Аэропорттогу самолет. Архив

Эскертишкен эмес. Тажикстан жарандарынан Кыргызстанга барбай турууну өтүндү

295
(жаңыланган 10:11 27.05.2021)
Кыргызстан Тажикстан менен чек арасын убактылуу жапкандыгына байланыштуу кечээ чартердик каттам менен Бишкекке учуп келген тажик жарандары кайра артка кайтарылган.

БИШКЕК, 27-май — Sputnik. Тажикстан жарандарын Кыргызстанга барбай турууну суранды. Бул тууралуу коңшу өлкөнүн Тышкы иштер министрлигинин сайтында жазылган.

Эске салсак, кечээ Тажикстандын "Сомон Эйр" авиакомпаниясынын чартердик каттам менен Бишкекке учуп келген учагындагы тажик жарандары кайра артка кайтарылган. Буга Кыргызстан Тажикстан менен чек арасын убактылуу жапкандыгы себеп болгон.

"Кыргыз Республикасынын министрлер кабинети 2021-жылдын 21-майындагы №12 буйругун алдын ала эскертүүсүз кабыл алгандыгына байланыштуу Тажикстандын Тышкы иштер министрлиги жарандарынан ал жакка барбай турууну суранат. Кыргызстандын аймагы аркылуу башка өлкөлөргө өтүүдөн да карманып туруңуздар. Түрдүү транспорт менен жүргүнчү жана жүк ташып иштегендер Кыргызстандан башка үчүнчү өлкөнүн альтернативдик жолдору аркылуу өтүңүздөр", — деп айтылат Тажикстандын ТИМи тараткан маалыматта.

Ошондой эле Тажикстандын жарандары укук бузуп же көйгөйлүү учурга кабылса Бишкектеги элчиликтин +996 500 44 22 11 жана +996 312 51 16 37 номерлери аркылуу байланышса болору кошумчаланат.

295
Белгилер:
каттам, буйрук, ТИМ, Тажикстан, Кыргызстан
Тема боюнча
Путин Жапаров менен жолугуп, кыргыз-тажик чек ара маселесин сүйлөштү. Видео
Эркеч-Там көзөмөл жүргүзүү бекети. Архивдик сүрөт

14-июнда "Торугарт" жана "Эркеч-Там" көзөмөл-өткөрүү бекеттери иштебейт

44
(жаңыланган 10:58 11.06.2021)
Учурда аталган пунктулар өзгөчө алгоритм менен иштеп жатат. Тагыраагы, бул жерлерден Кытайдан Кыргызстанга алып келе жаткан товарлар гана өткөрүлөт.

БИШКЕК, 11-июн. — Sputnik. Кыргыз-кытай чек арасындагы "Торугарт" жана "Эркеч-Там" көзөмөл жүргүзүү бекеттери жүк ташуучу унаалар үчүн 14-июнь күнү жабылат. Бул тууралуу УКМКнын Чек ара кызматынан билдиришти.

Маалыматка караганда, бул күндөрү Кытайда "Ажыдаарлар кайыгы фестивалы (күрүч майрамы)" белгиленет.

Аталган чек ара пунктулары кайра эле 15-июнь күнү ишин жандантат.

Эске салсак, учурда "Торугарт" жана "Эркеч-Там" көзөмөл жүргүзүү бекеттери өзгөчө алгоритм менен иштеп жатат. Тагыраагы, бул жерлерден Кытайдан Кыргызстанга алып келе жаткан товарлар гана өткөрүлөт.

44
Белгилер:
чектөө, майрам, чек ара, Кытай, Кыргызстан
Тема боюнча
Кыргызстанга кирүүнүн эрежеси. Кандай документтер талап кылынат?
Тажикстандын президенти Эмомали Рахмон өзбек лидери Шавкат Мирзиёевди I даражадагы Зарринтадж (Алтын таажы) ордени менен сыйлады

Рахмон Мирзиёевди "Алтын таажы" менен сыйлады. Сүрөт

202
(жаңыланган 10:42 11.06.2021)
"Алтын таажы" ордени демократиялык өзгөрүүлөргө, экономикалык реформаларга жана илим, маданият жаатындагы өсүп-өнүгүүлөргө зор салым кошкон коомдук жана саясий ишмерлерге ыйгарылат.

БИШКЕК, 11-июн. — Sputnik. Тажикстандын президенти Эмомали Рахмон өзбек лидери Шавкат Мирзиёевди I даражадагы "Зарринтадж" ("Алтын таажы") ордени менен сыйлады. Бул тууралуу Өзбекстан президентинин расмий сайтында кабарланды.

  • Президента Таджикистан Эмомали Рахмон во время награждения президента Узбекистана Шавката Мирзиёева государственной наградой Таджикистана – орденом Зарринточ (Золотая корона) первой степени
    Тажикстандын президенти Эмомали Рахмон өзбек лидери Шавкат Мирзиёевди I даражадагы "Зарринтадж" ("Алтын таажы") ордени менен сыйлады
    © Фото / пресс-служба президента Узбекистана
  • Президента Таджикистан Эмомали Рахмон во время награждения президента Узбекистана Шавката Мирзиёева государственной наградой Таджикистана – орденом Зарринточ (Золотая корона) первой степени
    Сыйлык тапшыруу аземи кечээ, 10-июнь күнү, Душанбе шаарында өттү
    © Фото / пресс-служба президента Узбекистана
  • Президента Таджикистан Эмомали Рахмон во время награждения президента Узбекистана Шавката Мирзиёева государственной наградой Таджикистана – орденом Зарринточ (Золотая корона) первой степени
    Маалыматка караганда, Мирзиёев бул орденге эки өлкөнүн ортосундагы соода-экономикалык жана маданий-гуманитардык алакаларды бекемдегени үчүн татыган.
    © Фото / пресс-служба президента Узбекистана
1 / 3
© Фото / пресс-служба президента Узбекистана
Тажикстандын президенти Эмомали Рахмон өзбек лидери Шавкат Мирзиёевди I даражадагы "Зарринтадж" ("Алтын таажы") ордени менен сыйлады

Сыйлык тапшыруу аземи кечээ, 10-июнь күнү, Душанбе шаарында өттү. Маалыматка караганда, Мирзиёев бул орденге эки өлкөнүн ортосундагы соода-экономикалык жана маданий-гуманитардык алакаларды бекемдегени үчүн татыган.

Мындан 24 жыл мурун Тажикстандын президенти Эмомали Рахмон менен Бириккен тажик оппозициянын лидери Саид Абдулло Нури Бишкек шаарында сүйлөшүүлөрдү жүргүзүп, жарандык согушту токтотуу боюнча документтерге кол коюлган.
© Видео / Архивный фонд президента Кыргызской Республики
Sputnik Тажикстан агенттигинин жазганына караганда, "Алтын таажы" ордени демократиялык өзгөрүүлөргө, экономикалык реформаларга жана илим, маданият жаатындагы өсүп-өнүгүүлөргө зор салым кошкон коомдук жана саясий ишмерлерге ыйгарылат.

Эске салсак, Өзбекстандын президенти Шавкат Мирзиёев Душанбе шаарына 10-июнь күнү эки күндүк иш сапары менен барып, аны аэропорттон Эмомали Рахмон өзү тосуп алган. Өзбек президенти иш сапарынын алкагында өлкөнүн түндүгүнө чейин барып, Согди облусунун соода-экономикалык потенциалын талкуулай турганы айтылган болчу.

202
Белгилер:
сыйлык, Орден, Шавкат Мирзиеев, Эмомали Рахмон, Өзбекстан, Тажикстан
Тема боюнча
Рахмон куттуктоосунда Жапаровго ден соолук, кыргыз элине тынчтык тиледи
Ала-Тоо аянты. Архив

Дүйшөмбүгө карата аба ырайы

0
14-июнга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 13-июн. — Sputnik. Дүйшөмбүдө күндүз дыйканчылык аймактарда күн ачык болот. Тоолуу райондордо өткүн өтүп, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Абанын температурасы Чүйдө +25...+30, Талас облусунда +24...+29, Ош, Жалал-Абад жана Баткенде +28...+33, Ысык-Көл аймагында +18...+23, Нарын жергесинде +17...+22 градус жылуу болот.

Күндүн табы борбор калаада +27...+29, Ош шаарында +30...+32 градуска чейин көтөрүлсө, Чолпон-Ата шаарында +18...+20 градусту көрсөтүп турат.

0
Белгилер:
Кыргызстан, аба ырайы
Тема боюнча
Июндун аягында кыргызстандыктар жылдыз жааган түнгө күбө болот