Түндүк Корея лидеринин карындашы Ким Ё Чжон. Архив

Ким Чен Ындын карындашы Түштүк Корея лидерин "АКШнын тоту кушу" деп атады

(жаңыланган 10:22 30.03.2021)
Маалыматка караганда, Ким Ё Чжон айым коңшу өлкөнүн президенти Түндүк Кореянын ракета учурушуна карата айткан сынына жини келди.

БИШКЕК, 30-мар. — Sputnik. Түндүк Корея лидеринин карындашы Ким Ё Чжон Түштүк Кореянын президенти Мун Чжэ Инге катуу кыжырланып, "АКШнын тоту кушу" деп атады. Бул тууралуу жергиликтүү Борбордук телеграф агенттигине шилтеме берип РИА Новости жазды.

Маалыматка караганда, Ким Ё Чжон айым коңшу өлкөнүн президенти Түндүк Кореянын ракета учурушуна карата айткан сынына жини келди. Президент "Түндүк Кореянын баллистикалык ракеталарды учурушу кырдаалды татаалдатып жатканын, анын ордуна Түндүк, Түштүк Корея АКШ менен диалогго баруусу керектигин" айткан.

"Бул бетпактыктын жеткен чеги! Өткөн жылы Мун Чжэ Ин өздөрүнүн Коргонуу боюнча каражаттарды иштеп чыгуу агенттигине барып, курал-жарактарын көрсөтүп, алар Корей жарым аралын бардык коркунучтардан коргой алат деп мактанган. Эми биздин ошондой эле куралды сынга алып, АКШны ээрчий сүйлөп, өзүнө каршы чыгып жатат", — деди Түндүк Корея лидеринин карындашы.

Буга чейин Түштүк Корея менен Япония Түндүк Корея акыркы учурларда эки ракетасын сынаганын айтып чыгышкан. Биринчисин 21-мартта Сары деңизди көздөй, экинчисин 25-мартта Япон деңизин көздөй учурганын кабарлашкан.

Коомчулук Түндүк Корея баллистикалык ракеталарды сыноо менен БУУнун Коопсуздук кеңешинин резолюциясын бузуп жатат деп сынга алууда.

Белгилер:
Ким Ё Чжон, нааразычылык, сын, президент, ракета, Түштүк Корея, Түндүк Корея
Тема боюнча
Кыргызстанга Түштүк Кореядан автоунаа ташыгандардын саны кескин өстү
Ким Чен Ындын жубайы бир жылдан бери алгачкы жолу эл алдына чыкты
Урук банкы. Архив

Бир атадан көп бала туулбасын. Казакстанда бирдиктүү урук банкын түзүү сунушталды

(жаңыланган 13:23 14.04.2021)
Депутаттын айтымында, Казакстанда урук донорлору аз. Андыктан бир эле атадан туулган балдар кийин бири-бирине үйлөнүп калышы мүмкүн. Демек, улуттук генофонд бузулуп, оорулуу балдар көп боло баштайт.

БИШКЕК, 14-апр. — Sputnik. Казакстандын парламенти өлкөдө бирдиктүү урук банкын түзүүнү сунуштап жатат. Бул тууралуу Sputnik Казакстан агенттиги жазды.

Депутат Бекболат Тлеухан бул нерсе келечекте бир атадан туулган балдардын баш кошуусун алдын алат деп эсептейт.

"Статистикага ишенсек, Казактанда урук донорлору абдан аз. Бирок жылына бир эле клиникада донордук урукту пайдалануу менен төрөлгөн балдардын саны 70тен ашат. Демек, бир нече үй-бүлөдө бир эле эркектен төрөлгөн балдар чоңоюп жатышы мүмкүн. Ал балдар кийин бири-бирине баш кошуп калса эмне болот? Биз келечектеги улуттук генофондубузга кам көрүп, бир кандагы адамдардан оорулуу балдардын төрөлүшүн алдын алышыбыз зарыл", — деди эл өкүлү.

Казакстандын мыйзамдарына ылайык, эркек 35 жашка чейин гана урук донору боло алат. Негизги талап — ден соолугу бекем болушу керек.

Эми депутат жогорудагыдай көйгөйлөр жаралбашы үчүн бир эркек бир гана жолу урук тапшырып, ал эки гана аялга колдонулсун деген сунуш киргизип жатат.

Белгилер:
генофонд, сунуш, депутат, банк, урук, Казакстан
Тема боюнча
Уролог Усупбаев: жыныс оорулары күчөдү, генофонд коркунучта!
Төшөк кумары машыгуудай эле арыктатабы? Адистердин пикири
Ооруканадагы медициналык кызматкер жана бейтап. Архив

Жакшы кабар! Казакстанда эки күндөн бери COVID жуктургандардын саны азаюуда

(жаңыланган 12:13 13.04.2021)
Буга чейин коңшу өлкөдө коронавируска кабылгандардын саны кескин өсүп, күн сайын 2,5 миңдей кишиден COVID табылып жаткан. Мындан улам Казакстанда карантиндик чектөөлөр күч алган.

БИШКЕК, 13-апр. — Sputnik. Акыркы эки күндөн бери Казакстанда коронавирус жуктургандардын саны азайып жатат. Бул тууралуу Sputnik Казакстан агенттиги жазды.

Маалыматка ылайык, мурдагы күнү ооругандардын саны 2 290 болсо, өткөн суткада 2 016 кишиден вирус аныкталды. Ал эми каза тапкандардын саны күн сайын 20нын тегерегинде болууда.

Күндүзгү стационардагы медицина кызматкери. Архив
© Фото / пресс-служба правительства / Алишер Алиев
Эске салсак, өткөн апталарда коңшу өлкөдө коронавируска кабылгандардын саны кескин өсүп, күн сайын 2,5 миңден ашуу кишиден COVID-19 табылып жаткан. Мындан улам Казакстанда карантиндик чектөөлөр күч алган болчу.

Жон Хопкинс атындагы изилдөө институтунун маалыматына караганда, ушул тапта Казакстанда коронавирус жуктургандардын жалпы саны 325 миңден ашты.

Белгилер:
карантин, чектөө, абал, коронавирус, Казакстан
Тема:
Дүйнөгө жайылган коронавирус
Тема боюнча
Коронавирустун жаңы штаммынын өлүмгө жеткирери далилденген эмес. Изилдөө
Акыркы суткада 227 адамдан COVID аныкталып, төрт киши көз жумду. Статистика
Россияда коронавируска каршы дагы бир вакцина иштелип жатат
Автоунаанын мамлекеттик номерлери. Архив

Кыргызстан жараксыз автоунаа номерлерин темир катары 12 млн. сомго сатты

(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.

БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.

Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.

"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.

"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.

Белгилер:
алюминий, темир, мамлекеттик номер, аукцион, автоунаа, Кыргызстан
Тема боюнча
Кыргызстандан темир-тезек экспорттоого тыюу салган токтом чыкты
Министрлик: Абхазиянын номери тагылган унааларды мамлекет алып коюшу мүмкүн