Афганистанда Талибан кыймылын мүчөлөрү. Архив

Полициянын алты кызматкери каза тапты. Афганистандагы окуя

84
(жаңыланган 12:00 02.01.2021)
Полициянын жергиликтүү бөлүмү жума күнү Батикот округунда буктурмага кабылган. Анын кесепетинен командири баш болуп алты кызматкер курман болуп, төртөө жаракат алган.

БИШКЕК, 2-янв. — Sputnik. Афганистанда "Талибан" кыймылы жасаган буктурмага эң кеминде полициянын алты кызматкери кабылып, каза тапты. Бул тууралуу РИА Новости жеке маалымат булагына таянып жазды.

Окуя Афганистандын чыгыш жагында жайгашкан Нангархар провинциясында болгон.

Маалымат берген тараптын айтымына караганда, полициянын жергиликтүү бөлүмү жума күнү Батикот округунда буктурмага кабылган. Анын кесепетинен командири баш болуп алты кызматкер курман болгон. Андан сырткары полициянын төрт кызматкери жаракат алган.

84
Белгилер:
өлүм, полиция, кыймыл, Талибан, Афганистан
Тема боюнча
АКШ Афганистанда 10 аскер базасын жапты. Өлкөнү талибдерге салып бердиби?
"Афганчы" Шамырканов: 41 жыл мурун Оштон Файзабадга жеткичекти көргөн азапты унутпайм
ЕАЭБге мүчө-мамлекеттердин өкмөт башчылары жыйыны. Архив

Февралда ЕАЭБге мүчө-мамлекеттердин өкмөт башчылары Алматыда чогулат

57
(жаңыланган 16:57 22.01.2021)
ЕАЭБ өлкөлөрүнүн өкмөт башчыларын чогулткан иш-чаралар коңшу Казакстандын Алматы шаарында боло турганы айтылды.

БИШКЕК, 22-янв. — Sputnik. Үстүбүздөгү жылдын 5-февралында ЕАЭБге мүчө-мамлекеттердин өкмөттөр аралык жыйыны жана Almaty Digital Forum-2021 форуму өтөт. Бул туурасында Евразия экономикалык комиссиясынын маалымат кызматы билдирди.

Аталган иш-чаралар Казакстандын Алматы шаарында боло турганы айтылды.

Санариптик форумдун пленардык жыйынына ЕАЭБ өлкөлөрүнүн өкмөт башчылары, ЕАЭБге байкоочу мамлекеттер жана Евразия экономикалык комиссиясынын төрагасы Михаил Мясникович катышат.

57
Белгилер:
жыйын, жолугушуу, өкмөт, Евразиялык экономикалык биримдик, Алматы
Тема боюнча
ЕАЭБ: союздаштар саясатты шайкеш келтирүүгө мезгил жетти
Артем Новиков ЕЭК кеңешинин соңку жыйынына катышты. Талкууланган маселелер
Казакстандагы инфекциялык оорукана. Архив

Күчөп, азайып... Казакстан, Тажикстандагы COVID боюнча абал

114
(жаңыланган 12:20 22.01.2021)
Акыркы учурларда COVID-19дун жаңы штаммдары табылып, айрым өлкөлөрдө кайрадан чектөөлөр киргизилүүдө. Коңшуларга көз салсак, бири вирустун азабын тартып жатса, башкалары абал турукташып калганын айтып, айрым чектөөлөрдү алып салууда.

БИШКЕК, 22-янв. — Sputnik. Казакстанда COVID-19 боюнча абал ого бетер курчуп, ооругандардын саны улам өсүп бара жатат. Бул тууралуу Sputnik Казакстан агенттиги жазды.

"Өткөн суткада 1 430 кишиден вирус аныкталып, 13 бейтап каза болду", — деп айтылат кабарда.

Салыштыруу үчүн айта кетсек, 19-январь күнү коңшу өлкөдө 999 киши коронавируска кабылып, тогуз адам көз жумган. Эртеси күнү эле жуктургандардын саны 1 134кө чыгып, 11 адам каза болгон.

Вирустун күчөп бара жатканын кызыл зонага алты аймактын (Нур-Султан шаары, Акмоло, Атырау, Костанай, Түндүк-Казакстан жана Павлодар облустары) кириши далилдеп турат.

Ал эми Тажикстан эпидемиологиялык абал турукташып бара жатканын айтууда. Мындан улам өлкөнүн Республикалык штабы 1-февралдан тарта мечиттерге массалык түрдө барып, жума намаз окууга уруксат берди. 

Расмий маалыматтарга караганда, акыркы он күн ичинде өлкөдө бир дагы коронавирус жуктуруп алган учур аныктала элек. Саламаттык сактоо министрлиги январь айынын башында жалпысынан коронавируска кабылгандардын саны 13 308 киши экенин билдирген. Анын ичинен 90 киши каза болуп, калганы сакайып кеткени айтылат.

Өзбекстандын Саламаттык сактоо министрлиги коронавирус боюнча статистиканы жарыялабай калды. Бирок расмий түрдө кат жолдоп сурагандарга берет. Жон Хопкинс университети билдирген маалыматка караганда, бул коңшу мамлекетте вирус жугузгандардын саны 78 219га жетти. Алардын ичинен 620 киши көз жумду.

Айрым ЖМКлар Кытайда кайрадан коронавирус көбөйүп жатканын айтууда. 21-январдагы маалыматка караганда, өлкө ичинде COVID жуктурган 144 киши аныкталды. Алардын ичинен 18 учур башка өлкөдөн кирген адамдарга тиешелүү.

114
Белгилер:
коронавирус, Тажикстан, Өзбекстан, Казакстан, Борбордук Азия
Тема:
Дүйнөгө жайылган коронавирус
Тема боюнча
"Спутник V" вакцинасы 2-8 градус жылуулукта сактала тургандай жасалды
Япониянын быйыл Олимпиада оюндарын өткөрүүдөн баш тартары айтылууда
Колл-центрдин ишкери. Архив

Бишкекте мугалимдер онлайн-сабак өтпөй жатса арызданууга болот. Номерлер

5
Ушул жумадан тарта борбор калаада 1, 5, 9 жана 11-класстын окуучулары мектепке барып окуй баштады. Калган класстар аралыктан билим алууну улантууда.

БИШКЕК, 23-янв. — Sputnik. Бишкек шаарынын вице-мэри Айжан Чыныбаева мугалимдер онлайн-сабакты өтпөй жатса кабарлап коюуну өзүнүн Facebook баракчасы аркылуу өтүндү.

Эске салсак, 18-январдан тарта борбор калаада 1, 5, 9 жана 11-класстын окуучулары мектепке барып окуй баштады. Ошол эле учурда бул класстын айрым окуучулары шартына жараша үйдөн да билим алса болору белгиленген. Аларга мугалим өзүнчө сабак өтөт, мындан сырткары, телеканалдарда телесабактар көрсөтүлөт.

"Социалдык тармактарда айрым мугалимдер онлайн-окутууну үзгүлтүккө учуратып, сабак өтпөй жатат деген маалыматтар пайда болду. Бул маалымат чындыкка дал келбейт. Биз жакынкы убакытта балдардын бардыгы окууну кадимкидей тартипте улантарына ишенебиз", — деп жазган Чыныбаева.

Вице-мэр окуу процессине байланыштуу педагогдор тарабынан мыйзам бузуулар болсо 0709 24 02 84 WhatsApp номерине кабарлап коюуну өтүндү.

5
Белгилер:
кайрылуу, мугалим, окуу, Бишкек мэриясы
Тема боюнча
Бишкектеги мектептерге 53,5 миңден ашуун окуучу бара баштады