Алабайдын күчүгү. Архивдик сурөт

Алабай күнү. Түркмөнстанда жаңы майрам пайда болду

94
(жаңыланган 12:30 27.04.2021)
Өлкөнү 2007-жылдан бери башкарып келе жаткан Гурбангулы Бердымухамедов буга чейин алабай ити тууралуу китеп жана ыр жазган.

БИШКЕК, 27-апр. — Sputnik. Түркмөнстанда улуттук сыймыкка айланган алабай итинин урматына майрам негизделип, аны түркмөн эли 25-апрель күнү белгилди. Бул тууралуу Guardian гезити жазды.

Ушул эле күнү Түркмөнстан ахалтекин жылкысынын күнүн да белгилейт.

"Майрамда Ашхабад шаарында алабай породасындагы иттердин сынагы өтүп, анын жеңүүчүлөрүнө президент Гурбангулы Бердымухамедов менен уулу Сердар экөөлөп белектерди тапшырды. Биринчи орунду алган итке медаль тагылып, кожоюну президенттин колунан автоунаанын ачкычын алды", — деп айтылат кабарда.

Өлкөнү 2007-жылдан бери башкарып келе жаткан Гурбангулы Бердымухамедов буга чейин алабай ити тууралуу китеп жана ыр жазган.

Баса, ал 2017-жылы Россия президенти Владимир Путинге туулган күнүнө карата алабай итинин күчүгүн белек кылган.

94
Белгилер:
майрам, ит, алабай, Гурбангулы Бердымухамедов, Түркмөнстан
Тема боюнча
Ислам Каримовду утуп алган Эмомали Рахмон. КМШ президенттеринин хоббиси
Гурбангулы Бердымухамедов жаңы жылдык кечеде диджей болду. Видео
АКШнын аскер кызматкери. Архив

Өзбекстан АКШнын аскер базасы жайгашат деген маалымат боюнча үн катты

760
Wall Street Journal басылмасы буга чейин Афганистандан чыгарылган АКШ аскерлери Борбор Азия өлкөлөрүнө жайгаштырылышы мүмкүн экенин жазган.

БИШКЕК, 10-май — Sputnik. Өзбекстандын Коргоо министрлиги Wall Street Journal гезитинин АКШ Афганистандан чыгарылган аскер күчтөрүн Борбор Азия өлкөлөрүнө жайгаштырышы мүмкүн деген билдирүүгө комментарий берди. Бул тууралуу РИА Новости жазды.

Wall Street Journal гезити буга чейин Афганистандан чыгарылган АКШ аскерлери Борбор Азия өлкөлөрүнө жайгаштырылышы мүмкүн экенин жазган.

Ак үй бул үчүн Өзбекстан же Тажикстан ылайыктуу жай деп эсептей турганы да айтылды.

Өзбекстандын Коргоо министрлигинин маалымат кызматы республиканын аскердик доктринасында мындай аракеттерге тыюу салынганын белгилеп, АКШнын аскер күчтөрүнүн келиши тууралуу билдирүүнү четке какты.

"Коргоо чөйрөсүндөгү негизги документтерде чет өлкөлүк аскер базаларын жана объектилерин өз аймагына жайгаштырууга жол бербөө тууралуу так, даана жооптор бар", — деген министрликтин өкүлү.

Анын айтымында, бул принцип өлкө Конституциясына да, тышкы саясат боюнча концепцияга да киргизилген.

Министрлик ошондой эле Өзбекстандын коргонуу саясаты тынчтык орнотуу операцияларына жана чет өлкөлөрдөгү аскердик чыр-чатактарга катышпоо принцибине негизделгенин белгиледи.

Эскерте кетсек, 2001-жылдан 2005-жылга чейин АКШ бийлиги Өзбекстандын Кашкадарыя облусундагы Ханабад аскер аэродромун пайдаланган. Бирок кийинчерээк Ташкенттин өтүнүчү менен аскер күчтөрүн Бишкектеги "Манас" авиабазасына көчүргөн.

Февраль айынын аягында Катар өлкөсүндө АКШ менен Талибан өкүлдөрү акыркы 18 жылдан ашкан чыр-чатактан кийин биринчи жолу тынчтык келишимине кол коюшкан. Анда 14 ай ичинде Афганистандан чет өлкөлүк аскерлер чыгарылып, туткундар кайтарылып, афгандар аралык диалог баштоо каралган.

Америкалык аскерлер Афганистандан 1-майдан тарта чыгарылып баштаган. Өнөктүк 11-сентябрда аякташы керек.

760
Белгилер:
комментарий, Өзбекстан, Аскер, АКШ, тынчтык орнотуучу
Тема боюнча
ЖМК: АКШ Афганистандан чыгарылган аскер күчүн Борбор Азияга жайгаштырабы?
Афганистандагы АКШ аскери. Архивдик сүрөт

ЖМК: АКШ Афганистандан чыгарылган аскер күчүн Борбор Азияга жайгаштырабы?

337
(жаңыланган 12:06 10.05.2021)
АКШ бийлиги армиясын Афганистандан чыгарып кетүү ишин баштады. Учурда радикал топторго каршы күрөшүүдө Афганистандын өкмөтүнө колдоо көрсөтүү үчүн АКШ аскерлерин жакынкы өлкөлөргө жайгаштыруу аракети көрүлүп жатат.

БИШКЕК, 10-май — Sputnik. АКШ бийлиги Афганистандан чыгарылган аскерлерин Борбор Азияга, тактап айтканда, Өзбекстанга же Тажикстанга жайгаштырууну караштырып жатат. Бул тууралуу The Wall Street Journal маалымат булагы жазып чыкты.

Басылмада айтылгандай, АКШ жетекчилиги армияны Афганистандан чыгара баштады жана учурда "радикал топторго каршы күрөштө афган өкмөтүн колдоо" максатында кошуна өлкөлөргө жайгаштыруу мүмкүнчүлүгүн карап жатат.

"Деген менен Россиянын бул аймактагы ири аскердик күчтөрүнүн жайгашканы, Кытайдын таасиринин күчөшү жана Вашингтон менен мамилесиндеги чыңалуу Борбор Азияда база түзүү пландарын татаалдаштырат", — деп жазат басылма.

Вашингтон азырынча аталган өлкөлөргө база жайгаштыруу боюнча расмий кайрылуу жасай элек. АКШ аскерлери 2021-жылдын июль айында Афганистандан чыгарылышы керек.

Гезитте белгиленгендей, эгерде Тажикстан жана Өзбекстан менен келише албаса, анда АКШ аскерлерин Перс булуңундагы мамлекеттерге жайгаштыруу мүмкүнчүлүгүн караштырат.

Мындан сырткары, аймакка учак ташуучу авиакемени жайгаштыруу маселеси дагы иштелип жатат. Анын жардамы менен кыска убакыттын ичинде операцияларды жүргүзүп, ошондой эле Кабулдагы АКШнын элчилигин коргоого болот.

337
Белгилер:
тынчтык орнотуучу, АКШ, Өзбекстан, Тажикстан
Тема боюнча
Афганистандан америкалык аскерлердин чыгарылышын талибдер тескөөдө
АКШ Афганистандагы талибандарга чечимин кандайча түшүндүрөт. Чоо-жайы видеодо
Кагаздагы ноталар. Архив

Кыргызпатент сый акысын албай калган авторлорду издөөдө. Тизме

0
Автордук сый акыларды бөлүштүрүүгө жана төлөөгө байланыштуу маселелер боюнча 0(312) 68-00-86, 0(550) 778-450, 0(550) 778-590 номерлерине чалса болот.

БИШКЕК, 11-май — Sputnik. Кыргызпатент чыгармалары телерадиокомпаниялардын эфирлеринде жаңырган, бирок сый акысын албай калган автор, аткаруучуларды издеп жатканын маалымдады.

Мекеме изделип жаткан авторлордун тизмесин жарыялап, андан өзүн тапкандарга сөзсүз кайрылууну өтүнгөн. Автор, аткаруучулар өзүн бул шилтемеге кирип тапса болот.

Автордук сый акыны алуу үчүн талап кылынган документтер:

  • Чыгармаларды каттап, укуктарды башкаруу укугун берүү тууралуу келишим түзүү керек;
  • Автордун же аткаруучунун каттоо барагын толтуруу зарыл;
  • Паспорттун көчүрмөсү;
  • Банктан эсеп ачып, анын дарегин Кыргызпатенттин кызматкерлерине тапшыруу шарт.

Автордук сый акыларды бөлүштүрүүгө жана төлөөгө байланыштуу маселелер боюнча 0(312) 68-00-86, 0(550) 778-450, 0(550) 778-590 номерлерине чалса болот.

0
Белгилер:
аткаруучу, автордук укук, сый акы, Кыргызпатент
Тема боюнча
Кудайбердиева: былтыр Кыргызпатент 8 млн. сомдон ашык акча чогултту