Медициналык кызматкер Нур-Султандагы поликлиникада. Архив

Казакстанда вирус күч алып, Тажикстан аны жеңдик деп жатат. COVID боюнча абал

(жаңыланган 13:21 28.03.2021)
Акыркы учурда Борбор Азия өлкөлөрүндө коронавирус жуктургандардын саны кайрадан көбөйүп бара жатканы айтылып, акырындык менен чектөөлөр киргизилип жатат.

БИШКЕК, 28-мар. – Sputnik. Коңшу өлкөлөрдүн ичинен Казакстан жана Өзбекстанда коронавирус жуктургандардын саны кайрадан күч алып бара жатканын көрүүгө болот. Бир гана Тажикстан бийлиги эпидемиологиялык абал турукташканын айтып, жай турмушка кайтууда.

Өткөн суткада Казакстанда 1 596 адам коронавирус жуктурду. Ооругандардын басымдуу бөлүгү Алматы жана Нур-Султан шаарларында болуп жатат. Ошондой эле вирустан каза тапкан бейтаптардын саны күн сайын 20га чукулдап барат. Акыркы 24 саат ичинде эле коңшу өлкөдө коронавирус менен пневмония илдетинен 17 казакстандык көз жумду.

Ошол эле учурда Өзбекстандын Санитардык-эпидемиологиялык туруктуулук жана коомдук саламаттык кызматынын жетекчисинин орун басары Нурмат Отабеков буга чейин күн сайын ооругандардын саны элүүнүн тегереги болуп келсе, өтүп бара жаткан аптада бул көрсөткүч 100дөн ашканын айтты.

"Бул нерсе көбүнчө балдарды жабыркатчу коронавирустун "британиялык" штаммынын тарап кетиши менен байланыштуу болушу мүмкүн", — деди адис.

Ал ортодо Кыргызстанда дагы SARS-CoV-2 вирусун жуктургандар көбөйүп, акыркы суткада алардын саны 146га жетти. Ооругандардын көпчүлүгү Бишкек шаарынын тургундары. Мындан улам биринчи вице-премьер Артём Новиков өлкө аймагында азырынча чектөө киргизилбей турганын, бирок эл көп чогулган жерде санитардык нормалардын сакталышын көзөмөлдөө күчөтүлөрүн айтты.

Ошол эле учурда Тажикстандын президенти Эмомали Рахмон COVID-19ду тажик эли жеңгенин айтууда. Расмий маалыматтарга караганда, жыл башынан бери коронавирустун жугушу боюнча бир дагы учур каттала элек. Андыктан үлпөт тойлорго көп киши чакырып, шаан-шөкөт өткөрүүгө кайрадан уруксат берилди.

Мурда жаш жубайлар тоюна 40 киши чакыра алса, азыр коноктордун саны 100гө чейин көбөйтүлдү.

Ошондой эле коңшулар бир топ өлкөгө аба мейкиндигин ачты.

Белгилер:
абал, коронавирус, Казакстан, Тажикстан, Өзбекстан, Кыргызстан
Тема:
Дүйнөгө жайылган коронавирус (1369)
Тема боюнча
Алматыда коронавирустун британиялык жана түштүк африкалык штаммы аныкталды
COVID жуктургандар көбөйсө Бишкекке кандай чектөөлөр киргизилет
Премьер-министр Улукбек Марипов Кытайдын КРдеги элчиси Ду Дэвэнь менен жолугушу

"Торугарт", "Эркеч-Там" жана Sinopharm боюнча сүйлөштү. Марипов кытай элчисине жолукту

Бүгүнкү күндө коронавируска каршы Sinopharm вакцинасын жети жүздөн ашуун кыргызстандык жаран алган.

БИШКЕК, 9-апр. — Sputnik. Премьер-министр Улукбек Марипов Кытайдын КРдеги элчиси Ду Дэвэнь менен жолугуп, "Торугарт" жана "Эркеч-Там" көзөмөл-өткөрүү жайларынын иши боюнча маселени талкуулады. Бул туурасында өкмөттүн маалымат кызматынан кабаралашты.

  • Премьер-министр КР встретился с чрезвычайным и полномочным послом КНР Ду Дэвэнь. 09 апреля 2021 года
    Премьер-министр Улукбек Марипов Кытайдын КРдеги элчиси Ду Дэвэнь менен жолугуп, "Торугарт" жана "Эркеч-Там" көзөмөл-өткөрүү жайларынын иши боюнча маселени талкуулады
    © Пресс-служба правительства / Алишер Алиев
  • Премьер-министр КР Улукбек Марипов встретился с чрезвычайным и полномочным послом КНР. 09 апреля 2021 года
    Премьер кытай өкмөтү берген Sinopharm вакцинасынын 150 миң дозасына ыраазылыгын билдирип, учурда аны бир нече жүз адам алгандыгын айткан
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Премьер-министр Улукбек Марипов Кытайдын КРдеги элчиси Ду Дэвэнь менен жолугуп, "Торугарт" жана "Эркеч-Там" көзөмөл-өткөрүү жайларынын иши боюнча маселени талкуулады

Премьер кытай өкмөтү берген Sinopharm вакцинасынын 150 миң дозасына ыраазылыгын билдирип, учурда аны бир нече жүз адам алгандыгын айткан.

"Бүгүнкү күндө өлкө боюнча Sinopharm вакцинасын 700дөн ашуун адам алды. Медиктердин айтымында, вакцина алгандардын бардыгынын абалы канааттандырарлык, кандайдыр бир олуттуу терс таасирлери байкалган жок. Биз үчүн тобокелдик зонасына кирген жарандарды вакцинациялоо артыкчылыктуу маселе болуп саналат", — деген Марипов.

Жолугушуунун жүрүшүндө тараптар транспорт, соода, инвестициялар, өлкөлөр ортосундагы авиакаттамдардын жандандырылышы жаатындагы эки тараптуу кызматташтыктын актуалдуу маселелерин, анын катарында "Торугарт" жана "Эркеч-Там" көзөмөл-өткөрүү пунктуларынын ишин талкуулаган.

Марипов белгилегендей, көзөмөл-өткөрүү пунктуларынын толук кандуу иши тараптардын кызыкчылыгына дал келген жүк ташуулардын көлөмүн жогорулатууга жана мындан ары Кыргызстан менен Кытайдын ортосундагы өз ара пайдалуу соода-экономикалык кызматташтыкты кеңейтүүгө өбөлгө түзөт", — деп билдирген маалымат кызматы.

Өкмөт башчы Ду Дэвэнге кеңири чөйрөдөгү маселелер боюнча эки тараптуу кызматташтыкты өнүктүрүүдөгү көмөгү үчүн ыраазычылык билдирип, ошондой эле келечекте Кыргызстан-Кытайдын эки тараптуу мамилелерин, ар тараптуу стратегиялык өнөктөштүгүн чыңдоо үчүн бардык күч-аракетти жумшоого даярдыгын билдирген.

Белгилер:
Ду Дэвэнь, Улукбек Марипов, Эркечтам, Торугарт, Sinopharm, элчи, Кытай, Кыргызстан
Тема боюнча
Кытай элчилиги дипломаттын өлүмү тууралуу окуяга жооп кайтарды
Кытай Кыргызстанга 63 миллион сомдук гуманитардык жардам берди. Сүрөт
Кыргыз-кытай чек арасындагы "Торугарт", "Эркечтам" бекеттери убактылуу жабылат
Тажикстандын президенти Эмомали Рахмон. Архив

Ворух анклавы алмашылабы. Тажик президентинин пикири

(жаңыланган 18:24 09.04.2021)
Буга чейин Камчыбек Ташиев маалымат жыйыны учурунда Кыргызстан Тажикстанга Ворух анклавын Баткендин башка жерлерине алмашууну сунуштаганын билдирген. Коңшу өлкө бул сунушка азырынча жооп бере элек болчу.

БИШКЕК, 9-апр. — Sputnik. Тажикстандын президенти Эмомали Рахмон жумушчу сапары менен Исфара шаарынын Ворух анклавына келди. Бул тууралуу Sputnik Тажикстан жазды.

Коңшу өлкөнүн президенти жергиликтүү тургундар менен болгон жолугушуусунда аларга анклавдын келечеги жөнүндө айтып берген. Иш сапардын алкагында ал "Ширин" маданий-көңүл ачуу жана спорт комплексин ачкан. Ошондой эле бул күнү анклавда Тажикстандын 50 метрлик желеги көтөрүлгөн.

"Ворух анклавы эч качан алмашылбайт, ал Тажикстандын бир бөлүгү бойдон кала берет. Мен сиздерди кыргыз коңшуларыңыз менен достукта жашоого чакырам", — деген тажик президенти.

Рахмондун айтымында, Ворухтун жана бүтүндөй Исфара районунун жашоочулары үчүн Тажикстан менен Кыргызстандын ортосундагы мамлекеттик чек араны делимитациялоо жана демаркациялоо иштери башкы маселелердин бири.

"Тажикстандын бийлиги кыргыз тарап менен тынымсыз сүйлөшүүлөрдү жүргүзүп келет. 2002-жылдан бери эки өлкө чек ара маселелери боюнча 100дөн ашуун жолугушуу өткөрдү. 19 жылдан бери 520 чакырым чек ара тилкеси макулдашылып такталды. Бардык сүйлөшүүлөр учурунда Ворухту башка аймакка алмаштыруу маселеси болгон эмес жана болушу да мүмкүн эмес ", — деп баса белгиледи Рахмон.

Анын пикиринде, кошуналар менен мамиле өз ара урмат-сыйга, толеранттуулукка жана тараптардын улуттук кызыкчылыктарын урматтоого негизделиши керек.

Буга чейин Кыргызстандын УКМК жетекчиси жана чек ара маселелери боюнча өкмөттүк делегациянын төрагасы Камчыбек Ташиев маалымат жыйыны учурунда Кыргызстан Тажикстанга Ворух анклавын Баткендин башка жерлерине (12 миң гектар) алмашууну сунуштаганын билдирген. Коңшу өлкө бул сунушка азырынча жооп бере элек болчу.

Белгилер:
Кыргызстан, Тажикстан, Эмомали Рахмон, Ворух анклавы, жер, билдирүү
Тема боюнча
"Ак-Жол" чек ара бекети 305 млн. сомго оңдолду. Ачылыш аземинен видео
Жалал-Абад менен Намангандын жетекчилери жолугуп, кызматташууну талкуулады
Сууну Өзбекстан башкарып калбайбы? Өкмөттүн жооптуу өкүлү менен видео маек
Кыргызстандык балбан кыз Мээрим Жуманазарова. Архивдик сүрөт

Мээрим Жуманазарова Олимпиадага жолдомо ойнотулган мелдештен күмүш байге утту

(жаңыланган 19:41 10.04.2021)
Мээрим Жуманазарова алгачкы кармашында эле кытайлык кыз менен кез келип жеңилип калган болчу. Кийинки баскычтарда өзүнүн мыкты экенин көрсөтүп, финалдык баскычка жетти.

БИШКЕК, 10-апр. — Sputnik. Кыргызстандык балбан кыз Мээрим Жуманазарова Олимпиада оюндарына жолдомо ойнотулган мелдеште күмүш медаль утту. Казакстандын Алматы шаарында өтүп жаткан мелдештин жүрүшүн United World Wrestling (Дүйнөлүк күрөш уюму) уюмунун расмий сайты түз алып көрсөтүүдө.

68 килограмм салмакта күч сынашкан Мээрим Жуманазарова финалда кытайлык Фэн Чжоу менен таймашып, упай айырмасында жеңилип калды.

Кыргызстандык балбан кыз жарым финалда индиялык Ниша Нишаны 13:3 эсебинде, таза техникалык артыкчылык менен уткан. Ага чейин чейрек финалда казакстандык атаандашы Жамила Бакбергенованы 10:3 эсебинде жеңген.

Эскерте кетсек, мелдеш ушул күндөрү Казакстандын Алматы шаарында өтүп жатат. Турнирдин финалына чыккан атлеттерге Токио Олимпиадасына лицензия берилет.

Буга чейин 76 килограмм салмакта күрөшкөн Айпери Медет кызы бардык атаандаштарын утуп, чемпион болгон.

Ал эми 57 килограммда күрөшкөн Назира Марсбек кызы эки жолу удаасы менен жеңилип, байгелүү орун үчүн таймашуу укугунан четтеп калды.

Кечээ грек-рим балбандарынын арасында таймаш жүрүп, ата мекендик спортчулар Жоламан Шаршенбеков (60 килограмм), Акжол Махмудов (77 килограмм) жана Үзүр Жузупбеков Токио Олимпиадасына жолдомо алышкан.

Бүгүнкү күндө Кыргызстанда жалпысынан 12 лицензия болду. Буга чейин балбан Айсулуу Тыныбекова, Атабек Азисбеков, жөө күлүктөр Мария Коробицкая, Дарья Маслова жана Юлия Андреева, ошондой эле суучул Денис Петрашов жолдомо алышкан.

Белгилер:
финал, мелдеш, лицензия, олимпиада, Мээрим Жуманазарова, күрөш
Тема:
2021-жылы Токиодо өтө турган Олимпиада оюндары
Тема боюнча
Жеңилип, кайра өзүн колго алган Мээрим да Олимпиадага жолдомо утту. Видео
Сүйүнчү! Айпери каршылаштарын баш көтөртпөй жеңип, Олимпиадага жолдомо алды