Контейнер. Архив

Мирзиёевден тил уккан аким контейнер үйдө жашамай болду. Сүрөттөр

1523
(жаңыланган 10:07 22.02.2021)
Мирзиёев аталган облустун жашоо шарты менен таанышып жүрүп, Бунёдкор айылына капысынан кире кетүүнү чечкен. Жашоочулар кыштакта таза суу, газ жоктугун, жолдор талкаланганын, таштанды көйгөйү бар экенин айтып даттанышкан.

БИШКЕК, 22-фев. — Sputnik. Наманган облусунун акими Шавкатжон Абдуразаков президент Шавкат Мирзиёевден катуу сын уккандан кийин жашоо шарты өтө татаал Бунёдкор айылына көчүп барып, контейнерде жашайм деген чечим кабыл алды. Бул тууралуу Sputnik Өзбекстан агенттиги жазды.

Мирзиёев аталган облустун жашоо шарты менен таанышып жүрүп, Бунёдкор айылына капысынан кире кетүүнү чечкен. Жашоочулар кыштакта таза суу, газ жоктугун, жолдор талкаланганын, таштанды көйгөйү бар экенин айтып даттанышкан.

Жыйынтыгында өлкө башчы облус жетекчисин жана бир катар аткаминерлерди катуу сынга алган.

Көп өтпөй облус акими Шавкатжон Абдуразаков жергиликтүү эл менен жолугуп, көйгөйдү жеринен чечип, элдин турмушун өзүнүн жон териси менен сезүү үчүн Бунёдкор айылына көчүп келерин айтты.

"Эми мен силердин кошунаңар болом. Айыл жетекчилигинин имаратынын жанына контейнер койдуруп, ошол жерде жашайм. Сыртында "Облус акиминин үйү" деген жазуу болот", — деди Абдуразаков жарандарга.

Маалыматка караганда, ал биринчилерден болуп көп жылдан бери каралбай келген таштанды полигонун жаап, анын ордуна үч гектар жерге таштанды иргөө боюнча ишкана ачууну пландап жатат.

1523
Белгилер:
контейнер, сын, аким, Шавкат Мирзиеев, Өзбекстан
Тема боюнча
Өрт чыккан үйдөн чиедей беш бир тууган көз жумду. Казакстандагы жүрөк тилген окуя
Өзбекстан COVID-19га каршы вакцинаны алгач мигранттарга сайып берет
Буйрук бергенге гана көнгөн. Марипов Монополия менен күрөшүү агенттигин сындады

Казакстандык жана украиналык футболчулар мушташа кетип, оюн токтоду. Видео

210
(жаңыланган 16:09 01.03.2021)
Казакстандык "Окжетпес" жана украиналык "Верес" футбол клубдарынын беттеши массалык мушташтан улам токтотулду.

Жолдоштук беттеш Түркиянын Белек аймагындагы машыгуу базасында өткөн.

Оюн достук маанайда башталып, казакстандыктар эсепти ачкан. Биринчи бөлүктүн 29-мүнөтүндө украиналыктардын коргоочусу Дмитрий Немчанинов орой ойноп, казакстандык оюнчу ага каршы атырылган. Чырды токтотуунун ордуна алмашууда турган оюнчулар, машыктыруучулар штабы оюн талаасына чуркап чыгып, мушташа кетишкен.

Калыстар оюнду токтотууга аргасыз болушкан. Эсеп 1:1 болчу.

Кийинчерээк "Окжетпес" клубу бул ички чемпионатка карата даярдык иретинде өткөрүлгөн беттеш экенин билдирген.

"Матч бейрасмий экенине карабай орой жана кооптуу өттү. Мындай оюндан кийин жаракат алган оюнчу футболго жараксыз болуп калышы да толук мүмкүн. Беттеш токтотулуп, командалар тарап кетти", — деген казакстандык команда.

Өз кезегинде "Верестин" башкы машыктыруучусу Юрий Вирт мындай чырдын чыкканына казакстандыктардын ашкере орой ойногону себеп болгонун айтты.

210
Белгилер:
мушташ, беттешүү, Түркия, Украина, Казакстан, футбол
Тема боюнча
Бразилия чемпионатынын финалында футболчулар массалык мушташ чыгарышты. Видео
Кыргызстандын президенти Садыр Жапаров Казинформ агенттигине берген маек учурунда

Жапаров: бала кезде Брежневдей болом деп кыялданчумун

87
(жаңыланган 16:06 01.03.2021)
Мамлекет башчы мурдатан эле президент болуу максаты бар экенин, бирок качан ишке ашарын билбегенин ачык айткан.

БИШКЕК, 1-мар. — Sputnik. Бала кезде СССРдин башчысы Леонид Брежневдей болууну кыялдангам. Бул тууралуу президент Садыр Жапаров Казакстандын "Казинформ" маалымат агенттигине берген маегинде билдирди.

Сөз башында эле журналист мамлекет жетекчисинен "жарым жыл мурун кыргыз элин башкарам деп ойлодуңуз беле?" деген суроо узаткан.

"Жарым жыл мурун эле эмес, эгер чынын айтсам, ата-энем КПССтин съездин көрөт эле. Бир тууган эжем Жогорку Кеңешке депутат болчу, КПССтин съезди болгон сайын Москвага кетчү. 4-5-класста болсо керек, мен дагы ата-энеме кошулуп кызыгып телевизор көрөр элем. Брежнев сүйлөп жатса, мен дагы Брежневдей болом дечүмүн. Ичимде ушундай кыялым болгон", — деп жооп берди ал.

Ошондой эле ал мурдатан эле президент болуу максаты бар экенин, бирок качан ишке ашарын билбегенин кошумчалаган. Мындан тышкары, кан төгүүгө жол бербей, тынчтыкты сактап калганына сүйүнөрүн билдирген.

87
Белгилер:
Леонид Брежнев, кыял, президент, Садыр Жапаров
Тема:
Жапаровдун Казакстанга болгон иш сапары
Тема боюнча
Садыр Жапаров Казакстандан кийин Кытай, Түркияга иш сапар менен барат
Жапаров үй-бүлөсүнүн Кытай менен эмне байланышы бар экенин айтып берди
Кыргызстандагы Тянь-Шань тоолору. Архив

Шейшембиге карата аба ырайы

0
2-мартка караган түнү республиканын тоолуу райондорунда кар көчкү түшүүсү ыктымал. Жолдорго муз тоңуп, тайгак болот. Унаалардын ортосундагы 500 метрлик аралык чектелиши зарыл.

БИШКЕК, 1-мар. — Sputnik. Шейшембиде күндүз өлкө боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Абанын температурасы Чүй облусунда +10…+15, Талас, Ош, Жалал-Абад, Баткен аймактарында +11…+16, Ысык-Көл жергесинде +4…+9, Нарын өрөөнүндө -1…+4 градус болору айтылды.

Бишкек жана Ош шаарларында жаан-чачын болбойт. Күндүн табы борбордо +13…+15, Ош шаарында +14…+16 градус болот.

0
Белгилер:
Кыргызстан, март, аба ырайы
Тема боюнча
Кайрадан суук түшөбү? Мартка карата аба ырайы