Өзбек бийлиги "Спутник V" вакцинасын каттоого алды
(жаңыланган 13:46 18.02.2021)
Учурда Өзбекстандын атайын комиссиясы 1 миллион доза вакцина сатып алуу боюнча кам көрүүдө. Препарат Россиядан тышкары 27 өлкөдө колдонулуп жатат.БИШКЕК, 18-фев. — Sputnik. Россиянын коронавируска каршы "Спутник V" вакцинасын Өзбекстан өз аймагында каттоого алды. Бул тууралуу Sputnik Өзбекстан агенттиги жазды.
"Россиянын Гамалея илимий борбору иштеп чыккан "Спутник V" вакцинасын Өзбекстан каттоодон өткөрүп, массалык түрдө колдонууга уруксат берилди. Бул маалыматты Россиянын түз инвестициялар фонду дагы тастыктады", — деп айтылат кабарда.
Учурда атайын комиссия 1 миллион доза вакцина сатып алуу боюнча кам көрүүдө.
Препаратты 28 өлкөдө колдонууга уруксат берилди. Алар: Россия, Беларусь, Аргентина, Боливия, Сербия, Алжир, Палестина, Венесуэла, Парагвай, Түркмөнстан, Венгрия, БАЭ, Иран, Гвинея, Тунис, Армения, Мексика, Никарагуа, Сербия, Ливан, Мьянма, Пакистан, Монголия, Бахрейн, Черногория, Сент-Винсент жана Гренадин, Казакстан.
Белгилер:
Казакстан Кыргызстанга болгон авиакаттамдардын санын көбөйтөт
БИШКЕК, 25-фев. — Sputnik. Казакстан Кыргызстанга дагы эки авиакаттам ачууну пландап жатат. Бул тууралуу Sputnik Казакстан билдирди.
©
Sputnik / Табылды Кадырбеков
Азыркы тапта Алматы — Бишкек — Алматы багыты боюнча жумасына эки авиарейс каттап жатат.
Белгилер:
Кыргызстан менен Корея соттолгон жарандарын алмашуу боюнча келишим түзүп жатат
(жаңыланган 11:44 24.02.2021)
Буга чейин өлкөнүн Башкы прокуратурасы Кореянын Адилет министрлиги менен кылмыш иштери боюнча эл аралык келишимге кол койгон.БИШКЕК, 24-фев. — Sputnik. Кыргызстан менен Корея соттолгон жарандарын алмашуу боюнча келишим түзүп жатат. Аталган макулдашууну ратификациялоо тууралуу мыйзам долбоору Жогорку Кеңеште биринчи окууда каралды.
Башкы прокурордун орун басары Турусбек Ишеналиевдин айтымында, учурда Кореяда иштеп жана окуп жүргөн 6000ден ашуун кыргызстандык бар. Ушул күнгө чейин ал жакта эки мекендеш соттолуп, бирөө жазасын өтөп чыккан. Ал эми өлкөдө алты кореялыктын жазык иши каралууда.
Ошондой эле ал буга Башкы прокуратура Кореянын Адилет министрлиги менен жазык иштери боюнча өз ара укуктук жардам көрсөтүү жана соттолгон адамдарды өткөрүп берүү тууралуу эл аралык келишимге кол койгонун белгиледи.
АКШ Кыргызстандан үйрөнсүн. Мамдума төрагасы Жапаров менен жолуккан видео
Володин бүгүнкү жолугушуу эки өлкөнүн мамилелеринин жаңы барактарын ачууга өбөлгө болоруна ишеним артты.
"Сиздин келишиңиз жана бүгүнкү жолугушуу өнүгүүнүн жаңы бийиктиктерине чыгууга, анын ичинде парламенттер аралык мамилелерди арттырат деген ниеттемин. Биз парламенттик кызматташуунун алкагындагы маселелерди талкуулап, сүйлөшөбүз", — деди Мамдума спикери.
Ошондой эле ал Садыр Жапаровду президент болуп шайланышы менен куттуктады.
"Биздин байкоочулар шайлоодо атаандаштык, ачыктык жана легитимдүүлүк жогорку деңгээлде болду деген пикирге келишти. Кыргызстандагы шайлоо АКШга караганда ачык өттү. Кошмо Штаттары ар дайым алардан үйрөнүү керектигин айтып келген, эми өздөрү сиздерден үйрөнүшү керек. АКШга караганда Кыргызстандагы шайлоого ишенсе болот", — деди Володин.
©
Sputnik / Владимир Астапкович
Ал эми Жапаров жаңы чакырыктар менен коркунучтарга, анын ичинде вирус коркунучуна, ошондой эле эл аралык терроризм менен экстремизмге каршы күрөшүүдө жана коопсуздукту камсыз кылууда эки өлкөнүн парламенттеринин күч-аракетин бириктирүү маанилүү экенин белгиледи.