Медициналык кызматкер жана бет капчан кишилер Пекин шаарында. Архив

Кытай ДССУнун COVID-19дун келип чыгышын изилдеген планын четке какты

58
(жаңыланган 14:50 22.07.2021)
Кытайдын Саламаттык сактоо боюнча мамлекеттик комитетинин өкүлү ДССУнун иликтөөсүнүн экинчи фазасы биринчи жолку эмгектин негиздерине таянышы керектигин белгилеген.

БИШКЕК, 22-июл. — Sputnik. Кытай Дүйнөлүк саламаттык сактоо уюмунун COVID-19дун келип чыгышы боюнча иликтөөсүнүн экинчи фазадагы планын четке какты. Бул туурасында РИА Новости жазды.

Буга ДССУнун илимге сый-урматсыз мамиле кылганы себеп болду деген жүйөнү Кытайдын Саламаттык сактоо боюнча мамлекеттик комитетинин жетекчисинин орун басары Цзэн Исинь келтирген.

"Иликтөөнүн экинчи фазасы тууралуу сунушка келсек, анда илимге жана жүйөлүү пикирлерге сый-урмат менен мамиле кылынбаган нерселер айтылыптыр. Бул план менен кете албайбыз жана аны жасабайбыз. Кытай өкмөтү илимий ыкмага таянган иликтөөлөрдү жүргүзүүнү ар дайым колдойт. Вирустун келип чыгышын саясатташтырып жиберүүгө каршыбыз", — деген ал маалымат жыйында.

Ведомство өкүлү иликтөөнүн экинчи фазасы биринчи жолку иликтөөнүн негиздерине таянышы керектигин белгилеген.

Дүйнөлүк саламаттык сактоо уюмунун башкы директору Тедрос Адханом Гебрейесус бул боюнча билдирүү жасаган. Алардын уюму 2019-жылдын декабрында COVID-19 менен кишилер ооруган райондогу изилдөө мекемелерине, лабораторияларга текшерүү жүргүзүшү зарылдыгын айткан.

ДССУга мүчө болгон уюмдарга алардын катчылыгы вирустун келип чыгышын аныктоо жаатында мындан ары жасай турган беш кадам белгиленген кат жиберген. Алардын арасында адамдарды, жапайы жаныбарларды, малды, айлана-чөйрөнү иизилдеп чыга турган комплекстүү иштер камтылган. Экинчиден, SARS-CoV-2 мурда кездешкен приоритеттүү райондорду, ага коңшулаш жайгашып, вирус чыккан аймактарды да байкоого алышмак. Үчүнчүдөн, Ухандагы жана анын чет жакасындагы жаныбарларды саткан базарларды, андан сырткары, "Хуанань" дүң базарындагы жандыктарды изилдөө каралган. Мындан башка дагы жаныбарлардын жүргөн жерин байкоого алып, эпидемиологиялык, молекулярдык эпидемиология боюнча иштерди кошумча жасоо жана дагы бир топ шарттар коюлган.

ДССУ мартта Уханга барган эл аралык эксперттер тобунун коронавирустун лабораториядан чыкканы "өтө күмөн" деген версиясы айтылган докладды жарыялаган. Аны менен катар эле документте жаңы типтеги коронавирус адамга жарганаттан башка жандыктар аркылуу жуккан деген версия чындыкка жакын экендиги айтылган.

Коронавирустун келип чыгышынын башка версиясы жаныбардан адам баласына түз жуккан дегенди эксперттер "андай болушу да, болбошу да мүмкүн" деген тизмеге киргизген. ДССУнун миссиясы вирус тоңдурулган азык-түлүктөр аркылуу тараган деген пикирди көбүрөөк карманарын айткан.

Эске салсак, бүгүн Ухандагы биокоопсуздук боюнча улуттук лабораториянын директору, илимий кызматкер Юань Чжимин ал жетектеген мекеме коронавирусту эч качан жасалма жол менен түзгөн эмес, синтездеп жана сыртка чыгарган да эмес деген кескин билдирүүсүн жасаган.

58
Белгилер:
Кытай, Дүйнөлүк саламаттыкты сактоо уюму, Ухань, лаборатория, коронавирус
Тема:
Дүйнөгө жайылган коронавирус (1494)
Тема боюнча
Кыргызстанда бул күндөрү 20 миңден ашуун киши COVID менен күрөшүп жатат
Олимпиаданы COVID-19дан улам токтотушабы? Уюштуруучулардын жообу
Кыргызстандык балбан Акжол Махмудов

Бирде жигит төө минет... Акжолдун Токиодон элге кайрылган видеосу

267
(жаңыланган 20:12 02.08.2021)
Кыргызстандык балбан учурда ал үчүн ар бир кармаш, мүнөт, секунд маанилүү болуп болуп жатканын айткан.

БИШКЕК, 2-авг. — Sputnik. Олимпиада оюндарынын финалына чыккан Акжол Махмудовдун кыргызстандыктарга кайрылган видеосу жарыяланды.

Видеону кыргызстандык балбан Үзүр Жусупбеков Instagram баракчасынын тарыхча бөлүмүнө жүктөдү.

"Ассолому алейкум кыргыз элим, жеңишим сиздерге арналат! "Бирде жигит төө минет, бирде жигит жөө жүрөт. Төө мингенде жигитти, төбөсүнө көтөрүп, тегеректеп эл жүрөт. Жөө жүргөндө жигитти, жөөлөй түртүп эл күлөт" дейт, ошондуктан бүгүн утулуп, максатына жетпей калган жигиттерибизди эч качан сындабагыла. Бул — спорт. Өзүңдө жакшы нерсе болбосо башкалардын да жакшы жагын көрө албайсың. Ошондуктан адам канчалык жамандык кылбасын ар дайым жакшы жагын көргөнгө аракет кылгыла", — деди Махмудов.

Андан ары балбандын казакстандык журналисттерге интервью берип жатканын көрүүгө болот. Анда ал ар бир кармаш, мүнөт, секунд маанилүү болуп жатканын айткан.

"Бүгүн бизди кудай жалгады. Мен бүгүн болбосо качан күрөшөм. Бүгүн утпасам дагы качан утушум мүмкүн. Мындай мүмкүнчүлүк ар кимге эле ар дайым бериле бербейт. Ошондуктан ар бир мүнөт, секунд сайын кудайдан мен тарапта болуп бер деп тиленип жаттым, мен жеңишке муктажмын деп сурандым. Кудай өтүнүчүмдү аткарып жатат", — деди балбан.

Акжол Махмудов Олимпиада-2020 медешинин алтын байгеси үчүн венгриялык Тамаш Лёринц менен эртең күч сынашат.

267
Белгилер:
Акжол Махмудов, олимпиада, күрөш, жеңиш
Тема:
2021-жылы Токиодо өтө турган Олимпиада оюндары
Тема боюнча
Баары алдыда! 22 жаштагы Айпери Медет кызы коло медалын ала албай калды
Үзүр Жусупбеков Олимпиаданын коло байгеси үчүн ат салышууга мүмкүнчүлүк алды
Токиодо шоу уюштурууда! Бириккен күрөш дүйнөсү Акжолду алкады. Видео, сүрөт
Кыргызстан балбаны Акжол Махмудов

Атаандашын ай-буйга келтирбей жыккан Акжол. Жарым финалдагы жүрөк толкуткан видео

2473
(жаңыланган 17:20 02.08.2021)
Акжол биринчи эле бөлүктө тик туруп жасаган мыкты ыкмаларды колдонуп, жеңишти камсыздоого жетиштүү упай топтоп койду.

БИШКЕК, 2-авг. — Sputnik. Токио Олимпиадасында грек-рим күрөшү боюнча кыргызстандык балбан финалга чыкты.

Ал жарым финалда армениялык Карапет Чалянды 6:2 эсеби менен утту.

Акжол биринчи эле бөлүктө тик туруп жасаган мыкты ыкмаларды колдонуп, жеңишти камсыздоого жетиштүү упай топтоп койду. Башында кыргызстандык балбандын чабал аракети үчүн атаандашы бир упай алып, андан соң калыс Акжол Махмудовду партерге коюп берди. Чалян көтөрүүгө аракет кылганда кыргызстандык балбан контрчабуул жасап, өзүн басып түштү. Бул үчүн Акжолго эки упай берилди. Кийин армениялык спортчуну партер абалына койду. Албетте, Акжол мындай мүмкүнчүлүктү колдон чыгарбай көтөрүп чаап, төрт упай алды. Чалянга тегерек чийинден качып чыгууга аракет кылганы үчүн эскертүү берилип, аны кайра партерге койду. Дагы бир ирет партер берилди эле көтөрүүгө жетишпей калды.

Ал эми экинчи бөлүктө Акжол көп чабуул жасабай, мыкты коргонууга өттү. Мелдештин бүтөрүнө аз калганда армениялык балбан килемден түртүп чыгып бир упай алды.

Натыйжада Махмудов Чалянды 6:2 эсеби менен жеңип, финалга чыкты. Эми ал алтын медаль үчүн күрөшөт.

Кырызстандык балбан 77 килограмм салмак категориясы боюнча ат салышууда. Буга чейин Тунис өлкөсүнөн барган Ламджед Маафини (11:0) жана азербайжандык Рафиг Гусейиновду (9:1) мөөнөтүнөн мурда жеңип алган.

Акжол Махмудов 22 жашта, эл аралык класстагы спорт чебери. Азия чемпиону жана Азия оюндарынын күмүш медалынын ээси. Апрель айында Алматыда өткөн турнирде Токио Олимпиадасына жолдомо уткан.

2473
Белгилер:
Акжол Махмудов, олимпиада, финал, күрөш, жеңиш
Тема:
2021-жылы Токиодо өтө турган Олимпиада оюндары
Тема боюнча
Токиодо шоу уюштурууда! Бириккен күрөш дүйнөсү Акжолду алкады. Видео, сүрөт
Мээрим Жуманазарова Олимпиаданын коло байгеси үчүн ат салышмай болду

Аябай бактылуу болуп турам! Акаевдин сурактан чыккандан кийинки маеги видеодо

0
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

0
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!