Казакстандагы каньондо мугалим менен окуучу кызды сел агызып кетти. Видео

900
(жаңыланган 14:56 30.05.2021)
Жаратылыш кырсыгы болгон учурда каньондо Алматы шаарынын №199 мектебинин окуучулары жана мугалимдери экскурсияга барып эс алып жүргөн.

Казакстандагы Чарын каньонунда сел жүрүп, кырсык окуучу кыз менен мугалимдин өмүрүн алды. Бул тууралуу Sputnik Казакстан Билим берүү жана илим министрлигине таянып кабарлады.

Маалым болгондой, 29-май күнү аба ырайы бузулуп, аталган райондо катуу жаандан улам сел жүргөн. Жаратылыш кырсыгы болгон учурда каньондо Алматы шаарынын №199 мектебинин окуучулары жана мугалимдери экскурсияга барып эс алып жатышкан.

Казакстандын Билим берүү жана илим министрлиги экскурсияга 300гө чукул окуучу барган деген маалыматты төгүндөп, учурда алардын саны такталып жатканын маалымдады.

Каза болгондордон сырткары алты киши жабыркап, бир окуучу кыз изделип жаткан. Жекшемби күнү ал кыздын аман-эсен табылганы кабарланды. Учурда ал медиктердин көзөмөлүндө.

900
Белгилер:
кырсык, окуучу, видео, сел, каньон, Казакстан
Тема боюнча
Өзгөндө кой кайтарып жүргөн 8 жашар баланы сел агызып кетип көз жумду
Кыргызстандын жеңил атлетчи Гүлшан Сатарова. Архив

Кыргызстандык кыз Алматыдагы жарым марафонду жеңип, акчалай сыйланды

127
(жаңыланган 11:08 21.06.2021)
Сатарова 21,1 чакырымга чуркаган 18 жаштан 34 жашка чейинкилердин арасынан марага биринчи жеткен. Ал жарым марафонду 1 саат 20 мүнөттө чуркап өткөн.

БИШКЕК, 21-июн. — Sputnik. Алматы шаарында өткөн эл аралык жарым марафондо кыргызстандык Гүлшан Сатарова биринчи келип, жеңишке жетти. Маалымат спорттук иш-чаранын сайтына жарыяланган.

Жарыш 20-июнь күнү Казакстандын Алматы шаарында уюштурулуп, ага 3 миңден ашык адам катышканы айтылды.

Сатарова 21,1 чакырымга чуркаган 18 жаштан 34 жашка чейинкилердин арасынан марага биринчи жеткен. Ал жарым марафонду 1 саат 20 мүнөттө чуркап өткөн. Экинчи орунга илинген кыз Кыргызстан жаранынан беш мүнөткө кеч калган.

"21,1 чакырымга чуркап алдыда келген алты жөө күлүк (үч аял, үч эркек) 1,8 миллион теңге өлчөмүндөгү байге фондун бөлүштүрүп алышкан", — деп айтылат маалыматта.

Спорттук иш-чаранын жыйынтыгын almaty-marathon.kz. сайтынан толугу менен көрө аласыздар.

127
Белгилер:
жөө күлүк, марафон, Кыргызстан, Алматы
Тема боюнча
Түнкү марафондун жыйынтыгы чыгарылды. Тизме
Фонтан. Архивдик сүрөт

Алматыда фонтанга түшкөн балдар менен аялды ток уруп, эс-учун жоготушту

175
(жаңыланган 15:29 20.06.2021)
Күбөлөрдүн айтымында, кыздар фонтандагы сууга түшүү үчүн бут кийимдерин чечип, кайра металл конструкциядан буттарын ала албай калышкан.

БИШКЕК, 20-июн. — Sputnik. Алматыда цирктин алдындагы фонтандан аял менен эки кызды ток уруп, эсин жоготуп жатып калышкан. Бул тууралуу Sputnik Казакстан күбөлөрдүн айтымына таянып кабарлады.

Буга чейин интернетте жабыркагандар тартылган видео жарыяланган.

Окуяга Укилай Бестай аттуу казакстандык аял күбө болгонун Facebook баракчасына жазды. Ошол мезгилде ал балдары менен паркта сейилдеп жүргөнүн айтып, эки кыздын фонтанга бут кийимдерин чечип түшөйүн деп жатканын көргөнүн кошумчалаган.

"Алар металл конструкциядан буттарын ала албай калышты. Бир маалда алып чыгуу үчүн апасы чуркап келди. Бирок үн чыккан жок. Ошондо мен аларды ток урганын түшүнүп, элди жардамга чакыра баштадым. Бирок баары тең өз өмүрлөрүн тобокелге салууну каалаган жок окшойт. Бир убакта Абылай аттуу жигит аларга жардамга келип, жабыркагандарды суудан алып чыкты", — деп жазган ал.

Жабыркагандарга Абылайдан башка да бир киши жардам бергени маалым болду. Күбөлөрдүн айтымында, кыздардын бири эсине дароо келген. Ал эми аял менен экинчи кызга ошол жерде чогулгандар жардам бергенден кийин көзүн ачкан.

Азыркы тапта жабыркагандардын абалы белгисиз.

Sputnik Казакстан агенттиги жабыркаган аял менен кыздар тууралуу маалымат алуу үчүн Алматы шаарынын ден соолук боюнча коомдук башкармалыгына, куткаруучуларга жана милицияга кайрылды.

175
Белгилер:
видео, күбө, суу, фонтан, ток, Алматы
Тема боюнча
Өмүралиева: фонтандардагы сууга түшкөндөргө ооруу жугат
Балдардын укугу боюнча ыйгарым укуктуу өкүл Жыпариса Рысбекова Военно-Антоновка балдар үйүндө каза болгон өспүрүмдүн бир тууганы менен жолугушту

Балдар үйүндө көз жумган өспүрүм боюнча иш Садыр Жапаровдун көзөмөлүндө

0
(жаңыланган 22:20 21.06.2021)
Балдар укугу боюнча ыйгарым укуктуу өкүл Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

БИШКЕК, 21-июн. — Sputnik. Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди. Бул тууралуу мамлекет башчынын маалымат кызматынан кабарлашты.

Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди
    © Пресс-служба правительства / Алишер Алиев
  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди

Эске салсак, балдар үйүнүн 12 жаштагы тарбиялануучусунун өлүмү тууралуу маалымат мындан эки жума мурда тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон.

Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген ой болуп жаткандыгын айткан.

Жолугушууда Балдардын укугу боюнча ыйгарым укуктуу өкүл Богдан Якуниндин инисинин өлүмүнө байланыштуу бардык жүйөөлөрүн уккан.

Рысбекова Богдан Якунинди учурда окуянын бардык жагдайлары комиссиялык кароодон өтүп жатат деп ишендирген. Ал Игорь Якуниндин өлүмүнүн жагдайларына баа берүүнүн жыйынтыгы менен бул каргашалуу окуяга жол берген кызмат адамдарынын жоопкерчилиги каралат деген.

0
Белгилер:
Игорь Якунин, Жыпариса Рысбекова, кайрылуу, өлүм, балдар үйү, Кыргызстан
Тема боюнча
Буга чейин далай качкан. Чүйдө 15 жаштагы бала кайрадан изделүүдө. Сүрөт
Жалал-Абадда жоголгон 13 жаштагы бала табылды