Дүкөндүн ишкери. Архив

Павлодарда сатуучу аял куралчан каракчыга катуу каршылык көрсөттү. Видео

Куралчан шектүүнү павлодардык полиция колго түшүргөн. Ал жасаган кылмышы үчүн 12 жылга эркинен ажыратылышы ыктымал.

БИШКЕК, 6 мар — Sputnik. Казакстандын Павлодар шаарында эки дүкөндү тоноого шектелген жаран кармалып, камакка алынды. Бул тууралуу жергиликтүү полицияга таянып Sputnik Казакстан жазды.

Шектүү 1-мартта Кенжекол айылындагы "Керемет" дүкөнүнөн акча тоноого аракет жасаган.

Посмотреть эту публикацию в Instagram

Публикация от Павлодар (@pavlodar.times)

Окуянын видеосу социалдык тармактарга чыккан. Кадрда көрүнүп тургандай, эркек адам тапанчага окшогон буюм менен сатуучу аялды коркутуп, тоноого аракет жасайт. Бирок сатуучу эч коркпостон ага каршылык көрсөтөт. Видеого жазылган комментарийлерде окуя Кенжекол айылындагы "Керемет" дүкөнүндө болгону белгиленет.

Шектүү ошол эле күнү буга окшогон дагы бир кылмышты жасаган. Павлодардагы дүкөндөрдүн биринде ал коркутуу жолу менен сатуучудан 120 000 теңгени карактап кеткен.

"Ыкчам издөө иштеринин натыйжасында бир сааттын ичинде кылмыш ишинин бети ачылган", — деген аймактагы полиция департаментинин башчысы Нурлан Масимов.

Ал белгилегендей, аталган кылмыштарга шектелип мурда соттолгон, 22 жаштагы Павлодардын тургуну кармалган. Тонолгон акчалар андан алынган.

Кармалган жаран камакка алынды. Учурда Кылмыш кодексинин 192 "каракчылык" беренеси боюнча териштирүү жүрүп жатат.

Белгилер:
сатуучу, видео, Казакстан, дүкөн, тоноо, кылмыш
Тема боюнча
Сумкасын жула качкан ууруну кубалап жетип, күрөшүп, айласын кетирген аял. Видео
Телевизор уурдагандардын кылыгы соцтармакты күлкүгө салды. Видео
Төөлөр. Архив

Кытайда төөлөр үчүн өзгөчө жол чырак орнотулду. Сүрөт

Мындай жол чырак азырынча дүйнөнүн бир да жеринде жок экени айтылды. Ал Кытайдын туристтер көп барган шаарына коюлган.

БИШКЕК, 19-апр.— Sputnik. Кытайда төөлөр үчүн өзгөчө жол чырак орнотулганын China News басылмасына таянып Sputnik Өзбекстан кабарлады.

​Маалыматка ылайык, жабдуу туристтер көп барган Дуньхуан шаарына орнотулган.

"Чет элдик саякатчылар Минша тоосуна, Могао чөлүндөгү храмдарга, Юмэнь жана Янгуань ашууларына көп барат. Бирок ал жакта төөлөр да арбын. Мындан улам эки жак бири-бирине тоскоолдук жаратпаш үчүн жол чырак коюлган", — деп жазылат билдирмеде.

Жергиликтүү бийлик белгилегендей, жол чырак кыймылдын коопсуздугун камсыз кылат жана дүйнөдө мындай жабдуулар азырынча жок.

Жол чыракта төөнүн сүрөтү жашыл болуп күйгөндө төөлөр өтөт, бул учурда туристтер токтоп турушу шарт. Төөнүн сүрөтү кызыл болгондо жаныбарлар токтоп, элди өткөрө турганы айтылды.

Белгилер:
турист, жол чырак, төө, Кытай
Тема боюнча
Токмокто "Коопсуз шаардын" камералары орнотулуп жатат. Карта
Кыргызстандык гимнаст Аина Маратова цирк өнөрү боюнча балдар арасындагы эл аралык фестивалда алтын медаль утту

Кыргызстандык гимнаст Ташкенттеги эл аралык фестивалда алтын утту. Видео

(жаңыланган 16:45 18.04.2021)
"Жибек Жолу" деп аталган балдар сынагы 15-17-апрелде Ташкент шаарында өткөн. Ага 8 жаштан 16 жашка чейинки балдар-кыздар катышкан.

БИШКЕК, 18-апр.— Sputnik. Кыргызстандык гимнаст Аина Маратова цирк өнөрү боюнча балдар арасындагы эл аралык фестивалда алтын медаль утту. Бул тууралуу Sputnik Өзбекстан кабарлады.

Юная гимнастка из Кыргызстана Аина Маратова завоевала золотую медаль международного фестиваля детского циркового искусства Шелковый путь в Ташкенте
© Фото / предоставлено Аидой Акматовой
Кыргызстандык гимнаст Аина Маратова цирк өнөрү боюнча балдар арасындагы эл аралык фестивалда алтын медаль утту

Ага ылайык, "Жибек Жолу" деп аталган балдар сынагы 15-17-апрелде Ташкент шаарында өткөн. Ага 8 жаштан 16 жашка чейинки балдар-кыздар катышкан.

Кыргызстан, Өзбекстан, Кытай жана Казакстандан барган катышуучулар өнөрлөрүн мамлекеттик циркте көрсөтсө, Россия менен Украинанын артисттери коронавирус пандемиясынан улам номерлерин онлайн тартуулашкан.

Кыргызстандык жаш гимнаст кызды Аида Акматова жетектеп барып, ал буту менен жаа аткан. Сынактын аягында Аина Маратова биринчи орунду ээлеп алтын медаль тагынса, дагы бир алтын өзбекстандык Далер Хаметовго буюрган.

Экинчи орунду Өзбекстандын атынан катышкан Анастасия Бобылева менен Мубина Ганиева алса, үчүнчү орун өзбекстандык Ксения Конюшенко, Ксения Бобровага жана Украинанын атынан катышкан Анна Левинага берилген. Гран-прини казакстандык Арина Стаценко алып кеткен.

Белгилер:
сынак, өнөр, цирк, Ташкент, Өзбекстан
Тема боюнча
Сүйүнчү! Айсулуу Тыныбекова төртүнчү ирет Азия чемпиону болду

Россия тик учактын ордун баса турчу чакан аэромобилдерди чыгарат. Видео

Россиянын Перспективдүү изилдөөлөр фонду "Циклон" долбоорунун алкагында "Циклокар" деп аталган инновациялык аэромобиль чыгаруу иштерин баштады.

Бул машина 600 килограммдык жүк көтөрүүгө ылайыкталып, ичине алты адам батат. Муну жүзөгө ашыруу иштерин Россия Илимдер академиясынын Сибирдеги бөлүмүнүн Теплофизиктер институту аткарары айтылды.

Биринчи этапта машинанын алдын ала долбоору даярдалган. Ошондой эле диаметри 1,5 метрлик циклдүү кыймылдаткычын жерден сынап көрүшкөн. "Циклокардын" жалпы көлөмү (узун-туурасы) 6,2 жана 6 метрди түзөт, саатына 250 чакырымга чейинки ылдамдыкта жүрөт. Ал эми тыным албай 500 чакырымга чейин жетсе болору белгиленген.

Аэромобиль тик учакка салыштырмалуу чакан эмес, ал имараттардын четине токтоп ичиндеги адамдарды түшүрүүгө да ылайыкташкан.

Белгилер:
кыймылдаткыч, Россия, унаа, чыгаруу, учуу
Тема боюнча
Гонконгдо пандемиядан улам робот-бармендер иштей баштады. Видео