Келин гүлдөр менен. Архив

Жаңы келин кайнененин 20 жыл мурун жоготкон кызы болуп чыкты. Кытайдагы окуя

Таң калычтуу окуя Кытайдын Сучжоу шаарында болгон. Кыздын колундагы кал шек жаратып, териштире келгенде баланын энеси ага кайнене эмей эле өз апасы экени аныкталган.

БИШКЕК, 6-апр. — Sputnik. Кытайда үйлөнүп жаткан баланын энеси жаңы келген келин анын 20 жыл мурда жоголуп кеткен кызы экенин той өтүп жатканда билген. Бул тууралуу Oriental Daily басылмасы жазды.

Өзгөчө окуя Кытайдын Сучжоу шаарында болгон. Салтанаттуу азем учурунда аял келининин колундагы калды байкап калган. 20 жыл мурда дайынсыз жоголуп кеткен кызынын колундагы белги дагы дал ошондой экени айтылат.

​Шек санаган аял келининин ата-энесинен "өзүңөрдүн эле кызыңарбы" деп сураган. Алар жаап-жашырууну туура эмес көрүп, 20 жыл мурда жол боюнан кичинекей кызды таап алып кийин багып алышканын билдиришкен. Келин кайненеси аныгында анын өз апасы экенин билгенде кубанганынан ыйлап жиберген. Көптөн бери эле өз туугандарын тапкысы келип жүргөн кыз акыры тилегине жеткен.

​Бул окуя үлпөт тойду токтото алган эмес. Себеби кызын жоготкон аял кийин бала багып алганы белгилүү болгон. Башкача айтканда, кыз менен баланын ата-энелери башка экени айтылды.

Белгилер:
келин, ата-эне, той, үлпөт, Кытай
Тема боюнча
Бир мүнөттө үйлөнө калып жумушка чыккан полиция кызматкери. Кытайдагы окуя
Үлпөт той үчүн "оорудум" деп анткорлонуп акча чогулткан келин. Британиядагы окуя
Ооруканадагы медициналык кызматкер жана бейтап. Архив

Жакшы кабар! Казакстанда эки күндөн бери COVID жуктургандардын саны азаюуда

(жаңыланган 12:13 13.04.2021)
Буга чейин коңшу өлкөдө коронавируска кабылгандардын саны кескин өсүп, күн сайын 2,5 миңдей кишиден COVID табылып жаткан. Мындан улам Казакстанда карантиндик чектөөлөр күч алган.

БИШКЕК, 13-апр. — Sputnik. Акыркы эки күндөн бери Казакстанда коронавирус жуктургандардын саны азайып жатат. Бул тууралуу Sputnik Казакстан агенттиги жазды.

Маалыматка ылайык, мурдагы күнү ооругандардын саны 2 290 болсо, өткөн суткада 2 016 кишиден вирус аныкталды. Ал эми каза тапкандардын саны күн сайын 20нын тегерегинде болууда.

Күндүзгү стационардагы медицина кызматкери. Архив
© Фото / пресс-служба правительства / Алишер Алиев
Эске салсак, өткөн апталарда коңшу өлкөдө коронавируска кабылгандардын саны кескин өсүп, күн сайын 2,5 миңден ашуу кишиден COVID-19 табылып жаткан. Мындан улам Казакстанда карантиндик чектөөлөр күч алган болчу.

Жон Хопкинс атындагы изилдөө институтунун маалыматына караганда, ушул тапта Казакстанда коронавирус жуктургандардын жалпы саны 325 миңден ашты.

Белгилер:
карантин, чектөө, абал, коронавирус, Казакстан
Тема:
Дүйнөгө жайылган коронавирус
Тема боюнча
Коронавирустун жаңы штаммынын өлүмгө жеткирери далилденген эмес. Изилдөө
Акыркы суткада 227 адамдан COVID аныкталып, төрт киши көз жумду. Статистика
Россияда коронавируска каршы дагы бир вакцина иштелип жатат
Тажикстан аял-милиционерлердин жаңы форманын дизайны

Тажикстанда аял-милиционерлер үчүн жаңы форма иштелип чыкты. Сүрөт

Варианттар өлкө президенти Эмомали Рахмонго көрсөтүлдү. Бул формалар азырынча мамлекет башчысы тарабынан жактырыла элек.

БИШКЕК, 12-апр. — Sputnik. Тажикстанда аялдар үчүн милициянын формасынын эки дизайны (параддык жана талаада жүрүүгө ылайыкташкан) сунушталды. Бул тууралуу Sputnik Тажикстан жазды.

Дизайн новой милицейской формы для женщин в Таджикистане
© Фото / пресс-служба МВД Таджикистана
Тажикстанда аялдар үчүн милициянын формасынын эки дизайны (параддык жана талаада жүрүүгө ылайыкташкан) сунушталды

Өлкөнүн Ички иштер министрлигинин маалыматы боюнча, форма атлас жана адрас материалдары менен улуттук жана европалык стилде тигилген. Моделдер Согди облусунун дизайнерлери тарабынан иштелип чыккан.

Дизайн новой милицейской формы для женщин в Таджикистане
© Фото / пресс-служба МВД Таджикистана
Өлкөнүн Ички иштер министрлигинин маалыматы боюнча, форма атлас жана адрас материалдары менен улуттук жана европалык стилде тигилген

Талаада жүрүүгө ылайыкташкан форма камуфляж түрүндө даярдалган.

Варианттар өлкө президенти Эмомали Рахмонго көрсөтүлдү. Бул формалар азырынча мамлекет башчысы тарабынан жактырыла элек.

Белгилер:
форма, аял, милиция, Тажикстан
Тема боюнча
Ворух анклавы алмашылабы. Тажик президентинин пикири
Тибеттик буддисттердин лидери Далай-лама. Архив

Далай-лама дүйнөнү аялдар башкарышы керектигин айтып, себебин түшүндүрдү

(жаңыланган 10:23 14.04.2021)
Тибеттин руханий лидери жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан.

БИШКЕК, 14-апр. — Sputnik. Тибеттик буддисттердин лидери Далай-лама өлкө башчылардын арасына аялдар көбүрөөк кошулса дүйнө жүзү коопсуз болот деп эсептейт. Бул тууралуу РИА Новости жазды.

"Окумуштуулардын айтымында, аялдар табиятынан мээримдүү келет. Ааламда тынчтык болушу үчүн аялдар коомдо активдүү ролду ойноп, боорукерликти жайылтуу иши боюнча милдеттерди алышы керек. Дүйнөдө аял-жетекчилер бар. Алардын саны мындан да көп болсо дүйнө жүзү коопсуз болмок", — деген Далай-лама.

Ал жетекчилик кызматты эркектер аркалап, аялдар алардын көлөкөсүндө калган түшүнүк эскиргенин, мындай ойду өзгөртүү керектигин айткан. Бул үчүн аялдарга билимин тереңдетүүгө кеңеш берген.

"Аялдар менен эркектердин интеллектуалдык жөндөмүндө эч кандай айырмачылык жок жана бардык адамдар бирдей укуктарга ээ. Бизге жалпы адамзаттын биримдиги жана мээримдүүлүк, боорукерлик жөнүндө түшүнүк керек. Эркектер аялдарга, ал эми аялдар эркектерге муктаж, демек, биз тең болушубуз керек", — деген тибеттик буддисттердин лидери.

Мындан тышкары, ал бир нече жыл мурун "эгерде Далай-лама институту улана берсе, келечекте Далай-лама аял болуп төрөлүшү мүмкүн" деп айткандыгын эске салды.

Белгилер:
боорукерлик, башкаруу, Дүйнө, эркек, аял, Далай-лама
Тема боюнча
Далай-лама ачууну кантип жеңсе болорун айтып берди