Алматы шаарынын ооруканасындагы дарыгерлер. Архив

Алматыда вакцинага каршы үгүттөгөндөргө кызыл зонага экскурсия уюштурулду

204
Вакцинадан баш тартууга үндөп келгендерден үчөө гана кызыл зонага экскурсия кылууга макул болгон.

БИШКЕК, 18-июл. — Sputnik. Алматынын башкы санитардык врачы Жандарбек Бекшин вакцина алууга катуу каршы чыгып жаткан үч жаранды кызыл зонага алып кирип экскурсия уюштурду. Бул тууралуу РИА Новости шаардын Коомдук саламаттык сактоо башкармалыгына таянуу менен жазды.

Маалыматка ылайык, коронавируска каршы вакцина алуудан баш тартуу пикирин билдирип санврачтын кеңсесине бир топ киши келген. Бекшин аларды кызыл зонага экскурсия кылууга чакырганда үчөө гана макул болгон.

"Бүгүнкү күндө реанимацияда жаткандардын 100 пайызы вакцина алган эмес. Вакцинага каршы үндөгөндөрдүн кесепетинен реанимацияга түшүп калган адамдардын саны ушундай көп болуп жатат. Алар бейтаптарга жана медиктерге канчалык кыйын болуп жатканын өз көзү менен көрүшүн кааладым", — деп айткан башкы санврач.

Вакцинага каршы болгон жарандар медиктер, бейтаптар менен сүйлөшүп, оор абалда жаткан реанимациядагы адамдардын абалына күбө болгон.

"Ичиндеги кырдаалды көргөндөн кийин кандай ойдо калганы белгисиз, бирок үн-сөзү жок чыгышты. Ушуну менен аргументтери түгөндү окшойт", — деп жазган шаардык саламаттык башкармалыгы.

Азыркы тапта Алматыдагы эпидемиологиялык кырдаал оор. 2,2 миң адам ооруканада жатат, анын ичинен 180и жаш балдар.

204
Белгилер:
коронавирус, Алматы, экскурсия, вакцина
Тема:
Дүйнөгө жайылган коронавирус (1498)
Тема боюнча
Россияда эмделбеген кызматкерлер иштен четтетилиши мүмкүн

1 500 аскер катышууда. Россия менен Өзбекстандын аскердик машыгуусу видеодо

68
Россия менен Өзбекстан коңшу өлкөнүн Термез шаарындагы полигонунда биргелешкен аскердик машыгуу өткөрүп жатат.

Видеону Россиянын Коргоо министрлиги жүктөдү.

Күжүрмөн окуунун алкагында атайын даярдыктагы бөлүктөр Ми-171 жана Н-215 тик учактарынан секирип түшүп, "куралдуу топторду жок кылышты". Ошондой эле аскерлер 15 чакырымга жүрүш жасап, жолдо катар татаал сыноолордон өттү.

Машыгууга эки тараптан кеминде 1 500 миңдей аскер катышууда.

68
Белгилер:
Россия, Өзбекстан, Аскер, машыгуу, видео
Тема боюнча
Афганистанга жакын аймакта Тажикстан, Россия, Өзбекстандын машыгуусу башталды
Кыргызстандын президенти Садыр Жапаров. Архив

Садыр Жапаров Түркмөнстанга учуп кетти. Коштоп жүргөндөрдүн тизмеси

210
(жаңыланган 14:43 05.08.2021)
Сапардын алкагында Жапаров аймактагы өлкөлөрдүн лидерлери менен эки тараптуу сүйлөшүүлөрдү жүргүзөт.

БИШКЕК, 5-авг. — Sputnik. Президент Садыр Жапаров Борбор Азия мамлекет башчыларынын консультативдик жолугушуусуна катышуу үчүн эки күндүк иш сапары менен Түркмөнбашы шаарына (Түркмөнстан) жөнөп кетти. Бул туурасында мамлекет башчынын маалымат кызматы билдирди.

Жолугушууда соода-экономика, энергетика, транспорт-коммуникация чөйрөлөрүндөгү региондук кызматташтык маселелери, ошондой эле коронавирус пандемиясына каршы күрөшүүдө биргелешкен чаралар талкууланат.

Сапардын алкагында Жапаров аймактагы өлкөлөрдүн лидерлери менен эки тараптуу сүйлөшүүлөрдү жүргүзөт.

Мамлекет башчыны коштоп кеткен расмий делегациянын курамы:

  • тышкы иштер министри Руслан Казакбаев;
  • Жогорку Кеңештин төрагасынын орун басары Аида Касымалиева;
  • Министрлер кабинетинин төрагасынын орун басары — экономика жана финансы министри Акылбек Жапаров;
  • Президенттин администрациясынын тышкы саясат бөлүмүнүн башчысы Дастан Дюшекеев;
  • Кыргызстандын Түркмөнстандагы атайын жана ыйгарым укуктуу элчиси Талант Султанов;
  • ички иштер министри Улан Ниязбеков;
  • энергетика жана өнөр жай министри Доскул Бекмурзаев;
  • транспорт жана коммуникациялар министри Гүлмира Абдралиева;
  • маданият, маалымат, спорт жана жаштар саясаты министри Кайрат Иманалиев.
210
Белгилер:
Садыр Жапаров, Түркмөнстан, министр, делегация
Тема боюнча
Жапаров Эрдоганга адам өмүрүн алган өрт кырсыгына байланыштуу көңүл айтты
Хабиб Садыр Жапаров менен жолуккандагы сүрөтүн жарыялады
Pfizer вакцинасы. Архив

Кыргызстанга күзүндө Pfizer вакцинасынын келиши күтүлүүдө

0
(жаңыланган 00:32 06.08.2021)
Өкмөттүн өкүлүнүн билдиришинче, Pfizer вакцинасынан тышкары, күзүндө кайтарымсыз түрдө Sinopharm препараты келиши күтүлүүдө. Ошондой эле Moderna вакцинасын колдонуу планы бар.

БИШКЕК, 5-авг. — Sputnik. Кыргызстанга COVAX линиясы аркылуу коронавируска каршы Sinopharm жана Pfizer препараттары келиши мүмкүн. Бул тууралуу министрлер кабинетинин төрагасынын орун басары Жылдыз Бакашова билдирди.

"Ушул жылдын сентябь айынын этегинде Кытайдын Sinopharm вакцинасы кайтарымсыз түрдө берилери күтүлүүдө, ошондой эле күздүн ортосунда Pfizer вакцинасынын 259 миң дозасынын келишин күтүп жатабыз. 2022-жылдын биринчи кварталында Дүйнөлүк банктын донордук колдоосунун линиясы менен Moderna вакцинасы келиши мүмкүн", — деген Бакашова.

Анын айтымында, министрлер кабинети дипломатиялык каналдар аркылуу вакциналарды алуу боюнча иштерди улантууда.

0
Белгилер:
Кыргызстан, Министрлер кабинети, коронавирус, вакцина
Тема:
Коронавируска каршы эмдөө
Тема боюнча
Дарыгер COVID-19дан айыккандар жана эмделгендер качан кан тапшырса болорун айтты
Окуучулар сентябрда кадимки тартипте окуйбу? Министрликтин жообу
Кыргызстанда жарым миллиондон ашуун адам коронавируска каршы вакцина алды