Өзбекстанда мектепке жоолук салынып же допу кийип келүүгө уруксат берилди

© Sputnik / Саид Царнаев / Медиабанкка өтүүМектептеги кыздар сабак учурунда. Архив
Мектептеги кыздар сабак учурунда. Архив - Sputnik Кыргызстан, 1920, 05.09.2021
Жазылуу
Окуучу кыздын жоолугу ак же башка ачык түстөрдө болуусу шарт. Ошондой эле ал сөзсүз артка байланышы керек.

БИШКЕК, 5-сен. — Sputnik. Өзбекстанда окуучу кыздарга мектепке жоолук салынып же допу кийип келүүгө уруксат берилди. Бул тууралуу өлкөнүн Элдик билим берүү министрлигине таянып Sputnik Өзбекстан агенттиги жазды.

"Улуттук баалуулуктарды эске алуу менен окуучу кыздарга мектепке жоолук салынууга уруксат берилди. Бирок жоолук артка байланышы керек. Ал ак же башка ачык түстө болуусу шарт. Ошондой эле кыздар мектепке допу кийсе болот. Буга биз айрым ата-энелердин суранычынан улам макул болдук. Бирок бул нерсе бардык окуучуларга тиешелүү эмес. Жоолук салынбагандарга эч ким салын деп таңуулабайт", — деп айтылат билдирүүдө.

Июль айында президент Шавкат Мирзиёев "Абийир эркиндиги жана диний мекемелер жөнүндө" мыйзамга кол койгон. Анда коомдук жайларда хиджаб жана башка улуттук кийим-кечектерди кийип жүрүү маселелери каралган.

Өзбекстанда быйылкы окуу жылын окуучулар мектепке барып билим алуу менен баштады.

Жаңылыктар түрмөгү
0