Эс алуучулар. Архив

Саякатташың керек! Өзбекстанда эмгек өргүүнүн жаңы түрү пайда болду

326
(жаңыланган 12:45 10.02.2021)
Эс алуу учурунда кызматкер ата-энеси, өмүрлүк жары, жашы өтүп калган туугандары жана насаатчылары менен саякатташы керек.

БИШКЕК, 10-фев. - Sputnik. Эми өзбекстандыктар эмгек өргүүнүн жаңы түрүн пайдалана алышат. Бул тууралуу өлкө президенти Шавкат Мирзиёевдин жарлыгында айтылганын Sputnik Өзбекстан агенттиги жазды.

Маалыматка караганда, беш күндөн кем эмес эс алуу негизги эмгек өргүүнүн эсебинен эле берилет. Бирок бул учурда кызматкер ата-эне, өмүрлүк жары, жашы өтүп калган туугандары жана насаатчылары менен саякаттаса болот.

Мындай чечим Өзбекстандын ички туризмин өнүктүрүү боюнча документтер иштелип чыккандан кийин кабыл алынган.

Ал эми өлкөнүн Эмгек кодексине ылайык, кызматкер бир жыл ичинде 15 күндөн кем эмес убакыт эс алууга укуктуу.

Мындан эки жыл мурда Мирзиёев Өзбекстанда мамлекеттик кызматкерлер ишембиде саат 17.00гө чейин иштеп, жекшемби күнү таптакыр ишке келбесин деп талап койгон. Мындай чечимин президент адам дем алыш күнүн үй-бүлөсүнө арнашы керек деп түшүндүргөн. Бул үчүн узакка созулган жыйындарды, зарылдыгы жок отчет берүү жана маалымат алуулардын санын кыскартууну тапшырган.

326
Белгилер:
кызматкер, эмгек өргүү, Шавкат Мирзиеев, Өзбекстан
Тема боюнча
Дайыма чарчап жүрөсүзбү? Невролог абалдан чыгуунун жолун айтты
Эркек адамдын колу. Архив

Ташкентте беш студент белгисиз затка ууланып каза болду

71
(жаңыланган 17:55 28.02.2021)
Көз жумган студенттер Ташкент шаарынын Юнусабад районунда менчик турак үйдө жашачу. Алардын үч башка окуу жайда билим алганы да айтылды.

БИШКЕК, 28-фев. — Sputnik. Өзбекстанда беш студент белгисиз затка ууланып каза болду. Бул тууралуу Sputnik Өзбекстан Башкы прокуратуранын маалыматына таянып кабарлады.

Билдирмеге ылайык, көз жумган студенттер Ташкент шаарынын Юнусабад районунда менчик турак үйдө жашачу. Алардын үч башка окуу жайда билим алганы да айтылды.

"Студенттердин сөөгү 27-февралда саат 20:50лөр чамасында табылган. Юнусабад районунун прокуратурасы "Бир нече адамдын өлүмүнө себеп болгон өрт коопсуздук эрежелерин бузуу" беренеси боюнча кылмыш ишин козгогон", — деп жазылат маалыматта.

Башкы прокуратура тергөөнү өз көзөмөлүнө алганы маалым болду.

71
Белгилер:
уулануу, өлүм, студент, Ташкент, Өзбекстан
Тема боюнча
Өрт чыккан үйдөн чиедей беш бир тууган көз жумду. Казакстандагы жүрөк тилген окуя
Мамлекет башчы Садыр Жапаров. Архивдик сүрөт

Садыр Жапаров 2-3-март күндөрү Казакстанга барат

176
(жаңыланган 16:20 27.02.2021)
Коңшу өлкөгө жасалчу сапардын статусу жана программасы азырынча белгисиз. Толук маалымат кийинчерээк берилет.

БИШКЕК, 27-фев. — Sputnik. Мамлекет башчы Садыр Жапаров 2-3-март күндөрү Казакстанга барат. Маалыматты президенттин маалымат кызматы тастыктады.

Сапардын статусу жана программасы азырынча белгисиз. Президенттик аппарат толук маалыматты кийинчерээк берүүнү убадалады.

Белгилей кетсек, жакынкы күндөрү мамлекет башчынын Өзбекстан жана Түркмөнстан өлкөлөрүнө дагы барышы болжолдонууда.

Бул жуманын башында Россияга жумушчу сапары менен барып келген.

176
Белгилер:
сапар, Казакстан, Садыр Жапаров
Тема боюнча
Байланышты өнүктүрөлү. Жапаров Татарстан президенти Минниханов менен жолукту. Сүрөт
Жапаровдун сапары талкууланат. Өзбекстандын тышкы иштер министри Бишкекке келди
Кыргызстандын президенти Садыр Жапаров. Архив

Мектеп куруп берүүнү өтүнгөн балбайлык окуучу Жапаров менен жолукту. Сүрөт

0
(жаңыланган 23:26 28.02.2021)
Сегиз жаштагы бала соцтармак аркылуу президентке кайрылып, мектеп куруп берүүнү өтүнгөн. Алгач өлкө башчынын аны менен жолуга албай турганы айтылып, кийин видео аркылуу сүйлөшкөнү белгилүү болгон.

БИШКЕК, 28-фев. — Sputnik. Балбайлык окуучу Бекболот Турдушев президент Садыр Жапаров менен жолукту. Ал Instagram баракчасына өлкө башчысы менен жолуккан учурда тартылган сүрөттөрүн жарыялаган. 

Посмотреть эту публикацию в Instagram

Публикация от turdushev (@bekbolotturduh)

Президенттин маалымат катчысы Галина Байтерек Sputnik Кыргызстан агенттигинин кабарчысына президент окуучу бала менен жолугууга убада бергенин белгилеп кетти.

Бекболот Турдушев мектебинин эскилиги жеткенин айтып, эки кабат мектеп салып бериңиз деп өлкө башчысына кайрылгандан кийин интернет жылдызына айланган.

Ошондон кийин Бекболоттун Жапаров менен жолуга турганы тууралуу маалымат тараган.

Президенттин маалымат кызматы Жапаров Россияга болчу сапарынын алдында окуучу бала менен жолугуу каралган эмес дешкен.

Көп өтпөй Жапаров видео байланыш аркылуу Бекболот Турдушев менен сүйлөшкөнүн өлкө башчысынын маалымат кызматы кабарлаган.

0
Белгилер:
Бекболот Турдушев, Садыр Жапаров, мектеп, президент, жолугушуу
Тема боюнча
Мектеп куруп берүүнү өтүнгөн балбайлык окуучу Жапаров менен жолукту. Сүрөт