Камакка алынган киши. Архивдик сүрөт

ТИМ: Тажикстанда бир кыргызстандык кесилип, үчөө соттун чечимин күтүүдө

130
(жаңыланган 18:06 13.07.2021)
Учурда коңшу өлкөнүн тергөө абагында төрт кыргызстандык кармалып турат, бирөө жакында соттолду. Алар чек араны мыйзамсыз кесип өтүүгө айыпталууда.

БИШКЕК, 13-июл. — Sputnik. Душанбеде 9-июлда кыргызстандык киши беш жылга эркинен ажыратылганын ТИМдин маалымат кызматы кабарлады.

Билдирмеге ылайык, 9/1 тергөө абагында Н.А.Д., М.И.М., Э.Х.К. и М.А.Н. аттуу төрт кыргызстандык кармалып турат. Алар коңшу өлкөдө мамлекеттик чек араны мыйзамсыз кесип өттү деп кармалган. Тажикстандын ТИМине кармалгандар менен Кыргызстандын консулун жолуктурууну уюштурууга жардам берүү өтүнүчү менен нота жөнөтүлгөн.

"Бирок элчиликке тажик тараптан жарандардын кармалышы боюнча расмий маалымат келген эмес. Тажикстандын укук коргоо органдарынын оозеки маалыматында И.М., Х.Э., А.М. жана А.Н. Тажикстандын мамлекеттик чек арасын мыйзамсыз кесип өткөндүгү үчүн айыпталууда", — деп айтылат маалыматта.

Ошондой эле Тышкы иштер министрлигинин билдиришинче, колго түшүрүлгөндөрдүн бири соттолду.

"Исмоили Сомони райондук сотунун чечими менен А.М. 5 жылга кесилди. А.Н. жана И.М. аттуу кишилерге жараян 12-июлда болмок, бирок күбөлөрдүн жетишсиздигинен процесс 16-июлга жылды. Х.Э. аттуу адамдын соту 14-июлда өтөт", — деп айтылат маалыматта.

Эпидемиологиялык абалга байланыштуу тажик тарап элчилик менен кыргызстандыктарды жолуктура албай турганы, бул маселе ТИМдин өзгөчө көзөмөлүндө экени кошумчаланды.

130
Белгилер:
чек ара, кармоо, соттук чечим, Тажикстан, Кыргызстан
Тема боюнча
ЖМК: Москвада кыргыз-тажик мигранттары мушташа кетишти. Видео
Баткендеги чек арадан тажик тарап кармап кеткен кыргызстандык жоокер бошотулду
Токиодогу Олимпиада оюндарынын ачылыш аземинде Кыргызстандын делегациясы

КР спортчулары Олимпиаданын ачылышына бет капсыз чыкканы боюнча комитет үн катты  

1208
(жаңыланган 13:51 25.07.2021)
Олимпиаданын уюштуруучуларынын протоколуна ылайык, спортчулар машыгуу жана беттешүү учурунан башка маалда бет кап менен жүрүүгө милдеттүү.

БИШКЕК, 25-июл. — Sputnik. Токиодогу Олимпиада оюндарынын ачылышында Кыргызстан менен Тажикстандын спортчуларынын бет кап тагынбай коюшу боюнча Эл аралык Олимпиада комитети үн катты. Бул тууралуу жергиликтүү "Майнити симбун" газетасы жазды.

24-июлда өткөн маалымат жыйында комитеттин аткаруучу директору Кристофер Дуби коронавируска каршы чараларды аткарбаганы үчүн атлеттер жазаланышы мүмкүндүгүн эскерткен. Оюндун ачылышында эки өлкөнүн курама командасынын мүчөлөрү гана COVID-19 боюнча протоколду эске албай, бет кап тагынбай койгон.  

"Кыргызстандык бир гана спортчунун бет кабы болду. Делегациянын калган мүчөлөрү, анын ичинде туу көтөргөн Каныкей Кубанычбекова менен Денис Петрашов тагынган жок", — деп жазды газета. 

Ошондой эле Тажикстандын делегациясы жана желек көтөргөн эки пакистандык спортчу ачылыш аземде маскасы жок чыкканы белгиленет.  

Reuters агенттигинин жазышынча, мындай көрүнүштөр Япониянын өзүндө жана башка мамлекеттерде сын-пикирлерди жаратты. Социалдык тармактын колдонуучуларынын бири “Орто Азиянын спортчулары бет кап тагынуу эрежесин унутуп калганбы?” деп жазган.  

Олимпиаданын уюштуруучуларынын протоколуна ылайык, спортчулар машыгуу жана беттешүү учурунан башка маалда бет кап менен жүрүүгө милдеттүү.

1208
Белгилер:
коронавирус, бет кап, курама команда, олимпиада, Токио, Кыргызстан
Тема:
2021-жылы Токиодо өтө турган Олимпиада оюндары
Тема боюнча
ЖМК: Олимпиада өтүп жаткан Токиого катуу тайфун жакындап келе жатат
Жыйынтык көрсөтө албай калдым. Каныкей Кубанычбекованын Токиодон кайрылуусу. Видео
Тайфун учурунда кишилер көчөдөн өтүп жатышат

ЖМК: Олимпиада өтүп жаткан Токиого катуу тайфун жакындап келе жатат

968
(жаңыланган 13:38 25.07.2021)
Олимпиаданын уюштуруу комитети тайфундун жакындап жатканына байланыштуу мелдештердин расписаниеси өзгөрөрүн билдирген.

БИШКЕК, 25-июл. — Sputnik. Олимпиада оюндары өтүп жаткан Токио шаарында жакынкы аралыкта үч кабаттуу үйдүн бийиктигиндей толкун болуп, катуу шамал жана нөшөрлөп жаан жаашы мүмкүн. Бул туурасында 360tv.ru порталы Япониянын Улуттук метеорология агенттигинин жергиликтүү ЖМКларга берген маалыматына таянып жазды. 

Ошондой эле “Непартак” тайфуну жакындап калганы кабарланган.

Жаратылыштын мындай кубулушу катуу жамгырды жана бийик толкундарды алып келери белгиленет. Азыркы учурда Япониянын түштүгүндөгү Тынч океанда жайгашкан Бонин аралын (Огасавара деген аталышы менен белгилүү) тайфун каптады. Аны менен катар катуу шамал болору да күтүлүп жатат. Азыр анын ылдамдыгы секундасына 20 метрге жетүүдө. Метеорологдор Токиого жакындаганда ылдамдыгы дагы өсүшү мүмкүн экенин болжогон.

Тайфун Япониянын чыгыш жээгине жеткенде шамал толкунду алты-сегиз метр бийиктикке көтөрөрү айтылууда.   

Олимпиаданын уюштуруу комитети тайфундун жакындап жатканына байланыштуу мелдештердин расписаниеси өзгөрөрүн билдирген. 

Жайкы Олимпиада оюндары былтыр Япониянын борбору Токиодо өтмөк, бирок пандемияга байланыштуу быйылкыга жылдырылган.

968
Белгилер:
олимпиада, тайфун, шамал, Токио
Тема:
2021-жылы Токиодо өтө турган Олимпиада оюндары
Тема боюнча
Токио Олимпиадасында COVID илдетине чалдыккан 9 жаңы учур катталды
Төшөк мамилесине жол бербей... Олимпиада катышуучулары өзгөчө керебетке жатышат
ӨКМ кызматкерлери. Архив

ӨКМ: акыркы суткада үч киши сууга чөгүп кетип, экөөнүн сөөгү табылды

0
(жаңыланган 11:30 26.07.2021)
Куткаруучулар каза тапкандардын сөөгүн милиция кызматкерлерине өткөрүп беришкен. Бирөө Чоң Чүй каналына, экинчиси Киров суу сактагычына чөгүп кеткен.

БИШКЕК, 26-июл. — Sputnik. Кыргызстанда акыркы суткада сууга үч киши чөгүп кеткенин ӨКМдин маалымат кызматы кабарлады.

Ага ылайык, кечээ, 25-июль күнү, Бишкектеги Чоң Чүй каналында (БЧК) адамдын сөөгү жаткандыгы туралуу маалымат түшкөн. Ал жерге барган беш куткаруучу маркумду суудан алып чыгып, ИИМ кызматкерлерине өткөрүп берген.

Ошол эле күнү Ат-Башы районунун Ак-Сай өрөөнүндөгү Кел-Суу көлүнө эркек киши түшүп кеткен. ӨКМ аны беш куткаруучу издеп жатканын, сөөк табыла электигин билдирди.

Ошондой эле Кара-Буура районунун Кызыл-Адыр айылындагы Киров суу сактагычына 27 жаштагы эркек киши чөгүп кеткен. Окуя болгон жерге барган үч куткаруучу саат 20:47де маркумдун сөөгүн суудан таап, милиция кызматкерлерине өткөрүп берген.

0
Белгилер:
куткаруу, сууга чөгүү, милиция, ӨКМ
Тема боюнча
Бишкекте 5 жашар бала сууга чөгүп кетти