Казакстандын президенти Касым-Жомарт Токаев. Архив

Токаев: Казакстан Афганистандын жаңы бийлиги менен кызматташууга даяр

181
(жаңыланган 13:09 09.09.2021)
Токаев Афганистан стабилдүү, суверендүү, бирдиктүү, өз ара жана коңшулары менен тынчтыкта жашаган өлкөгө айланышы керектигин белгилеген.

БИШКЕК, 9-сен. — Sputnik. Казакстан Афганистандын жаңы бийлиги менен гуманитардык көйгөйлөрдү чечүү үчүн конструктивдүү байланыш түзүүгө даяр. Бул тууралуу президент Касым-Жомарт Токаев билдиргенин Sputnik Казакстан жазды.

Өлкө лидери чет элдик элчилерден ишеним грамоталарын кабыл алып жатып, Афганистан боюнча кеп козгогон. Президенттин сөзүн маалымат катчысы Берик Уали Facebook баракчасына жарыялаган.

"Башынан көп азап өткөргөн мамлекеттин гуманитардык көйгөйлөрүн чечүү максатында жаңы бийлик менен конструктивдүү байланыш түзүүгө даярбыз", — деген Токаев.

Ал ошондой эле Афганистан стабилдүү, суверендүү, бирдиктүү, өз ара жана коңшулары менен тынчтыкта жашаган өлкөгө айланышы керектигин белгилеген.

"Казакстан сиздердин мамлекет менен зомбулукту, баңгизаттын мыйзамсыз жүгүртүлүшүн, көзөмөлсүз миграцияны алдын алуу максатында кызматташууга даяр. Эл аралык коомчулук ушул өткөөл мезгилде Афганистанды көз жаздымда калтырбашы керек", — деди Токаев.

Августтун башында "Талибан"* кыймылы активдешип, Афганистандын өкмөттүк күчтөрүнө чабуул кое баштаган. 2021-жылдын 15-августунда борбор шаары Кабулга кирип, президенттик сарай алардын көзөмөлүндө калган. Ал эми 16-августта Афганистандагы согуш аягына чыкты деп жар салып, жакын арада өлкөнүн башкаруу формасы аныкталарын айтышкан. 31-августка караган түнү АКШ аскерлери буга чейин көзөмөлүндө турган Кабул аэропортун таштап чыгып кетишти.

Панжшер провинциясы Афганистанда талибдерге каршылык көрсөтүп жаткан жалгыз аймак болчу. Бирок 6-сентябрда талибдер бул аймакты да толугу менен көзөмөлүнө алганын жар салды.

* — Кыргызстан, Россия жана бир катар мамлекеттерде ишмердүүлүгүнө тыюу салынган уюм.

181
Белгилер:
Кыргызстан, Касым-Жомарт Токаев, Афганистан
Тема:
Афган бийлиги менен талибдердин тиреши (219)
Тема боюнча
ЖМК: талибдер ант берүү аземин 11-сентябрга белгиледи
Панжшердин алынышы Борбор Азияга кандай коркунуч туудурат? Сереп
Талибан кыймылынын мүчөлөрү. Архив

Афганистандагы шарият мыйзамы Кыргызстанга кандай коркунуч жаратат? Пикир

98
(жаңыланган 18:14 21.09.2021)
Эксперттин айтымында, Афганистанда согуш күч алса да, тынчтык жолу менен өнүгүп кетсе да Борбор Азияда кооптуулук жогорку бойдон сакталат.

БИШКЕК, 21-сен. — Sputnik. Афганистанда шарият мыйзамынын орношу Борбор Азия өлкөлөрүнүн баарына коркунуч жаратат. Бул тууралуу саясат таануучу, саясат таануу илимдеринин доктору Азамат Темиркулов билдирди.

Ал "Пикир" регионалдык эксперттер клубу уюштурган "Афганистан Кыргызстан жана ЖККУ өлкөлөрүнүн улуттук коопсуздугуна коркунуч жараткан фактор катары" аталышындагы конференцияда сүйлөдү.

"Афганистандын аймагында жүргөн жана ар кандай террордук уюмдарга кошулуп кеткен Борбор Азия өлкөлөрүнүн жарандары тынчсыздандырат. Кээ бирлери Ирак жана Сирияда согуштук тажрыйба алышкан. Алар Афганистандан дагы Борбор Азиядагы согуштук аракеттерге кызыкдар", — деди Темиркулов.

Ошондой эле ал Афганистанда согуш күч алса да, кырдаал тынчтык жолу менен өнүгүп кетсе да Борбор Азияда кооптуулук жогорку бойдон каларын белгиледи.

"Жадагалса баары тынчып, кырдаал тынчтык жолу менен бир нукка түшүп, талибдер Ислам Эмирлигин курган чакта да Борбор Азиядагы кооптуулук жогорку бойдон сакталат. Эгер Афганистанга Катар, Сауд Аравиясы жана башка араб өлкөлөрү жардам берсе, биздин мамлекетте ислам принциптери жана шарият жолу менен жашагандар эртеби-кечпи баш көтөрүп чыгат. Себеби өлкөдө келечекте Борбор Азияны шарият мыйзамдары менен жашаган эмирлик катары элестеткен жарандардын саны арбын. Коомдун мындай бөлүгү социалдык жана саясий планда Афганистанды үлгү кылып көрсөтүшү мүмкүн", — деди саясат таануучу.

Буга чейин президент Садыр Жапаров теократиялык мамлекеттин калыптанышы ЖККУга мүчө өлкөлөргө терс таасир этерин айткан.

"Талибан"* августтун башында активдешип, айдын орто ченинде Кабулга кирген. Согуш аягына чыкканы жар салынып, 31-августта америкалык аскерлер, Батыш өлкөлөрүнүн жарандары жана алар менен кызматташкан афгандар толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында. Бийликке келгендер Афганистанда Ислам Эмирлигин түзүүгө белсенип жатышканын билдирген.

* — Кыргызстан, Россия жана башка бир катар мамлекеттерде тыюу салынган уюм.

98
Белгилер:
эксперт, Азамат Темиркулов, Афганистан, кооптуулук
Тема:
Афган бийлиги менен талибдердин тиреши (219)
Тема боюнча
Афганистандагы абал Борбор Азиянын келечегине кандай таасир этет? Пикир
Алматыда атууга шектүүнүн жубайы Анаида Демирчян

Алматыда 5 кишини аткан жарандын аялы: банк үйүбүздү арзыбаган акчага сатып жиберди

3256
(жаңыланган 19:22 21.09.2021)
Ок чыгарган киши ошол замат колго түшүрүлгөн. Казакстандын мыйзамдарына ылайык, ал 20 жылга чейин эркинен ажырашы мүмкүн экени айтылууда.

БИШКЕК, 21-сен. — Sputnik. Алматы шаарында полиция кызматкерлерин кошуп, беш адамды атып салган жарандын жубайы Анаида Демирчян элге жана президентке кайрылды. Бул тууралуу Sputnik Казакстан агенттиги жазды.

Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургунду соттун чечимин аткаруу үчүн үйүнөн чыгарганы келген сот аткаруучуларды үй ээси атып салган. Жеринде эки полиция кызматкери, бир сот аткаруучу жана эки жөнөкөй жаран каза болгон. Кийин өлгөндөрдүн бири үйдү банктан сатып алган киши экени белгилүү болгон.

"Тилекке каршы, Казакстанда мыйзам биз каалагандай иштебейт. Мамлекет жашы жете элек балдарды коргобойт. Менин үч балам болсо, экөөнүн жашы жете элек. Банк бизди алдап, сызга отургузуп кетти. Биздин үйүбүздү өз баасынан 5 эсе төмөн, арзыбаган тыйынга сатып салды. Биз бир нече жолу нөөмөттөгү прокурорго, полицияга чалдык. Келген жок", — деди Демирчян.

Ал жолдошун айласы түгөнгөн оор абалга сот аткаруучу жеткиргенин билдирди.

"Бизди сот аткаруучу коркутуп жаткан видео бар. Телефон чалып балдарыңды кууп чыгам деп коркутчу. Ушул тапта бизди үйдөн чыгаруу боюнча чечим талашта болчу. Маркумдардын жакындарына көңүл айтым. Ооба, жолдошум ката кетирди. Бирок аны буга сот аткаруучу жеткирди, далилим бар. Кичине балдарыбыз болгондуктан абалыбызды түшүндүрүп, карызды жабуу үчүн салонубуздан түшкөн киреше жетиштүү экенин дагы айтканбыз. Бирок банк бизди жок кылгысы келди", — деди Демирчян.

Ошондой эле ал каргашалуу окуя учурунда эмне кылып жатканын айтып берди.

"Үйдө балдарым, карыган энебиз менен болчумун. Кичине баламдын жүрөгү оорукчан. Анын оорусу кармап жатып калганынан тез жардам чакыртып жаткам. Муну көргөн сот аткаруучу медиктерди чакырууга дагы жараган жок. Бир маалда ок атылганын уктум. Балким, биз чакырган учурда прокурор келип, юридикалык жактан баарын туура түшүндүрсө мындай трагедия болмок эместир. Биз мыйзамды сыйлаган жарандарбыз! Буга чейин миллион жолу президентке кайрылгам. Азыр дагы кайрылам. Урматтуу президент, Баш мыйзамдын гаранты катары бойго жете элек балдарымды коргоп бериңиз", — деди ал.

Ок чыгарган киши ошол замат колго түшүрүлгөн. Казакстандын мыйзамдарына ылайык, ал 20 жылга чейин эркинен ажырашы мүмкүн экени айтылууда.

3256
Белгилер:
Алматы, үй, сот, чечим, ок атуу, өлүм, жубайлар, бала, кайрылуу
Тема боюнча
5 киши өлдү. Алматыда бүлөнү үйүнөн чыгарууга келген сот аткаруучуларга ок атылды
Алматыда үй ээси атып салган 5 киши: өлгөндөрдүн бири жаңы кожоюн болгон
Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен

Садыр Жапаров Өзбекстан парламентинин төрайымы менен жолукту

25
(жаңыланган 22:46 21.09.2021)
Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашты.

БИШКЕК, 21-сен. — Sputnik. Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту. Бул тууралуу мамлекет башчынын маалымат кызматы билдирди.

  • Президент Садыр Жапаров встретился с председателем Сената Олий Мажлиса Узбекистана, прибывшей в страну с официальным визитом. 21 сентября 2021 года
    Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту
    © Пресс-служба президента КР / Султан Досалиев
  • Президент КР встретился с председателем Сената Олий Мажлиса Узбекистана Танзилой Нарбаевой, прибывшей в страну с официальным визитом. 21 сентября 2021 года
    Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашышты
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту

Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашты.

Мамлекет башчы Өзбекстандын парламентине парламент аралык жана регионалдык кызматташтыкты өнүктүрүүгө, ошондой эле үстүбүздөгү жылдын мартында президент Шавкат Мирзиёев менен сүйлөшүүлөрдүн жүрүшүндө жетишилген макулдашууларды ишке ашырууга ар тараптуу көмөгү үчүн ыраазычылык билдирген.

"Олий Мажлис сенатынын төрайымы Кыргызстанда Садыр Жапаровдун бардык тармактарда жүргүзүп жаткан реформаларынын натыйжасында болгон жакшы өзгөрүүлөрдү белгиледи. Ошондой эле Өзбекстандын президенти Шавкат Мирзиёевдин жалпы кыргыз элине чын дилден бакубатчылык тилеген каалоосун жеткирди. Өзбекстандын парламенти Жапаровдун Ташкентке болгон мамлекеттик сапарынын жүрүшүндө жетишилген макулдашуулардын ишке ашуусуна ар тараптуу көмөк көрсөтөрүнө ишендирди", — деп айтылат маалыматта.

Жолугушуу соңунда Жапаров кесиптеши Мирзиёевге жылуу салам айтууну өтүнүп, ошондой эле боордош өзбек элине тынчтык, бакубатчылык жана мындан аркы гүлдөп өнүгүүнү каалаган.

25
Белгилер:
Өзбекстан, Садыр Жапаров, жолугушуу, Танзила Нарбаева
Тема боюнча
Жапаров ЮНЕСКО өкүлү менен КРдин атынан мурастар тизмесине кирчү жайларды сүйлөштү
Жапаров суучул Шуликонун рекордун каттатуу үчүн 500 миң сом бөлдү