Душанбе шаарында медициналык кызматкерлери кишилердин температурасын өлчөп жатышат. Архив

Тажик бийлиги өлкөдө коронавирус жок экенин, бирок пневмония күч алганын айтууда

113
(жаңыланган 11:18 18.06.2021)
Үстүбүздөгү жылдын башында президент Эмомали Рахмон Тажикстан коронавирусту толугу менен жеңгенин жар салган.

БИШКЕК, 18-июн. — Sputnik. Тажикстанда коронавирус жайылган жок, бирок пневмонияга кабылгандар көбөйүүдө. Бул тууралуу өлкөнүн Саламаттык сактоо министрлигинин маалымат катчысы Эмомали Мирзоевге шилтеме берип Sputnik Жакынкы чет өлкөлөр агенттиги Telegram-каналына жазды.

Маалыматка караганда, министрлик социалдык тармактарда айтылып жаткан өлкөдө COVID-19 кайрадан күч алууда деген маалыматты четке кагып, "жөн гана пневмония жайылып жатканын" билдирди.

"Бир аптадан бери күн абдан ысык болуп турат. Мындан улам жарандар муздак суусундуктарды ичип, балмуздак көп жеп жатат. Мындай учурда өпкө жабыркап, пневмонияга алып келиши толук мүмкүн. Бул нерсе киши коронавирус болуп калды дегенди түшүндүрбөйт", — деди Мирзоев.

Эске салсак, жыл башында президент Эмомали Рахмон Тажикстан коронавирусту толугу менен жеңгенин жар салган.

113
Белгилер:
Эмомали Рахмон, Тажикстан, коронавирус, пневмония
Тема боюнча
ДССУ: вакциналар менен дары-дармектер COVID-19ду жеңе албайт
Окумуштуулар COVID Кытайдан биринчи АКШда пайда болгонун божомолдошууда
Өзбекстан менен Афганистандын чек арасындагы көзмөл пункту. Архив

Афган делегациясы Өзбекстанга келип, сүйлөшүүлөр башталды

124
Бул жолугушуу тууралуу тараптар Өзбекстандын тышкы иштер министри Абдулазиз Камилов 7-октябрь күнү Кабул шаарына барганда макулдашылган.

БИШКЕК, 16-окт. — Sputnik. Афганистандын убактылуу өкмөт башчысынын орун басарынын милдетин аткаруучу Абдул Салам Ханафи Өзбекстанга келип, бийлик өкүлдөрү менен сүйлөшүүлөрдү жүргүзүүдө. Бул тууралуу Өзбектан ТИМинин расмий өкүлү Юсуп Кабулжановго шилтеме берип Sputnik Өзбекстан агенттиги жазды.

"Жолугушуу тууралуу тараптар Өзбекстандын тышкы иштер министри Абдулазиз Камилов 7-октябрь күнү Кабул шаарына барганда макулдашылган. Афган делегациясын убактылуу өкмөт башчысынын орун басарынын милдетин аткаруучу Абдул Салам Ханафи жетектеп, Өзбекстан делегациясынын башында премьер-министрдин орун басары Сардор Умурзаков турат", — деп айтылат бидирүүдө.

Тараптар соода-экономика тармагын талкуулап, товар жүгүртүү жолдорун биргеликте издешет. Ошондой эле Сурхан — Пули-Хумри электр өткөрүү линиясынын жана Мазари-Шариф — Кабул — Пешавар темир жолунун курулушун баштоо боюнча сөз болору айтылат.

Белгилей кетсек, Борбор Азия мамлекеттеринин ичинен афган элине биринчилерден болуп Кыргызстан кол сунду. Сентябрь айынын соңунда КРдин Коопсуздук кеңешинин төрагасынын орун басары Таалатбек Масадыков Кабулга барып, "Талибан"* өкмөтүнүн ТИМ башчысы Амир Хан Муттаки менен жолуккан. Президенттин маалымат кызматы Масадыков башында турган кыргыз делегациясы Кыргызстан элинин атынан Афганистан Ислам Республикасынын элине гуманитардык жүк жеткиргенин кабарлаган.

Афган бийлиги менен Өзбекстан, Казакстан жана Кытай кызматташууга даяр экенин расмий жарыялаган.

Ал эми октябрь айынын башында Россия талибдерди Афганистан тууралуу "Москва форматындагы" жолугушууга келип кетүүгө чакырды.

Кийин G20 мамлекеттери кезектеги жыйынында кааласа да, каалабаса да талибдер менен иштешип, ал тургай гуманитардык жардам берүүгө мажбур экенин билдиришкен.

* — Кыргызстан жана башка мамлекеттерде тыюу салынган уюм

124
Белгилер:
Афганистан, Өзбекстан, жолугушуу, делегация
Тема:
Афган бийлиги менен талибдердин тиреши
Тема боюнча
Талибдер Афганистандын Жогорку сотун түзгөнүн жар салды
Жапаров: Афганистанда кырдаал курчуп отурса, Борбор Азияда абал кыйындайт

Кыргызстандан барган тасма Алматыда "Мыкты фильм" аталды. Видео

127
Алматыдагы эл аралык фестивалда бишкектик чыгармачыл топ тарткан тасма "Мыкты фильм" номинациясында жеңишке жетти. Бир минуталык чакан тасмада экология темасы көрсөтүлгөн.

Кыргызстандыктар тарткан чакан фильм мыкты деп табылганын фетивалдын PR-менеджери Олеся Колесниченко кабарлады.

Сынактын шарты боюнча, смартфондун камерасына тартылган тасмаларын Кыргызстан, Казакстан, Испания, Түштүк Корея, Япония, АКШ, Россия сыяктуу 16 өлкөнүн өкүлдөрү тартуулаган.

Кыска метраждуу (12 мүнөткө чейин) "Мыкты фильм" номинациясын бишкектик чыгармачыл топ тарткан Present for Future тасмасы утту.

Анда кичинкей кыздын жашыл токойду аралап, чымчыктын үнүнөн рахат алып жүргөнүн көрүүгө болот. Бирок чындыгында ал виртуалдык реалдуулукта жүргөнү, өзү көз айнек тагынып караңгы бөлмөдө турганы көрсөтүлөт.

"Жаратылышка аяр мамиле кылбасак, дал ушундай келечекке туш болобуз", — дейт тасманын режиссеру.

Киноиндустриянын өкүлдөрүнөн турган калыстар тобу фильмге мыкты деген баа берген.

127
Белгилер:
тасма, фестиваль, Бишкек, Алматы, жеңиш, экология
Тема боюнча
"Акыркы көч" тасмасы Сан-Паулодогу беделдүү сынакта ат салышат
Жаратылыш. Архив

Жекшембиге карата аба ырайы

0
Жекшембиге караган түнү республика боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-окт. — Sputnik. 17-октябрда дыйканчылык аймактарда күн ачык болот. Бул тууралуу Кыргызгидромет билдирди.

Абанын температурасы Чүй, Талас облустарында +15...+20, Ош, Жалал-Абад жана Баткен өрөөнүндө +20...+25, Ысык-Көлдө +12...+17, Нарын жергесинде +14...+19 градуска чейин көтөрүлөт.

Борбор калаада күндүн табы +18...+20, ал эми Ош шаарында +23...+25 градус болору болжолдонду.

0
Белгилер:
аба ырайы, Кыргызстан
Тема боюнча
Электр энергиясы менен жылуулукка канча төлөйбүз? Күчүнө кирген жаңы тарифтер