүк ташуучуларды көзөмөлдөөнүн кошумча түрлөрүн жүргүзүүгө жол берилбейт.

86
Белгилер:
долбоор, Казакстан, Россия, Кыргызстан
Тема боюнча
"Эркеч-Тамга" барган Новиков: жүк декларациясын адам толтурбашы керек
Финпол: бир фура контрабандалык жүк кармалып, кызмат адамдары изделүүдө
Товарды көзөмөлдөөнүн жаңы түрү. ЕЭК кеңеши кабыл алган чечим

UFC: Хабиб Нурмагомедовдун иниси алгачкы беттешинде атаандашын утуп алды. Видео

0
(жаңыланган 01:41 21.01.2021)
Россиялык мушкер казакстандык атаандашы Сергей Морозовду муунтуу ыкмасы менен жеңип алды. Беттеш 2-раундда соңуна чыкты.

Хабиб Нурмагомедовдун тууганы Умар UFC турнириндеги алгачкы беттешинде жеңишке жетишти.

Россиялык мушкер казакстандык атаандашы Сергей Морозовду муунтуу ыкмасы менен утуп кетти. Беттеш 2-раундда соңуна чыкты.

Ал беттеш аяктаган соң агасы Хабиб дагы алгачкы жеңишин дал ушундай ыкма менен багындырганын эске салды.

"Мен бактылуумун. Тогуз жыл мурда бул рингге Хабиб кирип, дал мендей болуп утуп чыккан. Анын ыкмасын кайталаганыма кубанычтамын”, — деди ал.

Таймашка секундант катары катышкан Хабиб Нурмагомедов өзү инисиндей болуп экинчи эмес, үчүнчү гана раундда жеңгенин кошумчалады.

0
Белгилер:
бир тууган, UFC, Хабиб Нурмагомедов
Тема боюнча
Чыканак менен башка уруп... Соңку UFC турниринин кызыктуу учурлары видеодо
Макгрегордун Нурмагомедов менен кармашканга чейинки жана андан кийинки видеосу