Байкер кыр. Архив

Японияда суйкайып көрүнгөн байкер кыз 50 жаштагы киши болуп чыкты. Сүрөт

(жаңыланган 13:26 19.03.2021)
Айрым колдонуучулар кыздын сүрөттөрүнүн биринде күзгүдөн таптакыр башка адам чагылышканын байкаган. Колдонуучулар дагы бир сүрөттө селфи тартып жаткан кол эркектики экенин көрүп калышкан.

БИШКЕК, 19-мар. — Sputnik. Японияда социалдык тармактарда Yamaha мотоцикли менен популярдуу болгон байкер кыз 50 жаштагы эркек киши болуп чыкты. Бул тууралуу The Daily Mail басылмасы жазды.

​"Байкер кыз" соцтармакта @azusagakuyuki аттуу ник менен таанылган. Ал мотоциклге болгон кызыгуусу, айдап гана чектелбестен өзү эле оңдоп коёрун айтып берип келген.

​Интернет колдонуучулар болсо анын мотоцикл менен түшкөн сүрөттөрүнө суктанып келишкен.

​Кийинчерээк айрым колдонуучулар кыздын сүрөттөрүнүн биринде күзгүдөн таптакыр башка адам чагылышканын байкаган. Колдонуучулар дагы бир сүрөттө селфи тартып жаткан кол эркектики экенин байкашкан.

Кийинчерээк аккаунттун ээси дагы жаңылыштыктарды кетирген. Мындан улам фанаттар аккаунттагы сүрөттөр жасалма экенин болжолдошкон. Көп өтпөй бул окуяга япониялык журналисттер кызыгышып, блогдун авторун аңдышкан. Журналисттер тобу "байкер кыз" шлемин алмаштырып жатканда анык жүзүн көрсөткөнүн байкап калышкан. Ал 50 жаштагы Цзунгу аттуу эркек киши болуп чыккан.

​Камера тартып жатканын байкаган Цзунгу жасаган ишин танбастан, баарын мойнуна алган. Ал улгайган кишини эч ким карагысы келбейт деп эсептеп, "сулуу аялдын" образын тандаганын айткан.

Өң келбетти өзгөртүү үчүн блогер FaceApp тиркемесин колдонгон. Тиркеменин айрым бир фильтри сүрөттөгү адамдын "жынысын өзгөртүүгө" мүмкүнчүлүк берет.

Белгилер:
таасирлүү, сүрөт, мотоцикл, байкер, Япония
Тема боюнча
Аарыларды жылаңач колу менен коркпой кармаган кыздын видеосу
Кыргыз-тажик чек арасы. Архивдик сүрөт

Кыргыз-тажик чек арасында чыр чыкты. Чоо-жайы

(жаңыланган 19:37 17.04.2021)
Окуя тууралуу Баткен жана Согди облустарынын жетекчилери сүйлөшкөн. Учурда чек аралаш аймактарда абал туруктуу экени айтылды.

БИШКЕК, 17-апр. — Sputnik. Бүгүн Баткен районунун Тажикстан менен чектешкен Ак-Сай айыл аймагында эки элдин ортосунда пикир келишпестик жаралган. Бул тууралуу өкмөттүн аталган облустагы өкүлчүлүгүнүн маалымат кызматы билдирди.

Чыр Ак-Суу дарыясында жайгашкан башкы суу бөлүштүрүүчү жайдын айланасында чыккан. Баткен райондук суу чарба ишканасынын кызматкерлери тарабынан оңдоп-түзөө жумуштары жүрүп жаткан учурда Тажикстандын чек арачылары келип ишти токтотууну талап кылышкан. Натыйжада эки жак талашып-тартыша кетишкен.

"Окуя болгон аймакка Баткен жана Исфара райондорунун акимдери башында турган тийиштүү жетекчилер барып, сүйлөшүүлөр жүрдү. Кыргыз өкмөтүнүн Баткендеги өкүлү Өмүрбек Суваналиев жана облустук күч түзүмдөрүнүн жетекчилери да аймакта болуп, облус башчысы Согди облусунун аткаруу бийлигинин төрагасы Раджоббой Ахмадзода менен телефон аркылуу сүйлөштү.Тараптар бул маселе боюнча 22-апрелде Өзбекстандын Фергана шаарында өтүүчү форумдун алкагында жолугуп, талкуулоону макулдашышты", — деп айтылат маалыматта.

Ал эми 18-апрелде Баткен жана Исфара райондорунун акимдеринин деңгээлиндеги сүйлөшүүлөр уланат.

Белгилей кетсек, оңдоп-түзөө жумуштарынын негизги бөлүгү аяктады. Маалыматта тажик тараптын жумуштарды биргеликте жасоо талабына кыргыз тарап макул болбогону айтылды. Учурда Баткен облусунун чек аралаш аймактарында абал туруктуу. 

Белгилер:
Өмүрбек Суваналиев, сүйлөшүүлөр, Чыр-чатак, жер, Баткен, Тажикстан, Кыргызстан
Тема боюнча
Депутаттар жабык эшик артында чек ара боюнча Ташиевден маалымат угуп жатат
Билбей туруп мени сындап жатышат. Ташиев чек ара маселеси боюнча

Кыргызстандык Эрназар Алматыдагы мелдеште мыкты ыкма жасаган спортчу болду. Видео

(жаңыланган 17:13 17.04.2021)
Бириккен күрөш дүйнөсү Кыргызстандын эркин күрөш боюнча балбаны Эрназар Акматалиевдин Алматыда өткөн лицензиялык турдагы таймаштарынын (чейрек финал, жарым финал жана финал) видеосун жарыялады.

Уюштуруучулар Акматалиевдин эркин күрөш боюнча спортчулардын арасынан ыкмаларды эң мыкты аткарганын айтышты.

65 килограмм салмакта күч сынашкан Акматалиев жарым финалда өзбекстандык тажрыйбалуу спортчу Ильяс Бекбулатов менен кармашты. Кыргыз балбаны 8:0 эсебинде утулуп жатканына карабай аракетин улантып, адегенде эки, анан төрт упайлык ыкма жасап, анын артынан эле атаандашынын далысын жерге тийгизип, таза жеңишке жеткен

Ал эми чейрек финалда түркмөн атлети Керим Ходжаковду 5:1 эсебинде жеңип алган.

Белгилер:
эркин күрөш, видео, мелдеш, Алматы, Эрназар Акматалиев
Тема боюнча
Аягына чейин кармашып. Эрназар Акматалиев Алматы мелдешинен алтын байге утту
Ири эсеп менен утулуп жатып жеңишке жеткен Акматалиевдин кубанган видеосу
Жамгырдуу аба ырайы. Архивдик сүрөт

Жекшембиге карата аба ырайы

Жекшембиге караган түнү Ош, Жалал-Абад жана Баткен облустарынын кээ бир райондорунда жамгыр, тоолуу жерлеринде кар жаайт.

БИШКЕК, 17-апр. — Sputnik. 18-апрель күнү күндүз өлкөнүн көпчүлүк аймактарында мезгил-мезгили менен жаан, тоолуу райондордо кар жаашы күтүлөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.

Абанын температурасы Чүй менен Таласта +16...+21, Ош, Жалал-Абад жана Баткен облустарында +17..+22, ал эми Ысык-Көл, Нарын жергесинде +11...+16 градус болору айтылды.

Бул күнү Бишкек, Ош шаарларында жамгыр жаашы мүмкүн. Күндүн табы Бишкекте +19...+21, Ошто +20...+22 градуска көтөрүлөт.

Белгилер:
Кыргызстан, апрель, аба ырайы
Тема боюнча
Жайдагыдай ысыйт! Май айына карата аба ырайы