Рахмон армиясын текшерип, тажик-афган чек арасына 20 миң аскер жөнөттү

© Фото / Пресс-служба президента Таджикистана / Медиабанкка өтүүВоенный парад на границе Таджикистана с Афганистаном
Военный парад на границе Таджикистана с Афганистаном - Sputnik Кыргызстан, 1920, 23.07.2021
Жазылуу
Рахмон Тажикстан менен чектешкен Афганистандын түндүгүндөгү кырдаал жадагалса саат сайын оорлошуп баратканын белгилеген.

БИШКЕК, 23-июл. — Sputnik. Афганистандагы туруксуз кырдаалга байланыштуу Тажикстан чек араларына кошумча күч тартып, 20 миң аскерин жөнөттү. Бул туурасында Sputnik Тажикстан агенттиги президенттин маалымат кызматына таянуу менен жазды.

Контрольно-пропускной пункт в Кабуле - Sputnik Кыргызстан, 1920, 22.07.2021
Афганистан көйгөйү: борбор азиялыктарды азгыруу күчөп, баңгизат өндүрүшү рекорд койду
Мындай аракеттер тажик-афган чек ара аймактарын бекемдөө максатында жасалып жатканы айтылды.

Ошондой эле Тажикстандын көз карандысыздыкка жетишкен тарыхында биринчи жолу президент Эмомали Рахмон өлкө армиясынын аскердик даярдыгын текшерген.

22-июлда таң эрте айгай жаңырып 230 миң аскер ыкчам багыттагы ордуна чогулган. Рахмон Куралдуу күчтөрдүн алдында сүйлөп, региондогу туруксуз кырдаалга байланыштуу мындай даярдык керек экенин белгилеген.

"Биз канчалаган эмгек менен саясий туруктуулук, улуттук биримдик орнотуп мамлекетибиздин жана элибиздин коопсуздугун камсыздоого жетиштик. Андыктан тынчтыкты жана туруктуулукту сактоого даяр турушубуз керек", — деди Рахмон.

Мындан сырткары, ал Тажикстан менен чектешкен Афганистандын түндүгүндөгү кырдаал күн сайын, жадагалса саат сайын оорлошуп баратканын билдирген.

Жаңылыктар түрмөгү
0