Силы Талибана стоят на страже перед международным аэропортом имени Хамида Карзая в Кабуле. Афганистан, 2 сентября 2021 года

17 киши каза тапты. Талибдер асманга аткан согушкерлерин жазаламай болду

553
Талибдердин лидеринин орун басары Кабулда же башка шаарларда асманга ок чыгарган согушкер куралынан дароо ажырарын эскерткен.

БИШКЕК, 4-сен. — Sputnik. Афганистанда талибдер майрамдап асманды көздөй ок аткылагандын кесепетинен каза тапкандардын саны 17 кишиге жетип, 41и жаракат алды. Бул тууралуу РИА Новости өзүнүн маалымат булагына таянып билдирди.

Мурдагы маалыматтарда "Талибан"* кыймылы шаарларда асманды көздөй аткылаган согушкерлеринен куралды алып коюп жана жоопко тарта тургандыктарын эскерткени айтылган эле

Буга чейин талибдердин өкүлү жана күбөлөр согушкерлер моюн сунбай келген Панжшерди каратууну канонада менен белгилеп жаткандыгын айтышкан. Талибдер Кабулдун жашоочуларын абага атылган ок салтанатка арналган эмес деген таризде билдирүү кылышкан. Кыймылдын жетекчилиги талибандардын минтип ок чыгаруусун токтотууга буйрук берген.

"Талибдердин лидеринин орун басары Мохаммад Якуб асманды көздөй аткылагандар боюнча бир катар буйруктарды чыгарган. Эртеңден тарта Кабулда болобу же башка шаарларда болобу кимде-ким ок чыгарса, ошол замат куралынан ажырайт. Мындай кадам казынага зыян алып келет, ал эми өздөрү жоопко тартылат", — деп айтылат кыймылдын Twitter баракчасында.

Августтун башында "Талибан"* кыймылы активдешип, Афганистандын өкмөттүк күчтөрүнө чабуул коё баштаган. 2021-жылдын 15-августунда борбор шаары Кабулга кирип, президенттик сарай алардын көзөмөлүндө калган. Ал эми 16-августта Афганистандагы согуш аягына чыкты деп жар салып, жакын арада өлкөнүн башкаруу формасы аныкталарын айтышкан. 31-августка караган түнү АКШ аскерлери буга чейин көзөмөлүндө турган Кабул аэропортун таштап чыгып кетишти.

Учурда талибдерге каршылык көрсөтүп жаткан өлкөнүн түндүк-чыгышындагы Панжшер провинциясы болууда. Жума күнү кыймылдын өкүлү Билал Карими баш бербей жаткан провинциянын "Талибанга"* өткөнүн айткан. Кабулдагы полициянын штаб-квартирасынан каршылык көрсөткөн Панжшер күчтөрү талкалангандыгын, ал эми Афганистандын вице-президенти Амрулла Салех жана панжшерликтердин лидери Ахмад Масуд качканын айтышкан. Бирок кийинчерээк Салех талибдердин аларды басып алганы туурасындагы маалыматы жалган экендигин, каршылык көрсөтүү уланып жаткандыгын, ал Панжшерде калгандыгын билдирген.

* — Кыргызстан, Россия жана бир катар мамлекеттерде ишмердүүлүгүнө тыюу салынган уюм.

553
Белгилер:
Афганистан, АКШ, 'Талибан' кыймылы, Панжшер провинциясы, Амрулла Салех, Ахмад Масуд
Тема:
Афган бийлиги менен талибдердин тиреши (218)
Токио көчөсүнүн биринде бараткан улгайган аялдар. Архивдик сүрөт

Японияда улгайгандардын саны рекорддук көрсөткүчкө жетти

97
(жаңыланган 11:06 20.09.2021)
Иш менен алек болгон пенсионерлердин да саны өсүп, 9 миллионго жеткен. Улгайгандар акыркы 17 жылдан бери жаштар менен теңтайлаша иштеп келе жатканы белгиленет.

БИШКЕК, 20-сен. — Sputnik. Японияда 65 жаштан жогору адамдардын саны алгачкы жолу 36,4 миллионго жетти, бул калктын 29,1 пайызын түзөт. Муну менен Япония кары-картаңдар жашаган өлкөлөр арасында дүйнөдө биринчи орунда турарын РИА Новости жазды. 

Бүгүн өлкөдө Карылар күнү белгиленип жатат. Бир жыл ичинде Японияда улгайгандардын саны 220 миңге өскөн.

Өлкөдө жалпы эркектердин 26 пайызын карыгандар түзөт, ал эми аялдардын 32 пайызы жашы өткөндөр экени айтылды.

Ошондой эле иш менен алек болгон пенсионерлердин да саны өсүп, 9 миллионго жеткен. Улгайгандар акыркы 17 жылдан бери жаштар менен теңтайлаша иштеп келе жатканы белгиленет.

97
Белгилер:
Япония, карылык, көрсөткүч
Тема боюнча
Дарыгер улгайгандар кантип туура эмделиши керектигин айтты
Күүлүү-күчтүү болуш үчүн улгайган адамдар кандай тамактанышы керек
Японияда бөтөлкөнү тепкен футбол машыктыруучусу жазаланып, оюндан куулду. Видео
Женщина голосует на избирательном участке во время выборов президента Узбекистана.

Өзбекстанда президенттик шайлоонун үгүт иштери башталды

58
(жаңыланган 10:51 20.09.2021)
Коңшу өлкөдө быйылкы жылдын 24-октябрында президенттик шайлоо өтөт. Өзбек эли беш талапкердин арасынан өзүнө жаңы өлкө башчы тандайт.

БИШКЕК, 20-сен. — Sputnik. Өзбекстанда президенттик шайлоонун үгүт иштери башталды. Бул тууралуу Sputnik Өзбекстан агенттиги жазды.

Бул жолку шайлоого Борбордук шайлоо комиссиясы өлкөдө расмий түрдө иш алып барган беш партиянын тең талапкерлерин каттоого алды.

Өзбекстандын либерал-демократтар партиясы учурдагы президент Шавкат Мирзиёевдин талапкерлигин көрсөтүүдө. Ал өзүнүн "Жаңы Өзбекстан" деп аталган программасында коррупцияга каршы туруу жана көмүскө экономиканы кыскартууга басым жасай турганын айтты. Ошондой эле негизги өнөктөштөрү Кытай, Россия, АКШ жана Борбор Азия өлкөлөрү менен кызматташтыкты күчөтөрүн билдирди. Мындан тышкары, ЕАЭБ менен азыркыдан дагы тыгыз иштешүүнү көздөйт.

"Миллий тикланиш" партиясынын атынан чыгып жаткан 46 жаштагы Алишер Кадыров, тескерисинче, Өзбекстандын ЕАЭБ менен кызматташтыгын сындап келет. Ал өлкө башына келсе улуттук каада-салт жана баалуулуктарды сыйлабагандарды административдик жоопкерчиликке тартууну каалайт.

Өзбекстандын элдик-демократиялык партиясы бул ирет президенттикке аял кишинин талапкерлигин сунуштады. 60 жаштагы Максуда Варисова КМШ өлкөлөрү менен кызматташтыкты күчөтүүнү көздөп жатат. Ошондой эле тамак-аштын арзан, медицина менен билим берүүнүн акысыз болушу үчүн жан үрөмөкчү.

"Адолат" партиясынын 62 жаштагы лидери Бахром Абдухалимов эски саясатты жакшыртууга басым жасайт. Билим берүү жана жарандардын турак жай маселесин чечүүнү каалай турганын айтты.

Экологиялык партиянын өкүлү 46 жаштагы Нарзулло Обломурадов калкка таза суунун жеткиликтүүлүгүн 90 пайызга чейин көтөрүүнү, өлкөдөгү экологиялык абалды жакшыртууну кааларын айтты.

Ушул тапта шайлоого байкоочулук кылуу үчүн Өзбекстанга КМШ, ШКУ, ЕККУ сыяктуу биримдиктер жана эл аралык уюмдардын өкүлдөрү келе баштаганы белгилүү болду.

Коңшу өлкөдө быйылкы жылдын 24-октябрында президенттик шайлоо өтөт. Өзбек эли жогоруда айтылган беш талапкердин арасынан өзүнө жаңы өлкө башчы тандайт.

58
Белгилер:
Өзбекстан, Шавкат Мирзиеев, президенттик шайлоо, үгүт
Тема боюнча
Бишкекте россиялыктар Мамдуманын депутаттарын шайлоодо. Видео
Нарындын мэри шайлоодогу коррупциялык иштерге шектелип кармалды
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

8
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

8
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек