ЖККУ кирген мамлекеттеринин желектери. Архивдик сүрөт

Душанбеге ЖККУ министрлери чогулат. Талкууланчу маселелер

97
(жаңыланган 12:22 27.04.2021)
Коргоо министрлеринин жана Коопсуздук кеңешинин катчыларынын жыйынына тажикстандык өкүлдөр төрагалык кылышат.

БИШКЕК, 27-апр. — Sputnik. Бүгүн Тажикстандын борбору Душанбе шаарында Жамааттык коопсуздук келишим уюмунун коргоо министрлеринин жана Коопсуздук кеңешинин катчыларынын жыйыны өтөт. Бул тууралуу маалымат аталган эл аралык уюмдун расмий сайтында жарыяланды. 

Отурумда аскердик коопсуздук, учурдун чакырыктарына каршы аракеттенүү жана чара көрүү боюнча маселе талкууланмакчы.

Коргоо министрлеринин жана Коопсуздук кеңешинин катчыларынын жыйынына тажикстандык өкүлдөр төрагалык кылат.

Иш-чарага ЖККУнун башкы катчысы Станислав Зась катышып, күн тартибиндеги маселелер боюнча сөз сүйлөйт.

Жыйында Жамааттык ыкчам аракеттенүү күчтөрүн жабдуу, Жамааттык коопсуздук тутумунун күчтөрүн түзүүгө биргеликте даярдык көрүү маселелери каралат. Ошондой эле 2021-жылдын экинчи жана 2022-жылдын биринчи жарымына тышкы саясат, коргонуу жана коопсуздук боюнча консультациялардын пландары талкууга алынат.

Мындан сырткары, коргоо министрлеринин жана Коопсуздук кеңешинин катчыларынын жыйынынын күн тартибине Жамааттык коопсуздук келишиминин түзүлгөнүнүн 30 жылдыгына жана ЖККУнун уюшулганынын 20 жылдыгына карата иш-чаралардын планы киргизилет.

Отурумдун алдынан ЖККУ уюмунун коргоо министрлери менен Коопсуздук кеңешинин катчыларын Тажикстандын президенти Эмомали Рахмон кабыл алат.

97
Белгилер:
Отурум, коопсуздук, Тажикстан, ЖККУ
Тема боюнча
Медетбеков: КМШ өлкөлөрүнүн коопсуздугу үчүн ЖККУ чоң иштерди жасоодо
ЖККУ машыгууларынын зарылдыгы. Быйылкыга эмнелер пландалган?
ЖККУ саммитинде маанилүү документтерге кол коюлду. Тизме
Кыргызстан менен Тажикстандын чек арасындагы кыргыз аскер кызматкери

Лейлекте чек арада жүргөн тажик аскерлери боюнча милиция түшүндүрмө берди

5198
(жаңыланган 00:11 08.05.2021)
Милициянын айтымында, бул маалыматтар тиешелүү кызматтар тарабынан ыкчам текшерилген. Кырдаал туруктуу. Күч түзүмдөрү күчөтүлгөн тартипте иш алып барууда.

БИШКЕК, 8-май — Sputnik. Лейлек районунун Арка айылына тажик чек ара аскерлери келди деген маалымат боюнча облустук милиция билдирүү таратты.

Бүгүн түштөн кийин социалдык тармактарда “Арка айылына тажик аскерлери кайра келе баштады...” деген видеолор тараган. Анда чек арага жакын жерде автомат асынган эки аскер турганын көрүүгө болот.

Милициянын айтымында, бул маалыматтар тиешелүү кызматтар тарабынан ыкчам текшерилген.

“Бүгүн мамлекеттик чек ара аймагынын Баткен облусунун Лейлек районуна караштуу Арка-1 аймагында тажик тарап чек ара кезметин коюуга аракет кылган. Кыргызстандын чек арачылары тез арада буга чара көрүп, мамлекеттик чек аранын такталбаган аймагында чек ара кезметин алуу талабын койгон. Тажик тарап ошол эле замат бул талапты аткарган”, — деп айтылат билдирүүдө.

Саат 23.15ке карата берилген маалымат боюнча, Лейлек районунун Арка, Достук, Борбордук, Жаштык, Максат, Интернационал, Саада, Кулунду, Эски-Оочу айылдарында коомдук жана ыкчам кырдаал туруктуу. Коомдук коопсуздук ички иштер органдарынын кызматкерлери тарабынан көзөмөлдөнүүдө. Кыргыз-тажик мамлекеттик чек ара аймагындагы кырдаал туруктуу.

Милиция тараткан маалыматта, азыркы учурда кыргыз-тажик мамлекеттик чек ара аймагында ар бир мамлекеттик органдар өз милдеттеринин алкагында коомдук коопсуздукту камсыз кылуу боюнча тийиштүү иш-чараларды жүргүзүп жатканы айтылды.

5198
Белгилер:
Дамира Юсупова, кыргыз-тажик чек арасы, Баткен
Тема:
Баткендеги кыргыз-тажик жаңжалы
Тема боюнча
Лейлектеги бир катар жолдорду оңдоо жана куруу иштери башталды
Ташиев: бир дагы метр жерибизди бербейбиз, Ворухка коридор ачылбайт
 Россия президенти Владимир Путин менен Өзбекстандын лидери Шавкат Мирзиеёв менен. Архив

Путин менен Мирзиёев кыргыз-тажик чек арасындагы абалды талкуулашты

735
(жаңыланган 21:26 07.05.2021)
Өлкө башчылары Бишкек менен Душанбенин чырды сүйлөшүү жолу менен чечүү тууралуу макулдашуусун колдой тургандыктарын айтышты.

БИШКЕК, 7-май — Sputnik. Россия президенти Владимир Путин менен Өзбекстандын лидери Шавкат Мирзиёев телефондон сүйлөшүп, кыргыз-тажик чек арасындагы абалды турукташтырууга даярдыгын билдиришти. Бул тууралуу Кремлдин маалымат кызматы кабарлады.

Өлкө башчылары бүгүн пикир алышкан. Президенттер Борбордук Азиядагы кырдаалды талкуулап, Душанбе менен Бишкектин чырды тынчтык жолу менен чечүүгө келген макулдашуусун колдой тургандыктарын айтышты.

Шаршемби күнү Тажикстандын президенти Эмомали Рахмон Москвада Кызыл аянтта өтө турган аскер парадына катышары белгилүү болгон. Сапарынын алкагында РФ лидери Владимир Путин менен жолугуп, анда кыргыз-тажик чек арасындагы кырдаал да сөз болору айтылган болчу. Рахмондун Москвага сапары жана Путин менен жолугушуусу чек ара чыры чыкканга чейин, башкача айтканда, бир ай мурун макулдашылганы да кабарланды.

735
Белгилер:
сүйлөшүүлөр, Эмомали Рахмон, чыр, чек ара, Өзбекстан, Россия, Шавкат Мирзиеев, Владимир Путин
Тема:
Баткендеги кыргыз-тажик жаңжалы
Тема боюнча
Ташиев: бир дагы метр жерибизди бербейбиз, Ворухка коридор ачылбайт
БУУнун жогорку комиссары өкмөттүн чек арадагы жаңжалды жөнгө салуусун кубаттады
Дарыгер. Архив

Дарыгер акча соргон, пайдасынан зыяны көп процедураларды атап берди

0
(жаңыланган 11:13 10.05.2021)
Адис вирустук-инфекциялык сезон маалында медиктер толгон-токой витамин, биологиялык активдүү кошулмаларды жана процедураларды жазып берерин айтып, керектүүсүн алууга кеңеш берди.

БИШКЕК, 10-май — Sputnik. Жөн эле акчаны кетирген жана ашыкча жасалган ден соолук процедуралары тууралуу "Прайм" телеканалына эксперттик медицина клиникасынын башкы дарыгери Олег Серебрянский айтып берди.

Маселен, отоларингологдор мурунду деңиз тузу менен жууганга кеңеш беришет. Андан даярдалган препарат дарыканада кымбат, сасык тумоо күч алганда табуу да кыйын.

"Деңиз тузунан жасалган дарынын деле пайдасы бар. Бирок мурунду кадимки туздуу суу жана физиологиялык аралашма менен жуугандын эч айырмасы жок, натыйжасы ошондой эле болот. Бирок мурун көңдөйүн кечке эле жууй бербегиле. Аралашмалар табигый микрофлораларды кетирип, былжыр челдерге зыянын тийгизет. Көп учурда бул аллергиялык ринитке алып келет", — деген дарыгер.

Ошондой эле физиотерапиялык процедуралар сакайтат деген илимий тастыктама жок. Аны негизги процедура менен чогуу же андан кийин сунуштап жүрүшөт. Физиопроцедура адистин көзөмөлүндө жасалса зыян эмес, бирок чоң пайда күтүп деле кереги жок.

Андан сырткары, курч кармаган респиратордук-вирустук инфекция маалында медиктер толгон-токой витамин менен биологиялык активдүү кошулмаларды жазып берет. Бирок туура тамактанып, пайдалуу азыктарды жеген кишиге алардын кереги деле жок.

Мындан тышкары, дарыгерлер суук тийген адамга антибиотик жазып туура эмес кыларын кошумчалаган. Ал билдиргендей, антибиотик — күчтүү препарат, аны ичкендердин организми дарыны тоготпой калат.

0
Белгилер:
сасык тумоо, мурун, процедура, дарыгер
Тема боюнча
Диетолог толуп кетпеш үчүн канча таттуу жегенге болорун айтты