Тажикстан президенти Эмомали Рахмон. Архив

Тажикстанды уул-кыз, күйөө балдары менен башкарган Рахмон. Чексиз бийлик

1727
(жаңыланган 18:24 03.05.2021)
27 жылдан бери Тажикстанды башкарып келе жаткан Эмомали Рахмон уул-кыздарын артынан ээрчитип, мамлекеттик чоң кызматтарга дайындаган президенттердин бири.

Эмомали Рахмондун Тажикстанды башкарып келе жатканына чейрек кылымдан ашты. Азыр аны өз эли бир гана президент дебестен, "тынчтыкты орнотуучу жана улуттук биримдиктин лидери" деп аташат.

Рахмон биздин чөлкөмдө гана эмес, дүйнө жүзү боюнча дагы көп балалуу президенттердин бири. Жубайы Азизмо Асадуллаева менен эки уул, жети кызды тарбиялаган. Ичинен экөө кызмат жагынан баш айланткан ийгиликке жетишкен.

Президенттик аппаратты жетектеген кызы

Глава аппарата президента Республики Таджикистан Озода Рахмон. Архивное фото
43 жаштагы кызы Озода президенттик аппараттын жетекчиси

Рахмондун бир уулу менен бир кызы өлкөдөгү жогорку саясий кызматтарды аркалайт. 43 жаштагы кызы Озода президенттик аппараттын жетекчиси. Мурда Тажикстандын АКШдагы элчилигинде иштеген. Андан соң ТИМдин консулдук бөлүмүн жетектеп, 2009-жылы тышкы иштер министринин орун басары болуп дайындалган. Жолдошу Жамолиддин Нуралиев Тажикстандын Улуттук банкынын жетекчисинин биринчи орун басары. Ошондой эле Дүйнөлүк банк менен Эл аралык валюта фондунда Тажикстандын расмий өкүлү экени айтылат. Жубайлардын беш баласы бар.

Первый заместитель председателя Национального банка Республики Таджикистан Джамолиддин Нуралиев. Архивное фото
Жолдошу Жамолиддин Нуралиев Тажикстандын Улуттук банкынын жетекчисинин биринчи орун басары

Парламентти башкарган уулу

Улуу баласы Рустам Эмомали 33 жашта, учурда ал Тажикстан парламентинин жогорку палатасынын төрагасы.

Спикер верхней палаты парламента Республики Таджикистан Рустам Эмомали. Архивное фото
Улуу баласы Рустам Эмомали 33 жашта, учурда ал Тажикстан парламентинин жогорку палатасынын төрагасы

Ал мамлекеттик кызматка 2006-жылы кадам таштаган. Бир катар ведомстволордо иштеп, 2013-жылы мамлекеттик бажы кызматынын жетекчиси болгон. Эки жылдан кийин Финансылык көзөмөл жана коррупцияга каршы күрөшүү агенттигине башчы болуп дайындалган. 27 жашында Душанбе шаарынын мэри болуп шайланган. Атасынын колунан II даражадагы "Алтын таажы" төш белгиси менен сыйланган. Үч баланын атасы.

Мындан тышкары, Рустам Эмомали өлкөнүн Футбол федерациясынын президенти кызматын аркалайт.

Үчүнчү кызы жана кайнатанын колунан сыйлык алган күйөө бала

ЖМКлардагы маалыматтар боюнча президенттин үчүнчү кызы Рухшона Рахмон Тажикстан ТИМинин бир башкармалыгынын жетекчисинин орун басары болгон. Анын жолдошу — Шамсулло Сохибов Тажикстандын Кышкы спорт түрлөрү боюнча улуттук ассоциациянын президенти, ишкер.

2019-жылы кайнатасынын колунан II даражадагы "Шараф" медалын (Даңк медалы) алган.

Башка кыздары жана күйөө балдары

Тун кызы Фируза тажик темир жолунун мурдагы жетекчисине келин болгон. Болгону Хокумовдун уулу боюнча маалымат жокко эсе, ысымы, кесиби боюнча эч бир жерде айтылбайт.

Бешинчи кызы Парвина мурдагы энергетика жана өнөр жай министри Шерали Гуловдун уулу Ашрафка турмушка чыккан. Ал Улуттук банк, кийин ИИМ тутумунда иштеп, андан соң Москвадагы тажик элчилигинин консулдук кызматынын башчылыгына дайындалган.

Алтынчы кызы Зарина 16 жашында Тажикстандын биринчи каналында диктор болгон. Кийин "Ориенбанк" ААКнын башкаруу тобунун төрагасынын орун басары болуп дайындалган. Бир нече жыл илгери ал Байланыш кызматынын башчысы Бег Зухуров-Сиевуштун уулуна турмушка чыккан.

Башка эки кызы жана уулу тууралуу ачык булактарда так маалыматтар жокко эсе.

Небереси асыл тукум жылкыларга ээлик кылат

Рустам Эмомалинин баласы Анушервони (айрым маалымат булактарында Анушервон деп жазылган) бир топ ат чабыштарда жеңип жүргөн асыл тукум күлүктөрдүн ээси. Белгилей кетсек, ал эрезеге жете элек (ата-энеси 2009-жылы баш кошкон). Ошондой эле футболду жакшы ойной турганы айтылат. Атургай эки жыл мурда ал тууралуу президенттин расмий сайтында да жазылган. Анда Рахмон Согди облусунда футбол боюнча өспүрүмдөр арасындагы президенттик кубоктун ачылышына катышып, небереси ошол жерде ойногон. Макалада Анушервони бир оюнда атаандаштын дарбазасына "өзгөчө чеберчилик менен гол киргизген таланттуу футболчу" деп жазылган.

1727
Белгилер:
кызмат, бала, кыз, Эмомали Рахмон, Тажикстан
Тема боюнча
Борбор Азия өлкөлөрүнүн мурдагы президенттеринин балдары эмне менен алек?
Жалгыз бой эненин жалгыз уулу. КМШ президенттеринин бир туугандары
Тажикстан менен чектеш Көк-Таш айылындагы талкаланган имарат

Тажикстан чек ара чырында канча жараны өлгөнү боюнча расмий маалымат берди

268
(жаңыланган 17:48 06.05.2021)
Буга чейин деле тажик тараптан 19 киши каза тапкандыгы тууралуу айтылып жүргөн, бирок бул маалыматты бийлик расмий тастыктай элек болчу.

БИШКЕК, 6-май — Sputnik. Тажикстан бийлиги кыргыз-тажик жаңжалында 19 жараны каза болгондугу тууралуу расмий маалымат берди. Бул тууралуу Согди облустук администрациясынын маалымат кызматына таянып Sputnik Тажикстан агенттиги жазды.

"Облус жетекчилиги каза болгондордун үй-бүлөсүнө жана жаракат алгандарга материалдык жардам көрсөттү. Бул үчүн мамлекет 3 миллион сомони (22 миллион сомдун тегереги) бөлдү", — деп айтылат кабарда.

Буга чейин деле тажик тараптан 19 киши каза тапкандыгы тууралуу айтылып жүргөн, бирок бул маалыматты бийлик расмий тастыктай элек болчу.

Эске салсак, адам өлүмүнө алып келген Баткендеги кандуу кагылышуу 28-апрель күнү кечинде башталып, ок атылып, калаба 2-3 күнгө созулуп кеткен. Анын кесепетинен 36 кыргызстандык жаран көз жумду. Алардын үчөө аскерлер, экөө — 13 жаштагы өспүрүм кыз менен төрт жаштагы эркек бала, ал эми калган 31 адам жергиликтүү калк жана башка аймактардан элге жардам беребиз деп келген кыргызстандыктар болду. 150гө чукул киши октон, таштан жаракат алып ооруканага түшкөн.

268
Белгилер:
расмий маалымат, өлүм, жаран, Тажикстан
Тема:
Баткендеги кыргыз-тажик жаңжалы
Тема боюнча
Бир айыл 5 уулун жоготту. Турдубайдын чек арада окко учканын 4 баласы биле элек
Женевадагы мекендештер чек ара жаңжалы боюнча эл аралык уюмдарга кайрылды. Видео
Прездинет Садыр Жапаров Казакстандын президенти Касым-Жомарт Токаев менен. Архив

Токаев Жапаровду жаңы Конституциянын кабыл алынышы менен куттуктады

115
(жаңыланган 00:49 06.05.2021)
Токаев Казакстан Кыргызстандын стратегиялык өнөктөшү жана союздашы катары ар тараптуу колдоо көрсөтүүгө даяр экенин билдирди.

БИШКЕК, 6-май — Sputnik. Казакстандын президенти Касым-Жомарт Токаев кесиптеши Садыр Жапаровду жаңы Конституциянын кабыл алынышы менен куттуктады. Бул тууралуу Акорданын сайтында жазылган.

Казакстандын лидери жиберген куттуктоо телеграммасында Нур-Султан Бишкекке ар тараптуу колдоо көрсөтүүгө даяр экендиги айтылат.

"Эл тарабынан колдоого алынган Баш мыйзам Кыргызстанды өнүктүрүүнүн, суверендүүлүгүн коргоонун жана коомду андан ары консолидациялоонун узак мөөнөттүү стратегиясынын негизин түзөт. Сиздин демилге жана реформаларыңызды ийгиликтүү ишке ашыруу кыргыз мамлекеттүүлүгүн бекемдөөгө, өлкөнүн эл аралык аренада кадыр-баркын жогорулатууга өбөлгө түзөт. Казакстан Кыргызстандын стратегиялык өнөктөшү жана союздашы катары мындан ары дагы ар тараптуу колдоо көрсөтүүгө даяр", — деп айтылат билдирүүдө.

Жыйынтыгында Токаев Жапаровго кыргыз элинин бакубаттуулугу жана келечеги үчүн жооптуу миссиясында чоң ийгиликтерди каалады.

Садыр Жапаров 5-майда жаңы Конституцияга кол койду. Анын алкагында кыргыз өкмөтү министрлер кабинети болуп өзгөрдү

115
Белгилер:
Садыр Жапаров, Касым-Жомарт Токаев, Казакстан, Кыргызстан
Тема:
Жаңы Конституциянын долбоору жана референдум
Тема боюнча
Көбү ордунда калды. Министрлер кабинетинин мүчөлөрүнүн тизмеси
Кыргыз өкмөтү министрлер кабинети болуп өзгөрдү. Жапаров жарлыкка кол койду
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

0
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

0
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео