Сулуулар сынагынын жеңүүчүсү. Архив

Эркектер тийишип... "Казакстан сулуусунун" финалисти идиш жууп иштеген видео

12324
(жаңыланган 16:04 31.01.2021)
Гүлнур 2017-жылы 17 жашында Кызыл-Ордодо эң сулуу кыз деп аныкталган. Эки жылдан соң сулуулардын улуттук конкурсуна катышкан.

БИШКЕК, 31-янв. — Sputnik. "Казакстан сулуусу – 2019" сынагынын катышуучусу Гүлнур Нуртаза Кызыл-Ордо шаарындагы кафелердин биринде идиш жууп иштеп жатат. Ал аргасыздан ушундай жумушка орношконун 365info.kz маалымат булагы жазды.

Интернетте сулуу наамын алган кыздын кафенин ашканасында сарымсак тазалап, идиш жууп иштеп жаткан видеосу тарады.

Видеону тартып жаткан адам ашканада иштеп жаткан  2017-жылы "Кызыл-Ордо сулуусу" сынагынын жеңүүчүсү Гүлнур Нуртаза экенин белгилейт. Ал өзү да сулуулар конкурсунун жеңүүчүсү экенин, учурда ушундай шарттагы жумушта иштеп жатканын айткан.

Гулнурдун тааныштары ал чынында эле оор тагдырды баштан кечиргенин, 19 жаштагы кыз ата-энесиз калгандан кийин колуна тийген жумуштарда иштеп жатканын айтышат. Эки жыл мурда атасы каза болсо, энеси эки ай мурда эле көз жумган.

Басылма Гүлнурдун сулуулугу анын жумушка орношуусуна кедергисин тийгизгенин: жетекчи-айымдар күйөөсүн азгырып кетет деп коркушса, ал эми эркек жумуш берүүчүлөр дароо эле интимдик мамилеге чакырышарын белгилеген.

Гүлнур 2017-жылы 17 жашында "Кызыл-Ордонун эң сулуу кызы" деген наамды жеңип алган. Эки жылдан соң сулуулардын улуттук конкурсуна катышкан.

12324
Белгилер:
кафе, жумуш, Казакстан, сулуулар сынагы
Тема боюнча
Келишимдүү, сексуалдуу Антонина Шевченко. Соцтармакты суктанткан спортчунун сүрөтү
Израилдик модель дүйнөдөгү ажарлуу айым деп табылды. Сүрөт
TC Candler версиясы боюнча 2020-жылдагы эң сулуу жүздөр
Уюлдук станциянын мачтасы. Архив

Быйыл Нур-Султан шаарында 5G интернет ишке кирет

120
(жаңыланган 11:22 07.03.2021)
Өкмөт ал үчүн жаңы мыйзам долбоорун иштеп чыгат. Анын негизинде жыштыктар сынак же аукцион аркылуу бөлүштүрүлөт.

БИШКЕК, 7-мар. — Sputnik. Быйыл Нур-Султан шаарында 5G интернет түйүнү ишке кирет. Бул тууралуу Sputnik Казакстан агенттиги премьер-министрдин расмий сайтына шилтеме кылып жазып чыкты.

Санариптик өнүгүү, инновация жана аэрокосмикалык өнөр жай министринин орун басары Асхат Оразбектин айтымында, бешинчи муундагы түйүнгө өтүүгө өлкө аймагындагы байланыш операторлору даяр.

"2022-жылдын аягына чейин 5G түйүнүн республикалык маанидеги башка шаарларга да киргизүүнү пландап жатабыз. Ал эми 2025-жылга чейин бардык облус борборлору камтылат. Биз тараптан мыйзам долбоору ишке кирет. Анын негизинде жыштыктар сынак же аукцион аркылуу бөлүштүрүлөт. Мунун аркасында байланыш операторлору атаандаштыктын негизинде жыштыктарды алып колдоно баштайт", — деди вице-министр.

Ошондой эле ал жеке тараптар жыштыкты сатып алып эки жылга чейин колдонбосо, мамлекет аны тартып ала тургандай ченемдер киргизиле тургандыгын кошумчалады.

120
Белгилер:
5G, өкмөт, интернет, Казакстан
Тема боюнча
Исмаилов: 5G түйүнүн киргизүүдө коомчулукка түшүндүрүү иштери жүргүзүлөт
Эксперт интернет уурдалып жатканын кантип билсе болорун айтты
Президент Садыр Жапаров. Архивдик сүрөт

Садыр Жапаров 11-12-мартта Өзбекстанга барат

161
(жаңыланган 13:06 06.03.2021)
Жапаровдун үчүнчү сапарынын статусу жана делегация өкүлдөрүнүн түзүмү азырынча белгисиз. Буга чейин президент Өзбекстандын тышкы иштер министрин кабыл алган.

БИШКЕК, 6-мар. — Sputnik. Мамлекет башчы Садыр Жапаров 11-12-март күндөрү Өзбекстанга барат. Бул тууралуу Sputnik Кыргызстан агенттигине президенттин маалымат катчысы Галина Байтерек билдирди.

Сапардын статусу жана аны кимдер коштоп барары азырынча белгисиз. 

Бул Жапаровдун чет мамлекетке үчүнчү сапары болмокчу. Буга чейин ал Россия менен Казакстанга барган. 27-февралда мамлекет башчы Өзбекстандын тышкы иштер министрин кабыл алган.

161
Белгилер:
президент, сапар, Өзбекстан, Садыр Жапаров
Тема боюнча
Жапаровдун Казакстанга болгон сапарынын биринчи күнү кандай өттү. Видео

Эне жүрөгүн элжиреткен "Шумкарлар". Аскерлер айымдарга белек беришти. Видео

0
Ички иштер министрлигинин "Шумкар" атайын багыттагы полкунун аскерлери энелерин жана көчөдөн өтүп бараткан айымдарды куттуктады.

8-март — Аялдардын эл аралык майрамын утурлай жоокерлер өз апаларын, эжелерин айттырбай барып куттуктап, кубантышкан.

Энелердин жүрөгү элжиреп "силер бактылуу болсоңор, мен бактылуумун" деп алкап жатканын көрүүгө болот. Ал эми көчөдө баратып аскерлердин колунан гүл, открытка алган айымдар көңүлү көтөрүлүп рахматын айтышты.

"Жаздын алгачкы күнү менен келген бул майрамда сиздерге бакыт-таалай, бекем ден соолук, узун өмүр каалайбыз. Бар болуңуздар, кымбаттуу, нур жүздүү, ай-чырайлуу айымдар!" — деп жазылган маалымат кызматы тараткан билдирүүдө.

Видео Ички иштер министрлигинин YouTube каналына жайгаштырылган.

0
Белгилер:
майрам, куттуктоо, айым, эне, Аскер
Тема боюнча
Инспекторлор айдоочу айымдарды ыр окуп, шоколад тартуулап куттуктады. Сүрөт
Кыргызстандык кыздардын көбү канча жашында турмушка чыгат. Статистика