Кытайдын Чжэнчжоу шаарында чөгүп кеткен метронун вагону

Кытайда нөшөрдөн кийин метрону суу каптап 12 киши көз жумду. Видео

159
(жаңыланган 14:32 21.07.2021)
Жүргүнчүлөрдүн метродо көкүрөгүнө чейин каптаган суудан чыга албай калган сүрөт, видеолору социалдык тармактарга жарыяланды.

БИШКЕК, 21-июл. — Sputnik. Кытайда суу ташкынынан улам метронун вагондорун суу каптап, 12 киши каза болду. Бул тууралуу Sina.com агенттиги жергиликтүү бийликке таянып кабарлады.

Кырсык кечээ, 20-июлда, Кытайдын Чжэнчжоу шаарында болгон. Нөшөр бир сааттай төгүп, жергиликтүү бийлик шаардагы транспорт кыймылын токтоткон. Мындан улам айрым поезддер кыймылдын жандануусун станциялардын ортосундагы тоннелдерде күтүүгө туура келген. Ал эми метронун дагы бир техникасы суу каптаган аймакта калып, метро кызматкерлери 500дөй кишини эвакуациялаган.

​Күбөлөр тарабынан тартылып, социалдык тармактарга жүктөлгөн видеодон ондогон адамдардын суу толгон вагондордон чыга албай калганын көрүүгө болот.

​Кырсыктан улам метродо кеминде 12 киши каза болуп, дагы беш адам жаракат алган. Маалыматта куткаруу операциясы улантылып жатканы айтылды. Суу каптаган вагондо канча киши болгону азырынча так кабарлана элек.

159
Белгилер:
өлүм, кырсык, суу каптоо, Кытай
Тема боюнча
Аламүдүн: сууга чөгүп кеткен эки кыз менен бир баланын сөөгү табылды
Медициналык кызматкер ооруканада бейтап менен. Архив

Казакстанда бир суткада 7 миң киши COVID жугузуп, 100дөй бейтап көз жумду

74
(жаңыланган 09:46 28.07.2021)
Казакстан жетекчилиги 2-августтан тарта Нур-Султан, Алматы, Шымкент, Караганда жана Атырау шаарларында карантиндик чараларды күчөтүүнү пландап жатат.

БИШКЕК, 28-июл. — Sputnik. Казакстанда өткөн суткада коронавирус жугузуп алгандардын саны рекорддук көрсөткүчкө жетти. Sputnik Казакстан агенттигинин жазганына караганда, акыркы 24 саат ичинде коңшу өлкөдө 6 925 адамдан вирус аныкталып, 92 адам көз жумду.

Жуктургандардын көбү Алматы жана Нур-Султан шаарында катталууда.

"Бир нече күн мурда сутка ичинде каза болгондордун саны 110го жеткен. Ушул тапта өлкө боюнча коронавирустан көз жумгандардын саны 5 619га, пневмония өмүрүн алгандардын саны 3 660ка чукулдады", — деп айтылат кабарда.

Ооруканада жаткандардын ичинен 1,5 миң киши оор абалда болсо, 319у өтө оор абалда. Ал эми 160 бейтап өпкөнү жасалма жол менен дем алдыруу аппаратында жатат. 

Өлкө бийлиги 2-августтан тарта Нур-Султан, Алматы, Шымкент, Караганда жана Атырау шаарларында карантиндик чараларды күчөтүүнү пландап жатат.

74
Белгилер:
статистика, өлүм, коронавирус, Казакстан
Тема боюнча
Өлкөдө 17 миңден ашуун киши COVID менен ооруп жатат. Аймактар боюнча маалымат
Министрлик AstraZeneca менен "Спутник Лайт" вакциналарын бир сыноону кубаттады
Кабул шаарындагы убактылуу лагерде жайгашкан жарандар. Архив

Тажикстандын ТИМи афганистандыктарды кабыл алуу боюнча үн катты

148
(жаңыланган 14:55 27.07.2021)
Афганистандагы саясий туруксуз абал АКШ администрациясы 11-сентябрга чейин афган жеринен аскерлерди чыгарып кетүү убадасынан кийин курчуп жатат.

БИШКЕК, 27-июл. — Sputnik. Америкалык аскерлер менен иштешкен афганистандыктарды Тажикстандын чек арасына кабыл алуу тууралуу маселе каралган эмес. Мындай маалыматты Тажикстандын тышкы иштер министри Сирожиддин Мухриддин РИА Новостиге айтып берген.

"Америкалык аскерлер менен иштешкен афганистандыктарды Тажикстандын чек арасына кабыл алуу тууралуу маселе каралган эмес", — деген министр РИА Новостинин суроолоруна жооп берип жатып.

Афганистанда өкмөттүк күчтөр менен "Талибан" кыймылынын ортосунда тирешүү жүрүп келет. Согушкерлер өлкөнүн айыл жерлериндеги көптөгөн аймактарын ээлеп, чоң шаарларга кол салууда.

Афганистандагы саясий туруксуз абал АКШ администрациясы 11-сентябрга чейин афган жеринен аскерлерди чыгарып кетүү убадасынан кийин курчуп жатат.

2020-жылы Вашингтон менен "Талибан" кыймылы Доха шаарында дээрлик 18 жылдык согуштан кийин тынчтык жөнүндө алгачкы келишимге кол коюшту. Анда Афганистандан чет элдик аскерлерди 14 айдын ичинде чыгарып кетүү жана туткундарды алмаштыргандан кийин афгандар ортосундагы сүйлөшүүнү баштоо каралган.

148
Белгилер:
Афганистан, Тышкы иштер министрлиги, Тажикстан
Тема:
Афган бийлиги менен талибдердин тиреши
Тема боюнча
Афганистандын дээрлик бардык аймагына коменданттык саат киргизилди
Афганистандагы согуш Борбордук Азияны көздөй "жылууда". Опкоолжуткан фактылар
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео