Чылым сатуу. Архивдик сүрөт

Казакстандын дүкөндөрүнөн чылым "жоголо" баштады

291
(жаңыланган 17:13 01.07.2021)
Жаңы мыйзам бир гана классикалык чылымга эмес, кальян, электрондук тамеки сыяктуу продукцияларды ачык сатууга тыюу салат.

БИШКЕК, 1-июл. — Sputnik. Казакстанда "Калктын саламаттыгы" кодекси күчүнө кирип, дүкөндөрдөн чылым акырындык менен "жоголо" баштады. Бул тууралуу Sputnik Казакстан агенттиги жазды. 

Документ бир гана классикалык чылымга эмес, кальян, электрондук тамеки сыяктуу продукцияларга дагы тыюу салат. Тагыраагы, эми сатуучулар чылымды мурдагыдай ачык коюп сата албайт, болгону тизмесин кагазга жазып койсо болот.

"Айрым учурда киши товарды көрө калып, кызыгып сатып алат. Мындан тышкары, чылымды таштайын деп жаткандардын көз алдында жайнаган тамеки турбашы керек", — деп айтылат макалада.

Ошондой эле бул мыйзамга ылайык, коңшу өлкөдө бүгүндөн тарта тамеки кымбаттап, эң арзаны 520 теңгеден (100 сомдон бир аз жогору — ред.) сатылууда. Маалыматка караганда, минималдуу баа жылдын аягына чейин кармалып, андан ары жыл сайын кымбаттап жүрүп отурат.

291
Белгилер:
Казакстан, мыйзам, чылым, саламаттык сактоо
Тема боюнча
Чылымды таштаган кишинин организми кантип өзгөрөт
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

428
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

428
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу
Президент Садыр Жапаров жана Узбекистан президенти Шавкат Мирзиёев. Архив

Садыр Жапаров Шавкат Мирзиёевди шайлоодогу жеңиши менен куттуктады

105
(жаңыланган 18:29 25.10.2021)
Өзбекстандагы президенттик шайлоодо беш талапкер ат салышып, учурдагы президент Шавкат Мирзиёев алдыга озуп чыкты.

БИШКЕК, 25-окт. — Sputnik. Садыр Жапаров бүгүн, 25-октябрда, Өзбекстандын башчысы Шавкат Мирзиёев менен телефон аркылуу сүйлөштү. Бул тууралуу президенттин маалымат кызматы билдирди.

Жапаров Мирзиёевди 24-октябрда өткөн президенттик шайлоодогу ишенимдүү жеңиши менен куттуктап, бекем ден соолук, жооптуу мамлекеттик ишмердүүлүгүнө мындан аркы ийгиликтерди, ал эми Өзбекстандын элине тынчтык, бакубаттуулук жана гүлдөп өнүгүү каалады.

Мамлекет башчылары, мындан сырткары, күн тартибиндеги актуалдуу маселелерди, эки өлкөнүн ортосундагы кызматташтыктын келечегин, ошондой эле регионалдык өз ара байланышты талкуулашкан.

Алдын ала чыккан жыйынтык боюнча Шавкат Мирзиёев шайлоодо элдин добушунун 80 пайызына ээ болгон.

Белгилей кетсек, бул жолку шайлоого өлкөдө расмий түрдө иш алып барган беш партиянын талапкерлери ат салышты.

Өзбекстандын либерал-демократтар партиясы учурдагы президент Шавкат Мирзиёевдин талапкерлигин көрсөттү. Ал эми "Миллий тикланиш" партиясынан 46 жаштагы Алишер Кадыров, Өзбекстандын элдик-демократиялык партиясынан 60 жаштагы Максуда Варисова, "Адолат" партиясынын 62 жаштагы лидери Бахром Абдухалимов, "Экология" партиясынан 46 жаштагы Нарзулло Обломурадов катышты.

105
Белгилер:
Өзбекстан, шайлоо, президент, Шавкат Мирзиеев, Садыр Жапаров, куттуктоо
Тема боюнча
Жапаров Мыкандагы мектептин ачылышына катышты. Сүрөт
Өзбекстанда президенттик шайлоо өтүп жатат. 5 талапкер ат салышууда