Казакстандык ырчы Кайрат Нуртас. Архивдик сүрөт

Тойго барып, карантинди бузган Кайрат Нуртас. Ызы-чууга кабылган ырчынын видеосу

(жаңыланган 13:02 27.03.2021)
Интернетке тараган видеодо көрүнүп тургандай, казакстандык ырчылар айыптоолордон качуу үчүн ресторандан жанталашып чыгып бара жатышат.

БИШКЕК, 27-мар. — Sputnik. Казакстандык ырчы Кайрат Нуртас карантин учурунда Алматы шаарында жашыруун иштеп жаткан ресторанга бара калам деп ызы-чууга кабылды. Бул тууралуу Sputnik Казакстан кабарлады.

Көзөмөл жүргүзгөн топ Нуртас менен анын кесиптеши Кенжебек Жанабиловду 80 адам менен көңүл ачуучу жайдан кармап калган.

Интернетке тараган видеодо көрүнүп тургандай, казакстандык ырчылар айыптоолордон качуу үчүн ресторандан жанталашып чыгып бара жатышат. Маалым болгондой, ресторан ээлери көзөмөл кылган топко эшикти үч саатка чейин ачпай, киргизбей турушкан. Жумушчу топтун өкүлдөрү көңүл ачуучу жайда электр жарыгын өчүргөндөн кийин гана киришкен. Ресторанды текшерүү учурунда эки тараптын адамдары ортосунда мушташ чыгып, тартуу тобунун аппаратурасын жабыркаткан.

Жыйынтыгында полициянын райондук бөлүмүнө 200 адам жеткирилген. Нуртас жана башка тойдун катышуучуларына 87 миң теңге (206 доллар) айып салынган. Ал эми көңүл ачуучу жайдын ээси 670 миң теңге (1,5 миң доллар) төлөөгө милдеттендирилген.

Кийинчерээк казакстандык аткаруучу Instagram баракчасы аркылуу ресторанда болгон окуя боюнча үн каткан.

"Ассалам алейкум! Эмне жөнүндө кеп болуп жатат? Мени качып кетти деп айтып жатышабы? Кудайга шүгүр, биз Алматыдабыз. Кечээ биз байкелердин биринин туулган күнүнө барганбыз. Мени кармагылары келгенин билбейм. Аллах баарын көрүп турат. Жакшы тургула!" — деп жазган Нуртас.
Посмотреть эту публикацию в Instagram

Публикация от Sputnik Казахстан (@sputniknewskz)

Маалым болгондой, бир нече күн мурда Кайрат Нуртас Семейдеги тойго барган.

Белгилер:
уруш, той, ресторан, Кайрат Нуртас, Алматы
Тема:
Дүйнөгө жайылган коронавирус (1375)
Тема боюнча
Казакстанда COVID күч алды. Бир суткада оорудан 22 киши көз жумду
Кыргыз-тажик чек арасы. Архивдик сүрөт

Кыргыз-тажик чек арасында чыр чыкты. Чоо-жайы

(жаңыланган 19:37 17.04.2021)
Окуя тууралуу Баткен жана Согди облустарынын жетекчилери сүйлөшкөн. Учурда чек аралаш аймактарда абал туруктуу экени айтылды.

БИШКЕК, 17-апр. — Sputnik. Бүгүн Баткен районунун Тажикстан менен чектешкен Ак-Сай айыл аймагында эки элдин ортосунда пикир келишпестик жаралган. Бул тууралуу өкмөттүн аталган облустагы өкүлчүлүгүнүн маалымат кызматы билдирди.

Чыр Ак-Суу дарыясында жайгашкан башкы суу бөлүштүрүүчү жайдын айланасында чыккан. Баткен райондук суу чарба ишканасынын кызматкерлери тарабынан оңдоп-түзөө жумуштары жүрүп жаткан учурда Тажикстандын чек арачылары келип ишти токтотууну талап кылышкан. Натыйжада эки жак талашып-тартыша кетишкен.

"Окуя болгон аймакка Баткен жана Исфара райондорунун акимдери башында турган тийиштүү жетекчилер барып, сүйлөшүүлөр жүрдү. Кыргыз өкмөтүнүн Баткендеги өкүлү Өмүрбек Суваналиев жана облустук күч түзүмдөрүнүн жетекчилери да аймакта болуп, облус башчысы Согди облусунун аткаруу бийлигинин төрагасы Раджоббой Ахмадзода менен телефон аркылуу сүйлөштү.Тараптар бул маселе боюнча 22-апрелде Өзбекстандын Фергана шаарында өтүүчү форумдун алкагында жолугуп, талкуулоону макулдашышты", — деп айтылат маалыматта.

Ал эми 18-апрелде Баткен жана Исфара райондорунун акимдеринин деңгээлиндеги сүйлөшүүлөр уланат.

Белгилей кетсек, оңдоп-түзөө жумуштарынын негизги бөлүгү аяктады. Маалыматта тажик тараптын жумуштарды биргеликте жасоо талабына кыргыз тарап макул болбогону айтылды. Учурда Баткен облусунун чек аралаш аймактарында абал туруктуу. 

Белгилер:
Өмүрбек Суваналиев, сүйлөшүүлөр, Чыр-чатак, жер, Баткен, Тажикстан, Кыргызстан
Тема боюнча
Депутаттар жабык эшик артында чек ара боюнча Ташиевден маалымат угуп жатат
Билбей туруп мени сындап жатышат. Ташиев чек ара маселеси боюнча

Кыргызстандык Эрназар Алматыдагы мелдеште мыкты ыкма жасаган спортчу болду. Видео

(жаңыланган 17:13 17.04.2021)
Бириккен күрөш дүйнөсү Кыргызстандын эркин күрөш боюнча балбаны Эрназар Акматалиевдин Алматыда өткөн лицензиялык турдагы таймаштарынын (чейрек финал, жарым финал жана финал) видеосун жарыялады.

Уюштуруучулар Акматалиевдин эркин күрөш боюнча спортчулардын арасынан ыкмаларды эң мыкты аткарганын айтышты.

65 килограмм салмакта күч сынашкан Акматалиев жарым финалда өзбекстандык тажрыйбалуу спортчу Ильяс Бекбулатов менен кармашты. Кыргыз балбаны 8:0 эсебинде утулуп жатканына карабай аракетин улантып, адегенде эки, анан төрт упайлык ыкма жасап, анын артынан эле атаандашынын далысын жерге тийгизип, таза жеңишке жеткен

Ал эми чейрек финалда түркмөн атлети Керим Ходжаковду 5:1 эсебинде жеңип алган.

Белгилер:
эркин күрөш, видео, мелдеш, Алматы, Эрназар Акматалиев
Тема боюнча
Аягына чейин кармашып. Эрназар Акматалиев Алматы мелдешинен алтын байге утту
Ири эсеп менен утулуп жатып жеңишке жеткен Акматалиевдин кубанган видеосу
Жамгырдуу аба ырайы. Архивдик сүрөт

Жекшембиге карата аба ырайы

Жекшембиге караган түнү Ош, Жалал-Абад жана Баткен облустарынын кээ бир райондорунда жамгыр, тоолуу жерлеринде кар жаайт.

БИШКЕК, 17-апр. — Sputnik. 18-апрель күнү күндүз өлкөнүн көпчүлүк аймактарында мезгил-мезгили менен жаан, тоолуу райондордо кар жаашы күтүлөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден айрым жерлерде 15-20 метрге жетет.

Абанын температурасы Чүй менен Таласта +16...+21, Ош, Жалал-Абад жана Баткен облустарында +17..+22, ал эми Ысык-Көл, Нарын жергесинде +11...+16 градус болору айтылды.

Бул күнү Бишкек, Ош шаарларында жамгыр жаашы мүмкүн. Күндүн табы Бишкекте +19...+21, Ошто +20...+22 градуска көтөрүлөт.

Белгилер:
Кыргызстан, апрель, аба ырайы
Тема боюнча
Жайдагыдай ысыйт! Май айына карата аба ырайы